Sergey Lavrov və Mövlud Çavuşoğlu Soçidə görüş zamanı

Son dəqiqə: Rusiya, Türkiyə Qətər razılığa gəldilər

59
(Yenilənib 15:23 11.03.2021)
"Yeganə yol BMT-nin 2254 saylı qətnaməsinə uyğun ola bilər. Rejim daha konstruktiv olmalıdır, bu prosesdə Rusiyaya təşəkkür edirəm" - Çavuşoğlu

BAKI, 11 mart — Sputnik. Rusiya, Türkiyə və Qətər Suriyadakı separatizm təşəbbüsləri ilə mübarizə məsələsində barədə razılığa gəliblər. Sputnik Azərbaycan "Hurriyet"ə istinadən xəbər verir ki, bunu Rusiya-Qatar-Türkiyə XİN rəhbərlərinin Dohada üçtərəfli görüşündən sonra keçirilən mətbuat konfransında Rusiyanın xarici işlər naziri Sergey Lavrov bildirib.

Türkiyənin xarici işlər naziri Mövlud Çavuşoğlu isə bildirib ki, ölkəsi Suriyanın ərazi bütövlüyü, mülki insanları qorumağa və terror təşkilatları ilə mübarizəni davam etdirəcək: "Bu gün Suriya ilə bağlı yeni bir məsləhətləşmə prosesinə başladıq. Məqsədimiz Suriyada davamlı sülh prosesinə necə töhfə verə biləcəyimizi müəyyənləşirməkdir. Yeganə yol BMT-nin 2254 saylı qətnaməsinə uyğun ola bilər. Rejim daha konstruktiv olmalıdır, bu prosesdə Rusiyaya təşəkkür edirəm. Türkiyədə 6 milyon suriyalı yaşayır. Təxminən 6 milyon suriyalı sığınacağa ehtiyac duyur. Humanitar yardım məsələsində daha çevik olmalıyıq".

Çavuşoğlu, həmçinin qeyd edib ki, Türkiyə-Qətər-Rusiya üçtərəfli görüşü növbəti dəfə Türkiyədə baş tutacaq.

59
Teqlər:
Qətər, Rusiya, Türkiyә, Suriya
Maykl Cekson, arxiv şəkli

Maykl Ceksonun malikanəsindəki heykəllər hərraca çıxarılıb

4
(Yenilənib 01:09 21.04.2021)
1100 hektar torpaq sahəsi olan malikanənin içində zoopark, lunapark, basketbol meydançası, tennis kortu, hovuz, kinoteatr zalı və 20-yə yaxın bina var. Villanı ötən il sənətçinin milyarder dostu Ron Byorkl 22 milyon dollara alıb.

BAKI, 21 aprel — Sputnik. "Popun Kralı" Maykl Ceksonun ABŞ-ın Kaliforniya ştatındakı "Neverland" adlı malikanəsindəki heykəllər hərraca çıxarılıb.

Sputnik Azərbaycan xarici mətbuata istinadən xəbər verir ki, tuncdan hazırlanan 28 ədəd heykəli kolleksiyaçılardan biri 2 milyon 500 min dollara (təxminən 4 milyon 250 min manat) satışa çıxarıb.

Qeyd edək ki, 1100 hektar torpaq sahəsi olan malikanənin içində zoopark, lunapark, basketbol meydançası, tennis kortu, hovuz, kinoteatr zalı və 20-yə yaxın bina var. Villanı ötən il sənətçinin milyarder dostu Ron Byorkl 22 milyon dollara alıb.

4
Teqlər:
hərrac, heykəl, malikanə, Maykl Cekson
Qadın rəsm əsərinə baxır, arxiv şəkli

Süni intellekt itirilmiş şedevrləri bərpa etməyi öyrənib - VİDEO

7
(Yenilənib 01:06 21.04.2021)
Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib.

BAKI, 21 aprel — Sputnik. London Universitetinin nəzdindəki kolleclərdən birinin alimləri Entoni Buraçed və Corc Kann süni intellekt və 3D printer vasitəsilə itirilmiş incəsənət əsərlərinin tam rəngli surətini yaratmağa müvəffəq olublar. Sputnik Azərbaycan RİA Novosti-yə istinadən xəbər verir ki, mütəxəssislər yeniliyi Pablo Pikassonun Kanadanın Toronto şəhərindəki Ontario incəsənət qalereyasında saxlanılan "Çöməlib oturmuş yoxsul qadın" (1902) əsəri üzərində yoxlayıblar.

Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib. Məsələ bundadır ki, sənətə təzə başlayan Pikasso yeni kətan parça almağa pulu olmadığı üçün "Çöməlib oturmuş yoxsul qadın" əsərini artıq çəkilmiş digər şəkil üzərində həkk edib.

Texnologiya bu faktı aşkara çıxarsa da, Pikassonun müdaxiləsindən əvvəl həmin şəklin görünüşünün necə olduğunu tam təsəvvür etmək mümkün olmayıb.

