Armen Sarkisyan, arxiv şəkli

Ermənistan Prezidenti bu dəfə Paşinyana qarşı çıxdı

18
Martın 10-u Ermənistan Silahlı Qüvvələrinin Baş Qərargah rəisi Onik Qasparyan tutduğu vəzifədən azad olunub.

BAKI, 11 mart — Sputnik. Ermənistan Prezidenti Armen Sarkisyan ölkənin Baş naziri Nikol Paşinyan tərəfindən Silahlı Qüvvələrin Baş Qərargah rəisi postuna namizədliyi irəli sürülən Artak Davtyanı təsdiqləməkdən imtina edib. Bu barədə Sputnik Azərbaycan "RİA Novosti"yə istinadən xəbər verir.

Artak Davtyan 2018-ci il mayın 24-dən 2020-ci il iyunun 8-dək Baş Qərargah rəisi olub. Ancaq lokdaun zamanı oğluna toy etdiyi üçün vəzifədən kənarlaşdırılıb.

Qeyd edək ki, martın 10-u Ermənistan Silahlı Qüvvələrinin Baş Qərargah rəisi Onik Qasparyan tutduğu vəzifədən azad olunub.

Xatırladaq ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib.

18
Teqlər:
Baş Qərargah rəisi, Nikol Paşinyan, Ermənistan
Koronavirus testi, arxiv şəkli

Ermənistanda koronavirusla bağlı son statistika açıqlandı

3
(Yenilənib 11:20 18.04.2021)
Son 24 saat ərzində xəstəlikdən 19 nəfər ölüb, bununla da Ermənistanda indiyə qədər koronavirusdan ölənlərin ümumi sayı 3878 nəfərə çatıb.

BAKI, 18 aprel - Sputnik. Ermənistanda son sutkada yeni növ koronavirusa (COVID-19) 547 yeni yoluxma qeydə alınıb.

Sputnik Ermənistan xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, son 24 saat ərzində xəstəlikdən 19 nəfər ölüb, bununla da Ermənistanda indiyə qədər koronavirusdan ölənlərin ümumi sayı 3878 nəfərə çatıb.

Ölkədə indiyədək 208 520 nəfər koronavirusa yoluxub.

3
Amerika polisi, arxiv şəkli

ABŞ-da növbəti atışma: ölən yaralananlar var

0
(Yenilənib 10:10 18.04.2021)
Bu, son saatlarda Birləşmiş Ştatlarda baş vermiş ikinci silahlı insidentdir. Daha əvvəl Nebraska ştatının Omaxa şəhərində də atışma olub.

BAKI, 18 aprel - Sputnik. ABŞ-da növbəti atışma olub. Bu barədə "Report" NBC teleşirkətinə istinadən xəbər verir.

Məlumata görə, hadisə Ohayo ştatında qeydə alınıb. Kolumbus şəhəri yaxınlığında baş verən atışma zamanı azı 1 nəfər həlak olub, daha 5 nəfər yaralanıb.

Bildirilir ki, anım mərasimi zamanı naməlum şəxs ətrafdakılara atş açıb. İnsidentin digər təfərrüatları açıqlanmır.

Qeyd edək ki, bu, son saatlarda Birləşmiş Ştatlarda baş vermiş ikinci silahlı insidentdir. Daha əvvəl Nebraska ştatının Omaxa şəhərində də atışma olub.

0
Yaşlı qadın, arxiv şəkli

Azərbaycanda pensiya yaşı aşağı salınmalıdır - ekspert "islahat"ı əsassız hesab edir

4
"Pensiya yaşı artırmağa məcbur qalan ölkələrin demoqrafik dalğaları zəif olduğu üçün onlar məcburən yaşın artırılması yolu ilə müəyyən dərəcədə işçi, əmək bazarı problemini həll etməyə çalışırlar. Azərbaycanda isə buna ehtiyac yox idi", - Natiq Cəfərli.

