Yerevanda etirazlar, arxiv şəkli

Erməni müxalifəti planını açıqladı: vətəndaş müharibəsi...

98
Müxalifətçi hesab edir ki, prezident Baş Qərargah rəisi Onik Qasparyanın istefası qərarını yenə imzalamayacaq və onu Konstitusiya Məhkəməsinə göndərəcək

BAKI, 27 fevral - Sputnik. Ermənistanda vətəndaş müharibəsi ola bilməz. 

Sputnik Azərbaycan-ın məlumatına görə, bunu müxalif "Vətənin xilası naminə hərəkat"ın lideri Vazgen Manukyan deyib.

"Nikol Paşinyanın tərəfdarları var, amma onlar xalqa qarşı çıxmayacaqlar. Üstəlik, indiki vaxtda ordu onu dəstəkləmir, hesab edirəm ki, elə polis də. Ermənistanda cəmiyyətin iki cəbhəyə bölünməsi üçün şərait yoxdur", - Manukyan deyib.

Müxalifətçi hesab edir ki, prezident Baş Qərargah rəisi Onik Qasparyanın istefası qərarını yenə imzalamayacaq və onu Konstitusiya Məhkəməsinə göndərəcək. O əmindir ki, Paşinyan istəyinin Konstitusiyaya zidd olduğunu bilə-bilə prezidentə təzyiq göstərməyə çalışıb.

Xatırladaq ki, fevralın 25-də Ermənistan Silahlı Qüvvələrinin Baş Qərargahının ölkənin baş naziri Nikol Paşinyanın istefasını tələb etməsilə ölkədə vəziyyət qarışıb. Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirləri buna dair bəyanat imzalayıblar. Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Qasparyanın qovulmasını tələb edib.

Bu gün Ermənistan prezidenti Armen Sarkisyan Baş Qərargah rəisi Onik Qasparyanın istefası barədə qərarı özünün əsaslandırmalarını da qeyd edərək baş nazir Nikol Paşinyana qaytarıb. Onun bu qərarını Yerevanda, parlament önündə mitinq edən Paşinyan əleyhdarları alqışlarla qarşılayıblar. Üstündən yarım saat keçməmiş Nikol Paşinyan qərarı yenidən Armen Sarkisyana göndərib. 

Müxalifətin digər nümayəndəsi, daşnak İşxan Saqatelyan isə bildirib ki, Nikol Paşinyan istefa verənə qədər parlamentin önünü tərk etməyəcəklər. 

"Bu satqınlar hökumət binasında olduqları müddətcə meydandan getməyəcəyik", - o deyib.

Bu arada ölkənin Müdafiə Nazirliyi yenidən bəyanat yayaraq ordunu siyasi proseslərə qatmamağı xahiş edib.

Ermənistanın polis rəisi Vage Kazaryanın istefa ərizəsi yazması, baş prokuror Artur Davtyanın Nikol Paşinyanla Qasparyanın həbsini müzakirə etməsi xəbərləri isə təsdiqini tapmayıb.

 

98
Teqlər:
vətəndaş müharibəsi, plan, müxalifət, dövlət çevrilişi cəhdi, Ermənistan
Mövzu:
Ermənistanda dövlət çevrilişinə cəhd (19)
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

2
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

2
Teqlər:
görüş, Cozef Bayden, Vladimir Putin
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

9
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

9
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə