Gürcü rəhbərlərdən azərbaycanlılara təbrik: "Bizi bir Vətən birləşdirir"

17
"İnanıram ki, birgə səylərimizlə pandemiyaya qalib gələcəyik və bundan sonra gözəl Novruzun bayram edilməsi ənənəsi hər zaman Gürcüstan baharını rövnəqləndirəcək" - Salome Zurabişvili

BAKI, 21 mart - Sputnik. Gürcüstanın Baş naziri İrakli Qaribaşvili ölkəsində yaşayan azərbaycanlıları Novruz bayramı münasibətilə təbrik edib. 

Sputnik Gürcüstan xəbər verir ki, baş nazir Facebook hesabında paylaşdığı təbrikdə Novruz bayramının yeni ilin, yeni həyatın başlanğıcı olduğunu qeyd edib:

"Novruz - bahar bayramı və müsəlmanların Günəş təqvimi ilə martın 20-21-nə təsadüf edən gecə-gündüz bərabərliyi ilə üst-üstə düşən yeni ilin gəlişidir. Gürcüstanda bayram tədbirləri keçirilir. Bu bayram əhalisinin əksərityyətini etnik azərbaycanlılar təşkil edən Kvemo-Kartli regionunda daha geniş qeyd olunur. Bizim azərbaycanlı vətəndaşlarımızı yeni ilin, yeni həyatın rəmzi olan bu gözəl bahar bayramı - Novruz münasibətilə təbrik edirəm. Hər birinə sülh, xoşbəxtlik, inkişaf və çiçəklənmə arzulayıram".

Gürcüstan Prezidenti Salome Zurabişvili də etnik azərbaycanlıları təbrik edib.

"Bu gün təbiətin oyanışını, yeni enerjiylə dolmasını simvolizə edən, daha yaxşı gələcəyə ümidlərlə dolu bahar bayramı - Novruzdur. Gürcüstanda Novruzun qeyd olunması əsrlərə dayanır. Bu, gürcü mədəniyyəti və ənənələrinin müxtəlifliyinin bariz nümunəsidir. Təəssüf ki, pandemiya ilə əlaqədar bu il də bu qədim bayramı qeyd edə bilmirik. İnanıram ki, birgə səylərimizlə pandemiyaya qalib gələcəyik və bundan sonra gözəl Novruzun bayram edilməsi ənənəsi hər zaman Gürcüstan baharını rövnəqləndirəcək", - Prezident qeyd edib. 

© Sputnik / Kamilla Əliyeva / Taleh Mahmudov / Səbinə Əsədova

Gürcüstan Parlamentinin sədri Arçil Talakvadze də azərbaycanlılara xoş sözlərini ünvanlayıb: "Gürcüstan Parlamenti adından bizim azərbaycanlı vətəndaşlarımızı Novruz bayramı münasibətilə təbrik edirəm. Bizi bir Vətən və əsrlər boyu birgəyaşayış birləşdirir. Bahar, ümid və yenilənmə bayramınız mübarək! Sağlamlıq, bərəkət və uğurlar arzulayıram!"

Qeyd edək ki, cümə günü İdarələrarası Koordinasiya Şurası bayram vaxtı komendant saatının götürülməməsinə qərar verib. Ölkədə epidemioloji situasiya ilə əlaqədar olaraq maska taxılması, 21:00-05:00 arası komendant saatı, eləcə də kütləvi tədbirlərin keçirilməsinə qadağa hələ bir müddət də qüvvədə qalacaq.

17
Teqlər:
azərbaycanlılar, Novruz bayramı, Gürcüstan
Koronavirus testi, arxiv şəkli

Ermənistanda koronavirusla bağlı son statistika açıqlandı

5
(Yenilənib 11:20 18.04.2021)
Son 24 saat ərzində xəstəlikdən 19 nəfər ölüb, bununla da Ermənistanda indiyə qədər koronavirusdan ölənlərin ümumi sayı 3878 nəfərə çatıb.

BAKI, 18 aprel - Sputnik. Ermənistanda son sutkada yeni növ koronavirusa (COVID-19) 547 yeni yoluxma qeydə alınıb.

Sputnik Ermənistan xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, son 24 saat ərzində xəstəlikdən 19 nəfər ölüb, bununla da Ermənistanda indiyə qədər koronavirusdan ölənlərin ümumi sayı 3878 nəfərə çatıb.

Ölkədə indiyədək 208 520 nəfər koronavirusa yoluxub.

5
Amerika polisi, arxiv şəkli

ABŞ-da növbəti atışma: ölən yaralananlar var

0
(Yenilənib 10:10 18.04.2021)
Bu, son saatlarda Birləşmiş Ştatlarda baş vermiş ikinci silahlı insidentdir. Daha əvvəl Nebraska ştatının Omaxa şəhərində də atışma olub.

BAKI, 18 aprel - Sputnik. ABŞ-da növbəti atışma olub. Bu barədə "Report" NBC teleşirkətinə istinadən xəbər verir.

Məlumata görə, hadisə Ohayo ştatında qeydə alınıb. Kolumbus şəhəri yaxınlığında baş verən atışma zamanı azı 1 nəfər həlak olub, daha 5 nəfər yaralanıb.

Bildirilir ki, anım mərasimi zamanı naməlum şəxs ətrafdakılara atş açıb. İnsidentin digər təfərrüatları açıqlanmır.

Qeyd edək ki, bu, son saatlarda Birləşmiş Ştatlarda baş vermiş ikinci silahlı insidentdir. Daha əvvəl Nebraska ştatının Omaxa şəhərində də atışma olub.

0

Sabah ölkədə havanın temperaturu 29 dərəcəyədək yüksələcək

0
(Yenilənib 12:21 18.04.2021)
Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

BAKI, 18 aprel - Sputnik. Aprelin 19-da Azərbaycanın bəzi yerlərdə havanın temperaturu 29 dərəcəyədək yüksələcək. 

Sputnik Azərbaycan Milli Hidrometeorologiya Xidmətinin məlumatına istinadla bildiri ki, sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Mülayim şimal küləyi gündüz cənub küləyi ilə əvəz olunacaq. Havanın temperaturu gecə  10-13 dərəcə, gündüz 19-24 dərəcə isti, Bakıda gecə 11-13 dərəcə, gündüz 20-22 dərəcə isti olacaq.

Atmosfer təzyiqi 761 mm civə sütunu təşkil edəcək. Nisbi rütubət gecə 70-80, gündüz 50-55 faiz olacaq. 

Aprelin 19-da  Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq ərazilərdə şimşək çaxacağı, qısamüddətli  yağış yağacağı ehtimalı var. Mülayim qərb küləyi  əsəcək. Havanın temperaturu gecə  10-15 dərəcə  isti, gündüz  24-29 dərəcə isti, dağlarda gecə 7-12 dərəcə isti,  gündüz 15-20,  bəzi yerlərdə 23-25 dərəcə isti olacaq.

Tibbi-meteoroloji proqnoza görə, aprelin 19-da  Abşeron yarımadasında meteoroloji amillərin  zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0