Andrey Karlovun qətli, arxiv şəkli

Türkiyə rus səfiri öldürənləri cəzalandırdı

36
(Yenilənib 19:56 09.03.2021)
Yekun hökmdə qeyd olunur ki, Karlovun qətli Türkiyə-Rusiya münasibətlərinə zərbə vurmaq məqsədi daşıyan təxribatdır

BAKI, 9 mart - Sputnik. Ankara məhkəməsi Rusiyanın Türkiyədəki səfiri Andrey Karlovun 2016-cı ildə qətlə yetirilməsi barədə cinayət işi üzrə hökmünü açıqlayıb. 

Sputnik Azərbaycan RİA Novosti-yə istinadən bildirir ki, 28 şübhəlidən beşi bəraət alıb. Doqquz nəfərə 5 ildən 15 ilədək həbs cəzası kəsilib. Daha beş nəfər ömürlük həbs cəzasına məhkum olunub. Doqquz nəfər isə hələ də axtarışdadır. 

Andrey Karlov 2016-cı il dekabrın 19-da Ankarada açılmış "Rusiya Kalininqraddan Kamçatkayadək səyyahın gözü ilə" fotosərgisində qətlə yetirilmişdi. Türkiyə hökumətinin məlumatına görə, səfirə polis əməkdaşı Mevlüt Mert Altıntaş atəş açmışdı. Onu mühafizəçilər məhv etmişdilər. 

Qətldə 28 nəfər, o cümlədən terrorçubaşı elan edilmiş Fətullah Gülən təqsirləndirilirdi. O isə bütün ittihamları rədd edir. Yekun hökmdə qeyd olunur ki, Karlovun qətli Türkiyə-Rusiya münasibətlərinə zərbə vurmaq məqsədi daşıyan təxribatdır. 

Rusiyalı səfirin qətli barədə məhkəmə 2019-cu il yanvarın 8-də başlayıb. Türkiyə prokurorluğu 8 şübhəliyə - Şahin Sögüt, Ramazan Yücel, Ahmet Kılıçarslan, Salih Yılmaz, Hüseyn Kötüce, Vehbi Kürşat Akalın, Hayreddin Aydınbaş və Mustafa Timur Özkana - ömürlük həbs cəzası tələb edib. 

Hasan Tunc, Ayşe Sögüt, Kaan Bülbül, Sercan Başar və Ufuk Gülə prokurorluq 15 il həbs cəzası, Doğukan Söyləməzin, Kadir Şamlının, Oğuzhan Öztürkün, Abdulsamet Kekeçin, Sefa Kurnazın və Bilal Dərəlinin isə bəraət almasını istəyib. 

Axtarışda olan 9 nəfərin, o cümlədən F.Gülənin cinayət işinə isə prokurorluq ayrıca baxmağı xahiş edib.

Moskva Ankaranın bu qərarından məmnun qalıb. Rusiya XİN-dən verilən məlumata görə, Moskva Ankaranın Karlovun qətlini sifariş edənlər barədə tam məlumatı Rusiya tərəfinə ötürəcəyinə ümid edir. 

36
Teqlər:
Rusiya XİN, Ankara, hökm, məhkəmə, Andrey Karlov, qətl, səfir, Türkiyə, Rusiya
İranın Nətənz Nüvə Mərkəzi

MAQATE hay-küylü qəzaya belə reaksiya verdi

5
(Yenilənib 00:05 13.04.2021)
"Nətənz hadisəsi ilə bağlı dünən mediada gedən məlumatlardan xəbərimiz var və bununla bağlı İran rəhbərliyi ilə əlaqə saxlayırıq"

 

BAKI, 12 aprel — Sputnik. Beynəlxalq Atom Enerjisi Agentliyi (MAQATE) İranın Nətənz Nüvə Mərkəzində baş verən qəzaya reaksiya verib. Agentlikdən bildirilib ki, qəza ilə bağlı İran hakimiyyəti ilə əlaqə saxlanılıb. Sputnik Azərbaycan RİA Novosti-yə istinadla xəbər verir ki, bunu MAQATE-nin nümayəndəsi Fredrik Dal deyib.

"Nətənz hadisəsi ilə bağlı dünən mediada gedən məlumatlardan xəbərimiz var və bununla bağlı İran rəhbərliyi ilə əlaqə saxlayırıq ", – deyə Dal bildirib.

Qeyd edək ki, dünən səhər saatlarında İran Atom Enerjisi Təşkilatının sözçüsü Behruz Kəmalvəndi İranın Nətənz Nüvə Mərkəzində qəza baş verdiyini, nəticədə insan tələfatı və çirklənmə olmadığını və qəzanın səbəblərinin araşdırıldığını bildirib.

