Gürcüstanda etirazlar

Gürcüstanda ara qarışdı Müxalifət lideri kabinetində həbs edildi

39
(Yenilənib 12:11 23.02.2021)
Gürcüstanın hakim partiyası "Gürcü Arzusu"nun sədri İrakli Kobaxidze nümunəvi əməliyyata görə ölkənin DİN rəhbəri Vaxtanq Qomelauriyə təşəkkür edib.

BAKI, 23 fevral — Sputnik. Gürcüstanın paytaxtı Tbilisidə müxalif Vahid Milli Hərəkat (VMH) partiyasının rəhbəri Nika Meliya həbs olunub. Bu barədə Sputnik Gürcüstan xəbər verir.

Məlumata əsasən, Gürcüstanın Daxili İşlər Nazirliyinin xüsusi təyinatlıları Meliyanı partiyanın ofisində saxlayıb. Onun saxlanılması əməliyyatı zamanı gözyaşardıcı qazdan istifadə edib. Gürcüstanın Birinci kanalının məlumatına görə, siyasətçi ilə yanaşı, polisə müqavimətə görə ondan çox şəxs də saxlanılıb.

Gürcüstanın hakim partiyası "Gürcü Arzusu"nun sədri İrakli Kobaxidze nümunəvi əməliyyata görə ölkənin DİN rəhbəri Vaxtanq Qomelauriyə təşəkkür edib.

Gürcüstan müxalifəti isə Meliyanın həbsindən sonra aksiyalara başlayacaqlarını bildirib. Onlar artıq bununla bağlı hazırlıqlara başladıqlarını bəyan ediblər.

"Etiraz aksiyaları başlayacaq və onlar biz nəticə əldə edənə kimi – yeni seçkilər barədə qərar verilənə kimi – davam edəcək", - deyə Gürcüstan müxalifətinin nümayəndəsi Qiqa Bokeriya bildirib.

Xatırladaq ki, fevralın 17-si Tbilisi Şəhər Məhkəməsi Meliyanı 2019-cu ildə baş verən qarşıdurmalarla bağlı qiyabi həbs edib. Bundan sonra Gürcüstanda olan müxalif qüvvələrin təmsilçiləri VMH ofisinə gəliblər. Onlar partiyanın ofisində keşik çəkərək Meliyanın həbsinə imkan verməyəcəklərini bildiriblər. Bunun səhəri günü Gürcüstanın Baş naziri Giorgi Qaxariya istefa verib. O bəyan edib ki, Meliyanın həbsi qərarı ilə razı deyil.

Qeyd edək ki, Meliya Gürcüstanın sabiq prezidenti Mixail Saakaşvilinin partiyasına rəhbərlik edir.

 

39
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

12
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

12
ABŞ bayrağı, arxiv şəkli

ABŞ daha rejimləri devirməyəcək, xeyri yoxdur...

21
Amerikalılara televiziya ilə müraciətində Entoni Blinken qeyd edib ki, hazırkı hökumət demokratiyanı dəstəkləməkdən imtina etmir.

BAKI, 3 mart - Sputnik. ABŞ bundan belə rejimləri devirərək demokratiyanı güclə yeritməkdən əl çəkəcək. Çünki bunun artıq heç bir nəticəsi yoxdur. 

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib.

Amerikalılara televiziya ilə müraciətində o qeyd edib ki, hazırkı hökumət demokratiyanı dəstəkləməkdən imtina etmir.

"Ancaq biz onu bahalı hərbi əməliyyatlar və ya avtoritar rejimləri güclə yıxmaq yolu ilə təşviq etməyəcəyik. Keçmişdə bu cür taktikanı sınadıq, niyyətimizin nə qədər xoş olmasına rəğmən, bu taktika işləmədi", - dövlət katibi deyib.

Onun sözlərinə görə, Vaşinqton bunu "başqa cür" edəcək, islahat və demokratiya cəhdlərində nümunə olmaqla.

Xatırladaq ki, Münhen konfransında ABŞ prezidenti Co Bayden "Amerikanın dünya arenasına qayıtdığını" bəyan etmişdi. Onun xarici siyasətində əsas yeri isə Avropa ilə əməkdaşlıq tutacaq.

21
Teqlər:
demokrat, dünya, ABŞ