İndi isə Buraçed və Kann öz yeniliklərini tətbiq edərək kataloniyalı rəssamın itirilmiş əsərinin 100-dən artıq üçölçülü surətini yaradıblar. Onlar printeri elə proqramlaşdırıblar ki, cihaz Rusinolyinin fırçasının izlərini dəqiqliklə təsvir edərək lazımi rəngləri bir-birinə qarışdırıb.

"Bunu əvvəllər heç kim edə bilməyib. Kətan üzərinə bu üsulla boya və mürəkkəbin çəkilməsi üçölçülü çap işində irəliyə doğru atılmış böyük bir addımdır", - deyə Buraçed bildirib.

Hazırda Pablo Pikassonun müasirinin bərpa edilmiş əsərlərinin hər birinin qiyməti 11 min dollardır və hər bir lövhəyə dələduzlardan qorunmaq üçün xüsusi işarə və unikal kod həkk olunur.

 

7
Ermənilərin saxtakarlığı

Ermənilər köhnə formada baş daşları hazırlayaraq qəbiristanlıqlara atıblar

54
(Yenilənib 11:51 21.04.2021)
Milli Elmlər Akademiyası Tarix İnstitutunun Əməkdaşı Faiq İsmayilovun sözlərinə görə, saxta xaç və baş daşları hazırlamaq üçün hər il may ayında Şuşada festival keçirilib.

İbrahim Həşimov, Sputnik Azərbaycan

BAKI, 21 aprel – Sputnik. Ermənilər işğal altında saxladıqları ərazilərə üzərində ermənicə yazılar yazılmış daşlar qoyublar. Bu cür daşlar Cəbrayılın işğaldan azad olunan Horovlu kəndində və digər ərazilərdə də aşkarlanıb. Məqsəd isə hər zamankı kimi tarixi saxtalaşdırmaq və bu ərazilərdə ermənilərin yaşadığına dair saxta izlər qoymaq olub. Milli Elmlər Akademiyası Tarix İnstitutunun Əməkdaşı Faiq İsmayilov Sputnik Azərbaycan-a bildirib ki, emənilər həmişə Azərbaycanın milli mədəni dəyərləri üzərində saxtakarlıqlar ediblər. Tarixi-mədəniyyət abidələri və memarlıq abidələrinin qruluşu erməni memarlığına uyğun gəlmir. Bu səbəbdən də həmin tikililərin formlalarını və orijinal görkəmini dəyişidirərək erməni abidələri kimi təqdim etməyə çalışıblar.

© Photo : Сourtesy of Faik Ismayilov
Ermənilərin saxtakarlığı
“Onlar həmçinin, bədii daşlar və xaçlar hazırlayır, həmin hissələri müxtəlif maddələrə salaraq daşın rəngini dəyişir, köhnə göstərməyə çalışırlar. Hazırlanmış bu maketləri Azərbaycanın işğal altında saxladıqları bütün ərazilərində - qəsəbə, bulaq, turizm üçün əhəmiyyətli olan sahələrimizdə yerləşdirirlər” – F. İsmayılov deyib.

Kəlbəcərdə və digər ərazilərdə Alban xaç daşları hazırlayan bir neçə sex aşkarlanıb. Faiq İsmayilovun sözlərinə görə, saxta xaç və baş daşları hazırlamaq üçün hər il may ayında Şuşada festival da keçirilib və oraya dünyanın bir çox ölkələrindən memarlar dəvət olunub.

  • Ermənilərin saxtakarlığı
    © Photo : Сourtesy of Faik Ismayilov
  • Ermənilərin saxtakarlığı
    © Photo : Сourtesy of Faik Ismayilov
  • Ermənilərin saxtakarlığı
    © Photo : Сourtesy of Faik Ismayilov
  • Ermənilərin saxtakarlığı
    © Photo : Сourtesy of Faik Ismayilov
1 / 4
© Photo : Сourtesy of Faik Ismayilov
Ermənilərin saxtakarlığı
“Bu müsabiqədə xaç daşları, erməni mədəniyyətinə uyğun müxtəlif daşlar, dekorativ bədii sənət nümunələri hazırlanırdı. Bunların sayları çox olurdu. Hər il təkcə Şuşa şəhərində 300-500 sayda bu cür monumental qurğular, bədii daş nümunələri hazırlanırdı”.

Sonra isə hazırlanmış materiallar işğal altındakı ərazilərə yerləşdirilib. Ermənilərin orada yaşaması ilə bağlı saxta izlər qoymaq üçün isə əsasən qəbiristanlıqlar hədəf seçilib.

© Photo : Сourtesy of Faik Ismayilov
Faiq İsmayılov

“Festivaldan sonra, yəni bu müsabiqədən sonra bütün bunları maşınlara yığaraq Cəbrayıl, Laçın, Qubadlı, Zəngilan, Ağdam və işğal altında saxlanan digər şəhər və rayonlarda, oradakı kənd ərazilərində, qəbiristanlıqlarda, inzibati yaşayış yerinin xarabalıqlarında qoyurlar” ,– F. İsmayılov əlavə edib.

Yaşayış məntəqələrinin sakinləri də bildiriblər ki, işğaldan əvvəl həmin qəbiristanlıqlarda o cür baş daşları olmayıb.

54