Türkiyə polisi, arxiv şəkli

İstanbulda dəstə şəklində fırıldaqçılıqla məşğul olan yüzdən çox çinli saxlanıldı

11
(Yenilənib 21:23 13.03.2021)
Çinlilərə yaşadıqları və işlədikləri villalardan kənara çıxmaq qadağan olunub. Bununla belə, onlardan ikisi ərazidən kənara çıxmağa nail olaraq polisə şikayət edib.

BAKI, 13 mart — Sputnik. İstanbulun Silivri rayonunda 9 villanı icarəyə götürüb kriptovalyuta satışı ilə bağlı call-center qurmuş çinlilərdən ibarət fırıldaqçı dəstəyə qarşı irimiqyaslı polis əməliyyatı həyata keçirilib. "Milliyet" qəzetinin xəbərinə görə, əməliyyat nəticəsində 18 nəfər Çin vətəndaşı olan şübhəli şəxsin 101 həmvətəninin pasportunu əlindən alaraq zorla call-center-də işləməyə məcbur etdiyi üzə çıxıb.

Onlar həmin şəxsləri Türkiyədə işlə təmin etmək adı altından İstanbula gətirərək zorla kriptovalyuta fırıldaqçılığına cəlb ediblər. Çinlilərə yaşadıqları və işlədikləri villalardan kənara çıxmaq qadağan olunub. Bununla belə, onlardan ikisi ərazidən kənara çıxmağa nail olaraq polisə şikayət edib. Bundan sonra əraziyə 100 polislə əməliyyat təşkil olunub və ümumilikdə 119 Çin vətəndaşı həbs edilərək polis idarəsinə aparılıb. Daha sonra fırıldaqçıların qurbanı olduqları üzə çıxan 101 çinli Türkiyə Miqrasiya İdarəsinə yönləndirilib. Onların Türkiyəyə turist vizası ilə daxil olduqları məlum olub. Çinlilər onlara aylıq 7 min Çin yuanı məbləğində pul ödənildiyini də bildiriblər

Əməliyyat zamanı 1 milyon 500 min lirə pul, 712 mobil telefon, 112 kompüter, 677 sim kart, pul sayan maşın və çoxlu sayda harddisk ələ keçirilib. Artıq saxlanılan 18 şübhəlidən 6-sı məhkəmə qarşına çıxarılaraq həbs olunub.

11
Türkiyədə vətəndaşların vaksinasiyası, arxiv şəkli

İnsanları peyvənd olunmağa inandırmaq üçün xüsusi qruplar yaradılır

8
İndiyə kimi növbəsi çatdığı halda 65 yaşdan yuxarı insanların 23,6 faizi peyvənd olunmaqdan imtina etdiyindən Səhiyyə Nazirliyi bunun səbəblərini araşdırmaq qərarına gəlib.

BAKI, 15 aprel — Sputnik. Türkiyədə növbəsi çatsa belə hər dörd nəfərdən biri peyvənd olunmaqdan imtina edir. Artıq ölkənin Səhiyyə Nazirliyi insanları peyvənd vurdurmağa inandırmaq üçün tədbirlər görməyə başlayıb. Sputnik Azərbaycan bu barədə "Haberglobal"-a istinadla məlumat yayıb.

"Peyvənd komandaları yaradılacaq və onların üzvləri ev-ev gəzərək insanların hansı səbəbdən vaksinasiya olunmaq istəmədiklərini araşdıracaqlar", – deyə məlumatda bildirilir.

O da qeyd olunur ki, indiyə kimi növbəsi çatdığı halda 65 yaşdan yuxarı insanların 23,6 faizi peyvənd olunmaqdan imtina edib. Odur ki Səhiyyə Nazirliyi insanların hansı səbəbdən peyvənd olunmaq istəmədiklərini yerində araşdırmaq qərarına gəlib. Ailə həkimlərinin başçılığı ilə bu qruplar ev-ev gəzərək vaksinasiya olunmaq istəməyənləri dilə tutacaq.

