Ağ ev

Ev Baydenin Putin haqqında dediklərini şərh etmək istəmir

38
(Yenilənib 18:29 18.03.2021)
"Biz bilirik ki, amerikalı həmkarlarımız orada nə baş verdiyi ilə bağlı birbaşa suala cavab verməkdən tamamilə imtina ediblər. Prinsipcə, buna veriləcək cavabları da yoxdur"

BAKI, 18 mart — Sputnik. "Vaşinqton özü Moskvaya Rusiya-Amerika münasibətlərində nə baş verdiyini izah etməlidir", – bunu Rusiya Xarici İşlər Nazirliyinin mətbuat katibi Mariya Zaxarova ABŞ prezidenti Co Baydenin böyük əks-səda doğurmuş bəyanatını şərh edərkən deyib.

Rusiya Prezidenti Vladimir Putin, arxiv şəkli
© Sputnik / Aleksey Nikolskiy

Bayden bildirmişdi ki, Vladimir Putin seçkilərə müdaxilə ilə bağlı cavab verməli olacaq. KİV-də həmçinin qeyd olunmuşdu ki, ABŞ prezidenti ABC telekanalına müsahibəsində Rusiya prezidentini qatil adlandırıb. Ancaq Baydenin bununla nə demək istədiyi məlum deyil. Ağ Evin mətbuat katibi Cen Psaki Baydenin Putin haqqında fikirlərinin mübaliğə olub-olmadığını açıqlamaqdan imtina edib.

"Biz bilirik ki, amerikalı həmkarlarımız orada nə baş verdiyi ilə bağlı birbaşa suala cavab verməkdən tamamilə imtina ediblər. Prinsipcə, buna veriləcək cavabları da yoxdur", – deyə Zaxarova "Vesti FM" radiostansiyasının efirində bildirib.

Qeyd edək ki, dünən Rusiya XİN-i bu ölkənin Vaşinqtondakı səfiri Anatoli Antonovun Rusiya-ABŞ münasibətlərinin analiz edilməsi üçün Moskvaya məsləhətləşməyə çağırıldığı barədə məlumat yayıb. Rusiyanın diplomatik missiyası öz "Facebook" səhifəsində "mövcud vəziyyət son illərdə Vaşinqtonun məqsədyönlü siyasətinin nəticəsidir, əslində qəsdən ikitərəfli qarşılıqlı əlaqələri çıxılmaz vəziyyətə gətirib çıxarıblar", – deyə vurğulayıb.

Çərşənbə günü ABŞ Ticarət Nazirliyi Moskvaya qarşı məhdudiyyətləri genişləndirərək Rusiyanı silah ixracı və idxalının tamamilə qadağan olunduğu ölkələrin siyahısına daxil etdi. Yalnız aviasiya və kosmik kəşfiyyat üçün texnologiya sahəsinə istisna edildi ki, bu qərar da yalnız 1 sentyabr tarixinə qədər qüvvədə qalacaq. Qadağalar martın 18-dən qüvvəyə minir. Sanksiyaların səbəbi Aleksey Navalnı ilə bağlı vəziyyət və "kimyəvi-bioloji silahlardan istifadədir".

Xatırladaq ki, bu günlərdə ABŞ Milli Kəşfiyyat İdarəsinin rəhbəri Moskvanın Donald Trampın yenidən prezident seçilməsinə kömək etmək, Co Baydeni nüfuzdan salmaq və Amerika cəmiyyətinə "ixtilaf toxumaları səpmək" cəhdində günahlandırıldığına dair məxfi hesabat açıqlamışdı.

Kreml isə həmin hesabatı "əsassız və sübutsuz" adlandırdı. Prezidentin mətbuat katibi Dmitri Peskovun da vurğuladığı kimi, Rusiya seçkidə iştirak edən namizədlərə qarşı hər hansı bir kampaniya aparmayıb. Onun sözlərinə görə, bu cür "keyfiyyətdən uzaq" materiallardan, sadəcə, yeni sanksiyalar üçün bəhanə kimi istifadə olunur.

Xarici İşlər Nazirliyi, öz növbəsində, yeni məhdudiyyətlərə "sakit" yanaşdıqlarını ifadə etdi - bu cür tədbirlər artıq 90 dəfədən çox tətbiq edilib. Nazirlikdən onu da bildirdilər ki, Rusiyaya qarşı sanksiya təzyiqinin gücləndirilməsi Moskva ilə Vaşinqton arasındakı dialoqu normallaşdırmaq üçün yer qoymur və münasibətlərin pozulmasına görə məsuliyyət tamamilə ABŞ-ın üzərinə düşür.

38
Teqlər:
Ağ Ev, Mariya Zaxarova, Vladimir Putin, Co Bayden, Rusiya, ABŞ
Türkiyədə vətəndaşların vaksinasiyası, arxiv şəkli

İnsanları peyvənd olunmağa inandırmaq üçün xüsusi qruplar yaradılır

6
İndiyə kimi növbəsi çatdığı halda 65 yaşdan yuxarı insanların 23,6 faizi peyvənd olunmaqdan imtina etdiyindən Səhiyyə Nazirliyi bunun səbəblərini araşdırmaq qərarına gəlib.

