Reanimasiyada COVİD-19 xəstəsi, arxiv şəkli

AstraZeneca-nın fəsadı qonşumuza da çatdı: 27 yaşlı qız reanimasiyada

59
(Yenilənib 19:03 18.03.2021)
Bildirilir ki, tibb bacısı həmişə qripə qarşı vaksin vurdururmuş, anamnezində isə hansısa allergik reaksiya barədə məlumat yer almır

BAKI, 18 mart - Sputnik. Gürcüstanda AstraZeneca peyvəndi vurulmasından sonra ilk ağırlaşma halı qyedə alınıb: 27 yaşlı tibb bacısı reanimasiyaya düşüb. Sputnik Azərbaycan RİA Novosti-yə istinadən bildirir ki, Milli Xəstəliklərə Nəzarət və İctimai Sağlamlıq Mərkəzinin rəhbəri Amiran Qamkrelidze qadında anafilaktik reaksiya şübhəsi olduğunu söyləyib. 

Bir qədər öncə "Rustavi-2" telekanalı xəbər yaymışdı ki, tibb bacısı AstraZeneca vaksini vurulandan sonra komaya düşüb. Bunu öyrənən qohumları klinikaya hücum çəkərək şüşələri sındırıb, həkimlərlə dalaşıblar. 

"Şok kimi ciddi anafilaktik reaksiya olmayıb. Bu gün Axalsixdə, İmedi klinikasında 16 nəfər peyvəndlənib, yerli vaxtla 12:15-də bizim 27 yaşlı həmkarımıza vaksin vurulub. O, həmişə qripə qarşı vaksin vurdururmuş, anamnezində də hansısa allergik reaksiya barədə məlumat yer almır. Bundan sonra teleşirkətin efirində o öz həmkarlarını da peyvənd olunmağa səsləyib. Təəssüf ki, 30 dəqiqə sonra reaksiya başlayıb. Biz onun allergik reaksiya olub-olmadığını bilmirik. Ancaq həkimlərlə ilkin söhbətdə bildirildi ki, bu, anafilaktik reaksiyaya bənzəyir. O, reanimasiyaya köçürülüb. İntubasiya olunmasına ehtiyac yaranıb. Onu Tbilisiyə aparırlar", - Qamkrelidze deyib. 

Martın 15-dən Gürcüstanda tibb işçilərinin AstraZeneca vaksini ilə peyvəndlənməsinə başlanıb. Ancaq ölkənin Səhiyyə Nazirliyi immunizasiyanın aşağı tempindən şikayətçidir. 

Qeyd edək ki, Avropanın bir sıra ölkələri, o cümlədən Avstriya, Fransa, Almaniya, İtaliya, Niderland, İspaniya və digərləri AstraZeneca preparatından sonra tromboemboliya, qan laxtalanması şikayətləri səbəbindən ondan istifadəni dayandırıb. 

Bu gün Avropa Dərman Vasitələri Agentliyi AstraZeneca peyvəndinin istifadəsi ilə bağlı faktları müzakirə edərək sonrakı addımlar barədə qərar verəcək.

59
Teqlər:
reanimasiya, fəsad, AstraZeneca, peyvənd, tibb bacısı, Gürcüstan
Mövzu:
Yeni tip koronavirus pandemiyası (668)

Bizə heç kim çata bilməz! Zürafə Lipa yazın gəlişinə necə sevinir VİDEO

4
(Yenilənib 12:03 16.04.2021)
Moskva Zooparkının keniyalı sakini zürafə Lipa baharın gəlişinə, artıq açıq havaya çıxa bildiyinə sevinərək volyerin ətrafında dövrə vurur. Videomuzu izləyin.

Kadrlarda zürafənin bahar günəşindən ləzzət alaraq zebra ilə birlikdə meydançada necə qaçışdığı əks olunur.

Moskva Zooparkının mətbuat xidmətindən bildiriblər ki, Lipa çox sürətli qaçır. Onu da əlavə ediblər ki, ümumiyyətlə, təbiətdə zürafələrin sürəti saatda 60 kilometrə qədər çata bilər.

4
İsrailin müstəqilliyinin 73-cü ildönümü

İsraildə maska ilə bağlı kritik qərar verildi

12
Əhalisi təxminən 9,3 milyon olan İsraildə indiyədək 5 milyon 338 min 273 nəfərə "COVID-19" peyvəndinin birinci dozası, 4 milyon 960 min 281 nəfərə isə peyvəndin ikinci dozası vurulub.

BAKI, 17 aprel — Sputnik. Dünyada koronavirusa qarşı ən çox peyvənd edən İsrail sabahdan etibarən açıq havada maska ​​taxmaq məcburiyyətini ləğv edir.

Sputnik Azərbaycan "Haber7"yə istinadla xəbər verir ki, İsrail səhiyyə naziri Yuli Edelstein məsələ ilə bağlı açıqlama verib. O bildirib ki, açıq havada maska taxmaq məcburiyyəti ləğv edilərkən, qapalı yerlərdə maska taxmağın məcburi olması davam edəcək.

İsraildə peyvənd kampaniyasından sonra koronavirus xəstəliyinə tutulanların sayında əhəmiyyətli azalma olub, məhdudlaşdırma tədbirləri isə fevralın 21-dən etibarən tədricən yumşaldılır.

Baş nazir Binyamin Netanyahu "Pfizer&BioNTech" peyvəndinin ölkəyə tədarükünü təmin edib.

Əhalisi təxminən 9,3 milyon olan İsraildə indiyədək 5 milyon 338 min 273 nəfərə "COVID-19" peyvəndinin birinci dozası, 4 milyon 960 min 281 nəfərə isə peyvəndin ikinci dozası vurulub. Bu da ölkə əhalisinin təxminən 61 faizi deməkdir.

Səhiyyə Nazirliyinin məlumatlarına görə, son günlər ölkədə günlük "COVID-19" xəstələrinin sayı 200-dən aşağı düşüb. Yanvar ayının ortalarında isə günlük xəstələrin sayı 10 min civarında idi. Bu səbəbdən peyvəndin İsraildə normallaşmanı təmin etdiyi düşünülür. Ölkədə bu günə qədər 6 min 312 nəfər koronavirus səbəbindən ölüb, ümumi xəstəlik sayı isə 836 mini keçib.

12