Yerevanda etirazlar, arxiv şəkli

Yerevan "baharı": müxalifət Paşinyana ultimatum yağdırır

20
Paşinyan bəyan etmişdi ki, 2021-ci ildə növbədənkənar parlament seçkisi keçirməyə hazırdır, bir şərtlə ki, hökumətin əleyhdarları buna razı olsunlar, həmçinin müxalifət liderləri ilə bu məsələni müzakirə etmək istədiyini demişdi

BAKI, 9 mart - Sputnik. Ermənistan parlamentinə girişləri bağlayan etirazçılar baş nazir Nikol Paşinyan qanunverici orqana təşrif buyuracağı zaman yolu açacaqlarını deyiblər. Paşinyan isə oraya gəlib istefa verməli və növbədənkənar parlament seçkisinin keçirilməsini bəyan etməlidir. 

Sputnik Azərbaycna RİA Novosti-yə istinadən bildirir ki, bunu daşnak, etiraz aksiyasının təşkilatçılarından biri olan İşxan Saqatelyan jurnalistlərə deyib. 

Bundan öncə etriazçılar parlamentə yolu Baqramyan prospekti ilə Dəmirçiyan küçəsindən bağlayaraq orada əlavə çadırlar qurublar. 

Saqatelyanın sözlərinə görə, baş nazirə növbədənkənar seçkilərin vaxtının təyin edilməsi üçün parlament müxalifəti ilə memorandum imzalamaq gərək deyil, çünki onun "Mənim addımım" fraksiyası parlamentdə çoxluq təşkil edir.

"O, siyasi çoxluğa malikdir. Seçki keçirmək istəyir? Elə indicə deyirəm, qoy sabah saat 12:00-dək parlamentə gəlsin, istefa versin və seçki gününü təyin eləsin. Əgər buna əməl edəcəksə, yolu açacağıq. Amma o gəlməyəcək, bu (növbədənkənar seçkilər), növbəti yalandır", - Saqatelyan deyib.

O əlavə edib ki, etirazçılar tələbləri yerinə yetirilənədək parlament qarşısındakı çadırlarda qalacaqlar. 

Paşinyan bəyan etmişdi ki, 2021-ci ildə növbədənkənar parlament seçkisi keçirməyə hazırdır, bir şərtlə ki, hökumətin əleyhdarları buna razı olsunlar, həmçinin müxalifət liderləri ilə bu məsələni müzakirə etmək istədiyini demişdi. Hökumət parlament müxalifəti ilə Paşinyanın istefasından sonra baş nazir postuna öz namizədlərini irəli sürməmək öhdəliyi barədə memorandum imzalamaq niyyətindədir. Bu hal Paşinyana baş nazir postunu saxlamaqla parlamenti buraxmaq və növbədənkənar seçki keçirmək imkanı yaradır. 

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib.

Paşinyan isə yarım saat sonra onu prezidentə, prezident də öz növbəsində Konstitusiya Məhkəməsinə yollayıb. Üstəlik, martın 3-də Nikol Paşinyan Silahlı Qüvvələrin Baş Qərargah rəisi Onik Qasparyanın həbs edilməsi barədə qərar qəbul edib.

20
ABŞ əsgəri Əfqanıstanda, arxiv şəkli

NATO ABŞ qoşunlarını Əfqanıstandan çıxarmaq niyyətindədir

5
(Yenilənib 23:21 14.04.2021)
Bu gün ABŞ da qoşunlarını Əfqanıstandan çıxarmaq barədə qərar verib. Prosesin mayda başlanıb, sentyabrda bitirilməsi planlaşdırılır.

BAKI, 14 aprel - Sputnik. NATO ölkələrinin xarici işlər və müdafiə nazirliklərinin rəhbərləri qoşunların Əfqanıstandan çıxarılmasına başlanması barədə razılığa gəliblər.

Sputnik Azərbaycan bildirir ki, bu barədə məlumatı DPA agentliyi diplomatik mənbələrə istinadən yayıb.

Qeyd olunur ki, bu qərar NATO ölkələrinin xarici işlər və müdafiə nazirlikləri rəhbərlərinin videokonfransında qəbul olunub.

Alyans prosesi mayın 1-dən başlayaraq bir neçə ay ərzində bitirmək niyyətindədir. Bu barədə NATO-nun bəyanatında deyilir.

Bu gün ABŞ da qoşunlarını Əfqanıstandan çıxarmaq barədə qərar verib. ABŞ Prezidenti Cozef Bayden proses zamanı amerikalı əsgərlərə hücum ediləcəyi təqdirdə taliblərə sərəncamında olan "bütün alətlər" vasitəsilə cavab verəcəyi ilə hədələyib. 

