Gürcüstanın baş naziri İrakli Qaribaşvili

Gürcüstanın yeni hökuməti təsdiqləndi: baş nazir ikinci dəfə seçildi

15
İrakli Qaribaşvili 2013-cü il noyabrın 20-dən 2015-ci il dekabrın 23-dək Gürcüstanın (11-ci) baş naziri olub

BAKI, 22 fevral - Sputnik. Gürcüstan Parlamenti baş nazir postuna namizəd olan İrakli Qaribaşviliyə, eləcə də onun kabinetinin tərkibi ilə hökumət proqramına etimad göstərib.

Sputnik Gürcüstan-ın məlumatına görə, səsvermə qanunverici orqanın saytında canlı yayımlanıb. 

"89 leyinə, 2 - əleyhinə. Gürcüstan Parlamenti etimad bildirdi", - spiker Arçil Talakvadze deyib. 

Hakim "Gürcü arzusu" partiyası parlamentdə 150 yerdən 90-na sahibdir. Etimad üçün 75 səs gərək idi. Ötən həftə Georgi Qaxariya məhkəmənin girov ödənmədiyi səbəbindən haqqında həbs qərarı çıxardığı müxalifətçi Nikanor Meliya ilə bağlı hökumət üzvləri ilə fikir ayrılığına görə istefa verdikdən sonra baş nazir postu boş idi. Qaxariya hesab edirdi ki, müxalifətçinin həbsi ölkədə siyasi vəziyyəti gərginləşdirə bilər.

Gürcüstanın yeni hökumətinə daxil olan nazirlərdən yalnız ikisi təzədir: Mayya Tskitişvilinin əvəzinə İrakli Karseladze infrastruktur naziri, Qaribaşvilinin əvəzinə isə Cuanşer Burçuladze müdafiə naziri olub. 

Nazirlər Kabinetinin digər üzvləri aşağıdakılardır: daxili işlər naziri - Vaxtanq Qomelauri, təhsil, elm, mədəniyyət və idman naziri - Mixail Çxenkeli, səhiyyə naziri - Yekaterina Tikaridze, barışıq və vətəndaş inteqrasiyası məsələləri üzrə dövlət naziri - Teya Axvlediani, maliyyə naziri - Vano Maçavarani, xarici işlər naziri - David Zalkaliani, ədliyyə naziri - Qoça Lordkipanidze, ətraf mühit və təbii sərvətlər naziri Levan Davitaşvili, iqtisadiyyat və dayanıqlı inkişaf naziri - Natiya Turnava.

Qeyd edək ki, İrakli Qaribaşvili 2013-cü il noyabrın 20-dən 2015-ci il dekabrın 23-dək Gürcüstanın (11-ci) baş naziri olub.

15
Rotterdamda Erazm körpüsü Niderland bayrağının rənglərində, arxiv şəkli

"Eurovision-2021" qısaldılmış formatda keçiriləcək

4
(Yenilənib 10:53 03.03.2021)
Yeni ssenari çərçivəsində hər bir nümayəndə heyətində iştirakçıların sayı əvvəlki müsabiqələrlə müqayisədə ixtisara salınacaq. Tədbirdə iştirak edəcək jurnalistlərin sayı isə 500 nəfərə qədər məhdudlaşdırılacaq.

BAKI, 3 mart — Sputnik. "Avroviziya-2021" beynəlxalq mahnı müsabiqəsi online formatda keçiriləcək, nümayəndə heyətlərinin tərkibi və jurnalistlərin sayı ixtisar olunacaq. Mahni müsabiqəsində tamaşaçıların olub-olmaması barədə qərar isə hələ qəbul edilməyib.

Sputnik Azərbaycan xəbər verir ki, bu barədə "Avroviziya" müsabiqəsinin təşkilatçıları məlumat yayıb.

Yeni ssenari çərçivəsində hər bir nümayəndə heyətində iştirakçıların sayı əvvəlki müsabiqələrlə müqayisədə ixtisara salınacaq. Tədbirdə iştirak edəcək jurnalistlərin sayı isə 500 nəfərə qədər məhdudlaşdırılacaq, daha 1000 jurnalist isə müsabiqəni xüsusi mətbuat mərkəzindən işıqlandıracaq.

"Avroviziya-2021" müsabiqəsinə tamaşaçıların buraxılması barədə qərar isə sonra müzakirə olunacaq. Təşkilatçılar şəraitin dəyişə biləcəyini istisna etmirlər.

4
Nadim Raza

Pakistanın Baş Qərargah rəisi Azərbaycana rəsmi səfərə gəlib

7
(Yenilənib 11:06 03.03.2021)
Martın 6-na kimi davam edəcək səfər çərçivəsində general Nadim Raza Azərbaycanda bir sıra görüşlər keçirəcək.

BAKI, 3 mart — Sputnik. Pakistan İslam Respublikasının Birləşmiş Qərargah Rəisləri Komitəsinin sədri general Nadim Razanın rəhbərlik etdiyi nümayəndə heyəti Azərbaycana rəsmi səfərə gəlib.

Bu barədə Sputnik Azırbaycan-a Müdafiə Nazirliyindən məlumat verilib.

Martın 6-na kimi davam edəcək səfər çərçivəsində general N.Raza bir sıra görüşlər keçirəcək.

7
Qandal, arxiv şəkli

Gün ərzində törədilmiş 37 cinayətin üstü “isti izlər”lə açılıb

0
(Yenilənib 12:44 03.03.2021)
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 22, qanunsuz saxlanılan silah-sursatla bağlı 1 fakt müəyyən edilib.

BAKI, 3 mart — Sputnik. 2021-ci il mart ayının 2-də daxili işlər orqanlarında qeydə alınmış cinayət və hadisələr haqqında statistik məlumat açıqlanıb.

Daxili İşlər Nazirliyindən Sputnik Azərbaycan-a verilən məlumata görə, respublikanın daxili işlər orqanları tərəfindən, gün ərzində törədilmiş 37 cinayətin üstü “isti izlər”lə açılıb. Əvvəlki dövrlərdən bağlı qalan 20 cinayətin açılması təmin olunub. Axtarışda olduğuna görə ümumilikdə 37 nəfər, o cümlədən borclu şəxs qismində axtarışda olan 22 nəfər saxlanılaraq aidiyyəti üzrə təhvil verilib. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 22, qanunsuz saxlanılan silah-sursatla bağlı 1 fakt müəyyən edilib.

Cinayət törətməkdə şübhəli bilinən 46 nəfər saxlanılıb.

 

 

 

0