İranın vitse-prezidenti və İran Atom Enerjisi Təşkilatının rəhbəri Əli Əkbər Salehi isə vurğulayıb ki, İranın Nətənz Nüvə Mərkəzindəki qəza hücum və "nüvə terrorizmi"nin nəticəsidir.

"İran Beynəlxalq Atom Enerjisi Agentliyini bu nüvə terrorizminə qarşı çıxmağa çağırır, eyni zamanda müvafiq addımlar atmaq hüququnu özündə saxlayır", – deyə o qeyd edib.

5
İbrahim Tatlısəs, arxiv şəkli

Tatlısəs uzun illər sonra yeni mahnı təqdim edəcək

4
Verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək.Verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək.

BAKI, 12 aprel — Sputnik. Türk musiqisinin ən məşhur simalarından biri olan İbrahim Tatlısəs doqquz il sonra "İbo Show" verilişi ilə ekranlara qayıdıb.

Sputnik Azərbaycan Türkiyə mətbuatına istinadən xəbər verir ki, "Star TV"-də efirə çıxan proqramın yeni buraxılışının qonaqları məlum olub.

Verilişin 22-ci sayında Deniz Seki, Erkan Petekkaya, Sinan Akçıl ve İrem Derici iştirak edəcəklər.

Bundan başqa, verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək. Proqram aprelin 17-də, Bakı vaxtı ilə saat 21.00-da yayımlanacaq.

4
Bakı metrosunda

"Bakı Metropoliteni"ndə yeni əsaslarla qurulur

0
Təmir-baxış qanovlarında müasir idarəetmə sisteminin tətbiqi, kommutasiya sistemi mərkəzləşmiş formada yeni əsaslarla qurulur

 

BAKI, 12 aprel — Sputnik. "Bakı Metropoliteni" Qapalı Səhmdar Cəmiyyətinin "Nərimanov" elektrik deposunda qatarların baxış-təmir sahələrində daha bir texniki yenilik tətbiq edilir. Əsaslı təmir edilərək yenidən qurulan bu sahələrin fəaliyyətinin optimallaşdırılması istiqamətində innovativ tədbirlərin həyata keçirilməsi istiqamətində mühüm işlər görülür. Bu barədə "Bakı Metropoliteni" QSC-dən Sputnik Azərbaycan-a verilən məlumatda bildirilib.

Qeyd olunub ki, qanovlarda qatarların hərəkətini təmin edən 825 V-luq kontakt şəbəkəsi yenidən qurulur. Başqa sözlə, şəbəkədə kommutasiya sisteminin müasirləşməsi üzrə işlər aparılır.

Məsələnin aydın olması üçün qeyd edək ki, baxış-təmir qanovlarında qatarlar 825 V-luq sabit gərginliyi olan yollardakı kimi təmas relsindən deyil, qanovlar yerləşən sahənin tavanında quraşdırılmış təmas şəbəkəsindən alır. Bu isə təhlükəsizlik qaydalarının tələbindən irəli gələn bir məsələdir.

1966-cı ildən fəaliyyətdə olan depoda kommutasiya sisteminin dəyişdirilməsi onun daha müasir və etibarlı sistemlə əvəz edilməsi deməkdir. Bununla iş şəraiti də müasir dövrün tələbinə uyğunlaşdırılır. Görülən tədbirlərlə kontakt şəbəkəsi elementləri də yenilənməklə gücləndirilir və qanovlara yüksək gərginliyin verilməsi prosesi tam avtomatlaşdırılır.

Yeni sistemin tətbiqi ilə hər qanov qarşısında xüsusi təyin edilmiş dolablar qoyulub. Bununla baxış-təmir qanovunda dayanmış qatara sabit gərginlik verilməsi üçün çevirici qolları fırlamaq əvəzinə, sadəcə, komanda düyməsini sıxmaq yetərlidir.

Layihə İtaliyanın "Ropla" şirkəti ilə əməkdaşlıq şəraitində həyata keçirilir. Hazırda 10 qanovda yüksək gərginlik şəbəkəsinin bütün avadanlıqları, idarəetmə dolabları quraşdırılıb və sistem istifadəyə verilib. Daha 7 qanovda işlərin aparılması üçün hazırlıq tədbirləri davam etdirilir və bu, qanovların əsaslı təmiri prosesi ilə paralel aparılır.

İşlər bununla tamamlanmır. Bütün qanovlarda yeni sistem eyni mərkəzdən idarə olunacaq. Bu istiqamətdə tədbirlər davam etdirilir. İdarəetmə mərkəzində iş başında olan operator otağı tərk etmədən qatarların istənilən baxış-təmir qanovuna gərginliyin verilib-çıxarılmasını avtomatik yerinə yetirə biləcək.

0