"Belə nəticəyə gəldim ki, tariximizdəki ən uzun müharibəni bitirmək və Amerika ordusunu evinə qaytarmaq lazımdır", - xalqa müraciətində ABŞ lideri bildirib.

"Tək mənim özümün razılaşacağım bir situasiya deyil, ancaq razılaşmaya sadiq qalacağam və ABŞ mayın 1-dən etibarən 11 sentyabr terror aktının 20-ci ildönümünədək qoşunlarını Əfqanıstandan çıxaracaq. Tələsməyəcəyik, bunu məsuliyyətlə, götür-qoy edərək, təhlükəsizliyi gözləyərək edəcəyik və proses tərəfdaş və partnyorlarımızla tam koordinasiya şəraitində keçiriləcək", - Bayden deyib. 

"Biz bölgədəki digər ölkələrdən, ilk növbədə Pakistan, Rusiya, Çin, Hindistan və Türkiyədən Əfqanıstanı dəstəkləmək üçün daha çox səy göstərmələrini xahiş edəcəyik. Onların hamısı Əfqanıstanın gələcəyinə əhəmiyyətli yatırım edib", - ABŞ Prezidenti əlavə edib.

5
Teqlər:
ABŞ, Əfqanıstan, NATO
Çimərlik formatında dərslər

İspaniya məktəbliləri "çimərlik" formatında dərslərə davam edirlər - VİDEO

6
Uşaqlar bir-birindən təhlükəsiz məsafədə yerləşdirilirlər və onlara qoruyucu maskalar paylanır. Çünki dərslərin çimərlikdə olmasına baxmayaraq, karantin qaydaları qüvvədə qalır.

BAKI, 14 aprel — Sputnik. İspaniya məktəblərindən birində dərslərin ağır havalı siniflərdə və ya distant formada deyil, çimərlikdə təşkil edilməsi barədə qərar qəbul olunub. Yeni tədris formatı Mursiya muxtar icmasında qəbul olunub və Los Netyos sahilində həyata keçirilir. Hələ ki çimərlik dərslərinə ancaq 6-12 yaşlı məktəblilər cəlb olunublar.

Müəllimlər öz növbəsində bu cür qeyri-standart tədris formasına məsuliyyətlə yanaşıblar: saat 8-də onlar çimərlikdə parta, stul və portativ yazı lövhələrini quraşdırırlar. Özü də uşaqlar bir-birindən təhlükəsiz məsafədə yerləşdirilirlər və onlara qoruyucu maskalar paylanır. Çünki dərslərin çimərlikdə olmasına baxmayaraq, karantin qaydaları qüvvədə qalır.

Dərslərin müddəti 20 dəqiqədir, tənəffüs zamanı isə şagirdlər çimərlikdə gəzə bilərlər.

​Geyim və ayaqqabı formasının heç bir fərqi yoxdur. Şagirdlər istədikləri kimi geyinib dərsə gələ bilərlər.

Qeyd olunur ki, çimərliyə "köçmüş" məktəb bir il müddətində pandemiya üzündən qapalı şəraitdə qalmış məktəblilər üçün təşkil olunmuş "Fresh Air" proqramının iştirakçısıdır.

6
Teqlər:
video, çimərlik, dərs, İspaniya

Bakıda minik maşını avtobusa çırpılıb, yaralı var

0
(Yenilənib 23:24 14.04.2021)
Nərimanov rayonunda dayanacaqda saxlamış "Bakubus" MMC-yə məxsus avtobusa yüksək sürətlə hərəkət edən minik maşını çırpılıb.

BAKI, 14 aprel - Sputnik. Bakının Nərimanov rayonunda yol-nəqliyyat hadisəsi baş verib.

Sputnik Azərbaycan APA-ya istinadən xəbər verir ki, hadisə Koroğlu Rəhimov küçəsində qeydə alınıb.

“Bakubus” MMC-yə məxsus 13 nömrəli marşut avtobusu dayanacaqda duran zaman yüksək sürətlə hərəkətdə olan “Hyundai” markalı avtomobil ona çırpılıb. Qəza nəticəsində minik avtomobilinin sürücüsü ağır bədən xəsarəti alıb.

Hadisə yerinə Nərimanov Rayon Polis İdarəsinin əməkdaşları cəlb ediliblər.

 

0
Teqlər:
"BakuBus" MMC, yaralı, avtobus, qəza