Nigar İsgəndərova, Sputnik Azərbaycan

BAKI, 18 aprel — Sputnik. Azərbaycanda 65 yaşa çatmadan ölənlərin sayı yüksəkdir. Dövlət Statistika Komitəsinin son olaraq açıqladığı hesabata görə, ümumilikdə hər iki cinsə görə ölənlərin ümumi sayı 55 min 916 nəfərdir. Statistikaya nəzər yetirdikdə 61-65 yaşadək insanlar arasında ölüm hallarının daha çox olduğunu görə bilərik. Ən çox ölüm halı isə 60-64 yaş aralığında qeydə alınır.

İlk olaraq yaşlar üzrə ölüm statistikasına nəzər yetirək:

1 yaşı tamam olmayanlar -1557

1-4 yaş - 278

5-9 yaş - 254

10-14 yaş - 234

15-19 yaş - 340

20-24 yaş - 449

25-29 yaş - 601

30-34 yaş - 744

35-39 yaş - 918

40-44 yaş - 1246

45-49 yaş - 1916

50-54 yaş - 3025

55-59 yaş - 5135

60-64 yaş - 6214

Bu isə deməkdir ki, bir il ərzində 65 yaşdan daha tez dünyasını dəyişənlərin sayı 22 min 911 nəfərdir. Son açıqlanan statistikaya görə, 33 min nəfər 64 yaşdan sonra dünyasını dəyişir. Bu hesabatlardan belə qənaətə gəlmək olar ki, əhalinin 40 faizi 64 yaşdan daha tez dünyasını dəyişir.

Belə olan halda pensiya yaşının azaldılması necə, məqbuldurmu? Sputnik Azərbaycan olaraq bu məsələyə aydınlıq gətirməyə çalışdıq.

İqtisadçı-ekspert Natiq Cəfərli Sputnik Azərbaycan-a açıqlamasında bu haqda deyib:

"Pensiya yaşının artırılması ilə bağlı qərar verilərkən də mövqeyimiz ondan ibarət idi ki, Azərbaycanda əmək bazarı və demoqrafiyanı nəzərə alaraq pensiya yaşının artırılmasına ehtiyac yox idi. Bu addımı atmağa məcbur qalan ölkələrin demoqrafik dalğaları zəif olduğu üçün onlar məcburən yaşın artırılması yolu ilə müəyyən dərəcədə işçi, əmək bazarı problemini həll etməyə çalışırlar. Azərbaycanda isə buna ehtiyac yox idi".

Ekspert qeyd edib ki, indi də gec deyil. Pensiya yaşı ilə bağlı öncəki təcrübəyə qayıtmaq olar, yəni qadınlar 60, kişilərdə isə 63 yaş pensiya yaşı kimi götürülə bilər.

Cəfərlinin fikrincə, icbari tibbi sığortanın tətbiqinə başlanılıb ki, bu da xəstəliklərin zamanında üzə çıxmasına imkan verəcək.

Milli Məclisin Əmək və sosial siyasət komitəsinin üzvi İlham Məmmədov isə Sputnik Azərbaycan-a açıqlamasında fərqli rakursdan çıxış edib. O bildirib ki, yayılan COVID-19 virusu xüsusən 60-65 yaş qrupunu əhatə etdi: "Ümumən Azərbaycanda pensiya yaşı 6 ay müddətinə artırılmaqla həyata keçirilir. Artıq pensiya islahatlarının aparılması baş verib".

"Hazırda Azərbaycanda pensiya yaşına baxılması real görünmür. Çünki orta yaş həddinin artırılması və əhalinin sağlamlığının qorunması üçün lazımı addımlar atılıb. Bu səbəbdən düşünmürəm ki, bu məsələ gündəmdə olsun", - deyə millət vəkili əlavə edib.

O bildirir ki, COVID-19 gün ərzində orta hesabla 30 can alır ki, bu zaman da ölənlərin neçəsinin 65 yaşdan yuxarı olması da bir tədqiqat obyekti olmalıdır.

4