BAKI, 15 aprel — Sputnik. Türkiyədə növbəsi çatsa belə hər dörd nəfərdən biri peyvənd olunmaqdan imtina edir. Artıq ölkənin Səhiyyə Nazirliyi insanları peyvənd vurdurmağa inandırmaq üçün tədbirlər görməyə başlayıb. Sputnik Azərbaycan bu barədə "Haberglobal"-a istinadla məlumat yayıb.

"Peyvənd komandaları yaradılacaq və onların üzvləri ev-ev gəzərək insanların hansı səbəbdən vaksinasiya olunmaq istəmədiklərini araşdıracaqlar", – deyə məlumatda bildirilir.

O da qeyd olunur ki, indiyə kimi növbəsi çatdığı halda 65 yaşdan yuxarı insanların 23,6 faizi peyvənd olunmaqdan imtina edib. Odur ki Səhiyyə Nazirliyi insanların hansı səbəbdən peyvənd olunmaq istəmədiklərini yerində araşdırmaq qərarına gəlib. Ailə həkimlərinin başçılığı ilə bu qruplar ev-ev gəzərək vaksinasiya olunmaq istəməyənləri dilə tutacaq.

Məqsəd vaksinasiya olunanların sayını artırmaqla koronavirusa yoluxma hallarının qarşısını almaqdır.

Qeyd edək ki, iyun ayının sonlarına kimi Türkiyədə 40 yaşdan yuxarı bütün vətəndaşların peyvənd olunması planlaşdırılır.

6
Ağ ev

Birləşmiş Ştatlar Rusiyaya qarşı yeni sanksiyaları qəbul etdi

5
(Yenilənib 17:26 15.04.2021)
Qəbul olunan qərara əsasən on Rusiya diplomatı ABŞ-dan da qovulur. Ölkədən qovulan şəxslər arasında Rusiya kəşfiyyat orqanlarının əməkdaşları da var.

BAKI, 15 aprel — Sputnik. Birləşmiş Ştatlar Rusiyaya qarşı yeni sanksiyalar qəbul edib. Sputnik Azərbaycan xəbər verir ki, bu barədə məlumat Ağ Evin saytında yerləşdirilib

"Bu gün Bayden Administrasiyası ABŞ suverenliyi və maraqlarına qarşı Rusiya hökuməti və kəşfiyyat orqanlarının atdığı addımlara görə Rusiyaya qarşı tədbirlər görür", - deyə məlumatda bildirilir.

Qəbul olunan qərara əsasən on Rusiya diplomatı ABŞ-dan da qovulur. Ölkədən qovulan şəxslər arasında Rusiya kəşfiyyat orqanlarının əməkdaşları da var.

Bundan əlavə, ABŞ seçkilərinə müdaxilə etdiyi üçün 32 Rusiya vətəndaşı və təşkilatına qarşı sanksiya tətbiq olunur.

ABŞ rəhbərliyi, həmçinin Aİ, Böyük Britaniya, Avstraliya və Kanada ilə birgə Krımla bağlılığı olan 8 fiziki və hüquqi şəxsə qarşı sanksiya tətbiq edir.

 

5
Rusiya Xarici işlər Nazirliyinin binası, arxiv şəkli

Rusiya XİN: Azərbaycan Ermənistan çətin yolun başlanğıcındadır

0
(Yenilənib 18:55 15.04.2021)
“Azərbaycan və Ermənistandan olan dostlarımızla qarşılıqlı əməkdaşlıq qurarkən bir çox maneələri dəf edəcəyik".

BAKI, 15 aprel - Sputnik. “Bakı ilə Yerevan arasında dayanıqlı sülh və mehriban qonşuluğun bərqərar olmasına yönələn təşəbbüsləri yalnız alqışlaya bilərik”.

“Report” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinq zamanı bildirib.

“Rusiya, Azərbaycan və Ermənistan liderlərinin ötən ilin 10 noyabr və bu ilin 11 yanvar tarixlərində əldə etdikləri razılaşmalar buna etibarlı zəmin yaradır. Bu kimi proseslərə bundan sonra da hər cür dəstək verməyə hazırıq. Əlbəttə, Ermənistan ilə Azərbaycan qarşılıqlı etimadın zəruri səviyyəsinə çatmaq, münasibətlərini yoluna qoymaq istiqamətində çətin yolun hələ başlanğıcındadır”, - deyən rusiyalı rəsmi bu məsələdə müsbət məlumat və s. fonunun yaradılmasını da vacib hesab edib:

“Azərbaycan və Ermənistandan olan dostlarımızla qarşılıqlı əməkdaşlıq qurarkən bir çox maneələri dəf edəcəyik. Cənubi Qafqazdakı sabitliyin, dayanıqlı iqtisadi inkişafın bu regionda Rusiyanın bütün tərəfdaşlarının manafeyinə uyğun gəldiyini əsas götürürük. Fikrimizcə, tərəflər münasibətləri normallaşdırmağa, etimad mühiti yaratmağa çalışacaqlar”.

0