Gürcüstanda epidemioloji vəziyyət

Maskanın kəraməti - qərb qonşumuz bütün COVID məhdudiyyətlərini götürməyə hazırlaşır

141
Tibb işçilərinin əksini düşünmələrinə rəğmən, maska taxmaq infeksiyanın yayılmasında daha effektiv üsul imiş. Bu səbəbdən Gürcüstan bütün karantin qadağalarını götürə bilər.

BAKI, 21 fevral - Sputnik. Gürcüstan yaxın bir neçə həftədə bütün pandemiya qadağalarını götürə bilər.

Sputnik Gürcüstan-ın məlumatına görə, Qurumlararası Koordinasiya Şurası komendant saatının dəyişdirilməsi, eləcə də tədricən bütün qalan məhdudiyyətlərin götürülməsini nəzərdən keçirir. Tbilisi İnfeksion Xəstəxanasının rəhbəri Tengiz Tsertsvadzenin fikrincə, bu, 2-3 həftə vaxt apara bilər.

Həkimin sözlərinə görə, Gürcüstan hökumətindəki dəyişikliklər səbəbindən yeni baş nazirin məhdudiyyətlərin ləğvi barədə siyasətinin necə olacağı bəlli deyil. 

"Bilirsiniz ki, hazırda hökumətdə dəyişiklik edilir. Hələ bilmirik, yeni rəhbərliyin mövqeyi necə olacaq: bu prosesi tezləşdirəcəkmi, yoxsa daha ehtiyatlı davranacaq. Ancaq biz dayanmırıq. Gürcüstan yumşalmalara başlayandan bəri hər bir-iki həftədən bir tələblərin bir qismi aradan qaldırılır. Təxminən iki-üç həftədən sonra bütün məhdudiyyətləri götürəcəklər", - Tsertsvadze Birinci kanalın efirində deyib.

Həkimin sözlərinə görə, tibb işçilərinin əksini düşünməsinə rəğmən, maska taxmaq infeksiyanın yayılmasının qarşısını daha effektiv surətdə alır.

"Yadınızdadır, bir vaxtlar deyirdilər ki, maska taxmaq infeksiyadan qorumur? Xeyr, faktiki olaraq müdafiə təmin olunur. Özü də bizim fikirləşdiyimizdən daha güclü. Ona görə də hazırda əhalinin maska taxması, sosial məsafəni qoruması vacibdir. Vaksinasiya ilə məhdudiyyətlərin götürülməsi məsələlərinə qaldıqda isə - bunlar yaxın vaxtlarda həllini tapacaq", - həkim deyib.

İlkin mərhələ olaraq fevralın sonunda Gürcüstana tibb işçilərinin peyvəndlənməsi üçün 29250 doza Pfizer vaksini gətiriləcək. Vaksin üçün gərəkli olan 50 min xüsusi şpris oraya artıq çatdırılıb. Doqquz tibb müəssisəsi vaksinasiya üçün hazırlanıb, yaxın vaxtlarda onların sayı 15-ə çatdırılacaq.

Qeyd edək ki, pandemiya başlayandan Gürcüstanda koronavirusa yoluxanların sayı 270 minə yaxındır. Onlardan 261 637 nəfəri müalicə olunaraq sağalıb. 3435 nəfər isə xəstəlik səbəbindən dünyasını dəyişib. Gürcüstanda ilk COVID-19-a yoluxma halı ötən il fevralın 26-da qeydə alınıb.

Pandemiyanın ilk günlərindən Gürcüstan məhdudiyyətlər tətbiq etməyə başladı. Görülən tədbirlərə görə öncə bu ölkədə yoluxma və ölüm sayı həddən artıq az idi və bir çox dövlətlərə qərb qonşumuz nümunə göstərilirdi. Sonra səylərə rəğmən, orada da yoluxma və ölüm sayı artdı. Müqayisə üçün bildirək ki, pandemiya başlayandan Azərbaycanda 233 129 nəfər koronavirus infeksiyasına yoluxub. Onlardan 227 761 nəfər müalicə olunaraq sağalıb, 3198 nəfər vəfat edib. Bizim ölkəmizdə də aprel ayınadək xüsusi karantin rejimi qüvvədədir.

