Erməni hərbçiləri, arxiv şəkli

Ermənistanda əsgər valideynləri övladlarının Qarabağdan çıxarılmasını tələb edir

1415
(Yenilənib 14:12 19.03.2021)
Tereza Qriqoryan: "Bizim övladlarımızın bu yaxınlarda müharibənin baş verdiyi yerdə xidmət aparması ən azından ədalətsizlikdir".

BAKI, 19 mart — Sputnik. Yerevanda Qarabağda hərbi xidməti davam etdirən əsgərlərin valideynləri hökumət binasının qarşısında aksiya keçirib. Sputnik Ermənistan xəbər verir ki, onlar Ermənistan hökumətindən övladlarının müddətdən tez hərbi xidmətlərini baş vurmaları üçün mümkün olan hər şeyi etmələrini tələb edirlər.

Ermənistanın Baş naziri artıq aksiya iştirakçılarından ikisini qəbul edib.

"Biz öz tələblərimizi hələ ötən ilin noyabrında təqdim etmişik. Lakin məsələ hələ də öz həllini tapmayıb. Bizim övladlarımızın bu yaxınlarda müharibənin baş verdiyi yerdə xidmət aparması ən azından ədalətsizlikdir", - deyə aksiya iştirakçısı Tereza Qriqoryan bildirib.

Aksiyada həmçinin Qarabağda müharibə zamanı itkin düşən hərbçilərin valideynləri də iştirak edir. Onlar övladlarının tapılması istiqamətində Ermənistan hökumətindən konkret addımlar atmağı tələb edirlər.

 

1415
Maykl Cekson, arxiv şəkli

Maykl Ceksonun malikanəsindəki heykəllər hərraca çıxarılıb

4
(Yenilənib 01:09 21.04.2021)
1100 hektar torpaq sahəsi olan malikanənin içində zoopark, lunapark, basketbol meydançası, tennis kortu, hovuz, kinoteatr zalı və 20-yə yaxın bina var. Villanı ötən il sənətçinin milyarder dostu Ron Byorkl 22 milyon dollara alıb.

BAKI, 21 aprel — Sputnik. "Popun Kralı" Maykl Ceksonun ABŞ-ın Kaliforniya ştatındakı "Neverland" adlı malikanəsindəki heykəllər hərraca çıxarılıb.

Sputnik Azərbaycan xarici mətbuata istinadən xəbər verir ki, tuncdan hazırlanan 28 ədəd heykəli kolleksiyaçılardan biri 2 milyon 500 min dollara (təxminən 4 milyon 250 min manat) satışa çıxarıb.

Qeyd edək ki, 1100 hektar torpaq sahəsi olan malikanənin içində zoopark, lunapark, basketbol meydançası, tennis kortu, hovuz, kinoteatr zalı və 20-yə yaxın bina var. Villanı ötən il sənətçinin milyarder dostu Ron Byorkl 22 milyon dollara alıb.

4
Teqlər:
hərrac, heykəl, malikanə, Maykl Cekson
Qadın rəsm əsərinə baxır, arxiv şəkli

Süni intellekt itirilmiş şedevrləri bərpa etməyi öyrənib - VİDEO

6
(Yenilənib 01:06 21.04.2021)
Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib.

BAKI, 21 aprel — Sputnik. London Universitetinin nəzdindəki kolleclərdən birinin alimləri Entoni Buraçed və Corc Kann süni intellekt və 3D printer vasitəsilə itirilmiş incəsənət əsərlərinin tam rəngli surətini yaratmağa müvəffəq olublar. Sputnik Azərbaycan RİA Novosti-yə istinadən xəbər verir ki, mütəxəssislər yeniliyi Pablo Pikassonun Kanadanın Toronto şəhərindəki Ontario incəsənət qalereyasında saxlanılan "Çöməlib oturmuş yoxsul qadın" (1902) əsəri üzərində yoxlayıblar.

Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib. Məsələ bundadır ki, sənətə təzə başlayan Pikasso yeni kətan parça almağa pulu olmadığı üçün "Çöməlib oturmuş yoxsul qadın" əsərini artıq çəkilmiş digər şəkil üzərində həkk edib.

Texnologiya bu faktı aşkara çıxarsa da, Pikassonun müdaxiləsindən əvvəl həmin şəklin görünüşünün necə olduğunu tam təsəvvür etmək mümkün olmayıb.

İndi isə Buraçed və Kann öz yeniliklərini tətbiq edərək kataloniyalı rəssamın itirilmiş əsərinin 100-dən artıq üçölçülü surətini yaradıblar. Onlar printeri elə proqramlaşdırıblar ki, cihaz Rusinolyinin fırçasının izlərini dəqiqliklə təsvir edərək lazımi rəngləri bir-birinə qarışdırıb.

"Bunu əvvəllər heç kim edə bilməyib. Kətan üzərinə bu üsulla boya və mürəkkəbin çəkilməsi üçölçülü çap işində irəliyə doğru atılmış böyük bir addımdır", - deyə Buraçed bildirib.

Hazırda Pablo Pikassonun müasirinin bərpa edilmiş əsərlərinin hər birinin qiyməti 11 min dollardır və hər bir lövhəyə dələduzlardan qorunmaq üçün xüsusi işarə və unikal kod həkk olunur.

 

6
Nikol Paşinyan, arxiv şəkli

Paşinyan gecə ilə Zəngəzura getdi

0
Ermənistan parlamentinin vitse-spikeri Alen Simonyan: "Biz Baş nazirlə Şurnuxuda bir neçə evi ziyarət etdik. Gözləmirdilər".

BAKI, 21 aprel — Sputnik. Ermənistan Baş naziri Nikol Paşiyan və parlamentin vitse-spikeri Alen Simonyan dünən axşam saatlarında ölkənin Sünik (Zəngəzur) vilayətinə səfər edib. Sputnik Ermənistan xəbər verir ki, parlamentin vitse-spikeri Alen Simonyan öz "Facebook" səhifəsində bildirib.

"Biz Baş nazirlə Şurnuxuda bir neçə evi ziyarət etdik. Gözləmirdilər", - yazan Simonyan, həmçinin foto da paylaşıb.

Qeyd edək ki, bu ilin yanvarın 5-i Şurnuxu kəndinin 11 evi Azərbaycanın nəzarətinə keçib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0