Məqsəd vaksinasiya olunanların sayını artırmaqla koronavirusa yoluxma hallarının qarşısını almaqdır.

Qeyd edək ki, iyun ayının sonlarına kimi Türkiyədə 40 yaşdan yuxarı bütün vətəndaşların peyvənd olunması planlaşdırılır.

8
Ağ ev

Birləşmiş Ştatlar Rusiyaya qarşı yeni sanksiyaları qəbul etdi

6
(Yenilənib 17:26 15.04.2021)
Qəbul olunan qərara əsasən on Rusiya diplomatı ABŞ-dan da qovulur. Ölkədən qovulan şəxslər arasında Rusiya kəşfiyyat orqanlarının əməkdaşları da var.

BAKI, 15 aprel — Sputnik. Birləşmiş Ştatlar Rusiyaya qarşı yeni sanksiyalar qəbul edib. Sputnik Azərbaycan xəbər verir ki, bu barədə məlumat Ağ Evin saytında yerləşdirilib

"Bu gün Bayden Administrasiyası ABŞ suverenliyi və maraqlarına qarşı Rusiya hökuməti və kəşfiyyat orqanlarının atdığı addımlara görə Rusiyaya qarşı tədbirlər görür", - deyə məlumatda bildirilir.

Qəbul olunan qərara əsasən on Rusiya diplomatı ABŞ-dan da qovulur. Ölkədən qovulan şəxslər arasında Rusiya kəşfiyyat orqanlarının əməkdaşları da var.

Bundan əlavə, ABŞ seçkilərinə müdaxilə etdiyi üçün 32 Rusiya vətəndaşı və təşkilatına qarşı sanksiya tətbiq olunur.

ABŞ rəhbərliyi, həmçinin Aİ, Böyük Britaniya, Avstraliya və Kanada ilə birgə Krımla bağlılığı olan 8 fiziki və hüquqi şəxsə qarşı sanksiya tətbiq edir.

 

6
Rusiya Xarici işlər Nazirliyinin binası, arxiv şəkli

Rusiya XİN: Azərbaycan Ermənistan çətin yolun başlanğıcındadır

0
(Yenilənib 18:55 15.04.2021)
“Azərbaycan və Ermənistandan olan dostlarımızla qarşılıqlı əməkdaşlıq qurarkən bir çox maneələri dəf edəcəyik".

BAKI, 15 aprel - Sputnik. “Bakı ilə Yerevan arasında dayanıqlı sülh və mehriban qonşuluğun bərqərar olmasına yönələn təşəbbüsləri yalnız alqışlaya bilərik”.

“Report” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinq zamanı bildirib.

“Rusiya, Azərbaycan və Ermənistan liderlərinin ötən ilin 10 noyabr və bu ilin 11 yanvar tarixlərində əldə etdikləri razılaşmalar buna etibarlı zəmin yaradır. Bu kimi proseslərə bundan sonra da hər cür dəstək verməyə hazırıq. Əlbəttə, Ermənistan ilə Azərbaycan qarşılıqlı etimadın zəruri səviyyəsinə çatmaq, münasibətlərini yoluna qoymaq istiqamətində çətin yolun hələ başlanğıcındadır”, - deyən rusiyalı rəsmi bu məsələdə müsbət məlumat və s. fonunun yaradılmasını da vacib hesab edib:

“Azərbaycan və Ermənistandan olan dostlarımızla qarşılıqlı əməkdaşlıq qurarkən bir çox maneələri dəf edəcəyik. Cənubi Qafqazdakı sabitliyin, dayanıqlı iqtisadi inkişafın bu regionda Rusiyanın bütün tərəfdaşlarının manafeyinə uyğun gəldiyini əsas götürürük. Fikrimizcə, tərəflər münasibətləri normallaşdırmağa, etimad mühiti yaratmağa çalışacaqlar”.

0