141
Teqlər:
məhdudiyyət, karantin, Gürcüstan, Koronavirus, epidemiya, COVID-19
Mövzu:
Yeni tip koronavirus pandemiyası (631)
Bəşər Əsəd, arxiv şəkli

Əsəd ailəsi koronavirusa yoluxdu

4
(Yenilənib 16:29 08.03.2021)
Suriyada koronavirus pandemiya elan olunandan (11.03.2020) indiyədək 15981 nəfər COVID-19-a yoluxub, 1063 nəfər vəfat edib

BAKI, 8 mart - Sputnik. Suriyanın prezidenti Bəşər Əsəd və xanımı Əsma Əsəd koronavirusa yoluxublar. 

Sputnik Azərbaycan bildirir ki, bu barədə Suriya prezidentinin dəftərxanası məlumat yayıb. 

"Prezident Əsəd və xanım Əsma Əsəd PCR test veriblər, nəticə müsbət olub", - məlumatda deyilir. 

Qeyd olunur ki, Bəşər Əsəd və xanımının vəziyyəti yaxşı, stabildir.

Suriyada koronavirus pandemiya elan olunandan (11.03.2020) indiyədək 15981 nəfər COVID-19-a yoluxub, 1063 nəfər vəfat edib. 4544 nəfər müalicə alır.   

4
Teqlər:
Koronavirus, Suriya, Əsma Əsəd, Bəşər Əsəd
Mövzu:
Yeni tip koronavirus pandemiyası (631)
Roma Papası Fransisk, 10 sentyabr 2017-ci il

Roma Papası şiələrin lideri ilə görüşdü, İran sevindi

7
(Yenilənib 15:38 08.03.2021)
Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub

BAKI, 8 mart - Sputnik. Martın 6-da İraqa başlanan ilk səfəri çərçivəsində Roma Papası Fransisk oradakı şiələrin başçısı ayətulla Əli əs-Sistani ilə görüşüb. 

Sputnik Azərbaycan-ın məlumatına görə, bu barədə bu gün İran Xarici İşlər Nazirliyinin rəsmi sözçüsü Səid Xətibzadə bildirib və öz ölkəsinin XİN rəhbərinin bu hadisəni dinlər arasında dialoq və onların yaxınlaşması adlandırdığını əlavə edib. 

O, Papanın İraqa səfərini vacib hesab edib. 

Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub.

Fransisk İraqa səfər edən ilk Roma Papasıdır.

7
Teqlər:
İran XİN, görüş, lider, şiə, səfər, İraq, Roma papası Fransisk
Müğənni Rəsul Əfəndiyev

"Ay anası olanlar..." Azərbaycanlı müğənnidən təsirli mahnı - VİDEO

0
(Yenilənib 16:48 08.03.2021)
Rəsul Əfəndiyevin analara həsr etdiyi yeni layihəsində əsas rolu teleaparıcı, Azərbaycanın Əməkdar artisti Nailə İslamzadə canlandırıb

BAKI, 8 mart - Sputnik. Müğənni Rəsul Əfəndiyev bütün analara həsr etdiyi mahnısını təqdim edib. 

Müğənni Sputnik Azərbaycan-a bildirib ki, "Ana" mahnısının sözlərini Rafael Qədirov, musiqisini isə Fərid Kərimli yazıb. Mahnının lentə alınmasında kamançaçı Elnur Kərimov, Kənan Tərlanoğlu (ud) və balabançı Nurlan Bəkirov da iştirak ediblər. 

Klipin ssenarisi Kənan Bayramova məxsusdur. Klipdə əsas, ana obrazını Azərbaycanın Əməkdar artisti Nailə İslamzadə yaradıb. Qəhrəmanların obrazı üzərində dizayner Afaq İsmayılzadə işləyib. 

"Ana hər birimizin həyatında vacıb insandır. Həmişə yanımızdadır, nə etsək, dəstək olur. Onların simasında bütün Azərbaycan qadınlarını təbrik edirəm", - Əfəndiyev deyib. 

Rəsul Əfəndiytev gənc ifaçılar arasında özünəməxsus yer tutur. O, Xalq artisti Aygün Kazımova ilə duetindən sonra məşhurlaşdı, hazırda da Kazımova ilə işbirliyini davam etdirir.

0
Teqlər:
8 Mart Beynəlxalq Qadınlar Günü, müğənni, ana, mahnı, video, klip