Gürcüstanda etirazlar, arxiv şəkli

Gürcülər yenə etirazda: kimi yanacaq qiymətinə qarşıdır, kimi çadır qura bilmir - VİDEO

29
(Yenilənib 19:42 21.02.2021)
Hökumət yanacağın qiymətinə nəzarəti ələ almayanadək etirazçılar aksiyaları davam etdirəcəklərinə söz veriblər

BAKI, 21 fevral - Sputnik. Gürcüstanın bir neçə şəhərində fərqli səbəblərdən etiraz aksiyaları keçirilir.

Qərb qonşumuzun üç iri şəhərində - Tbilisi, Kutaisi və Batumidə eyni zamanda yanacağın qiymətinin qaldırılmasına etiraz olaraq aksiyalar başlayıb.

Sputnik Gürcüstan-ın məlumatına görə,  son 3-4 həftə ərzində yanacağın qiymətinin orta hesabla 40 tetri qalxması taksi və mikroavtobus sürücüləri üçün ciddi problemlər yaradıb.

"Yanacağa gürcü qiymətlərinə qarşı" şüarı ilə keçirilən aksiyalarda sürücülərə turoperatorlar, otel sahibləri, eləcə də pandemiya səbəbindən tətbiq edilən məhdudiyyətlərdən ziyan görənlər də qoşulublar.

Etirazçılar Rike parkının yanında toplaşıblar, sonra isə Tbilisinin mərkəzindəki Birinci Respublika meydanına yürüş etmək niyyətindədirlər.  

Kutaisidə isə sürücülər şəhər meriyasının qarşısında yolu kəsiblər. Hadisə yerinə polislər, onların ardınca isə yerli müxalifətçi siyasətçilər və fəallar gəliblər. 

"Yanacağın qiyməti qəfil qaldırıldı. Belə şəraitdə mikroavtobuslarla taksilərin işləməsi mümkün deyil. Onda gərək gedişhaqqı da qaldırılsın. Bunun mənası var? Vətəndaşlar bahalaşma səbəbindən bizim nəqliyyatdan istifadə edə bilmirlər", - aksiya iştirakçılarından biri deyib.

Hökumət yanacağın qiymətinə nəzarəti ələ almayanadək etirazçılar aksiyaları davam etdirəcəklərinə söz veriblər.

Tbilisidə, Rustaveli prospektində, Parlament binasının qarşısına toplaşanlardan səkkiz nəfəri isə həbs edilib. Onların niyyətinin yanacağın qiymətinə etiraz etmək yox, Parlament yanında çadır qurub mühazirə oxumaq istəyi olduğu deyilir.

Aksiya Gürcüstanda ilk Konstitusiyanın qəbul edilməsinin 100 illiyinə həsr olunmuşdu. Ancaq polis iştirakçılara çadır qurmağa icazə verməyib. Fəalların isə İnzibati Xətalar Məcəlləsinin 173-cü maddəsi - hüquq-mühafizə orqanlarının qanuni tələblərinə əməl edilməməsinə görə həbs olunduqları bildirilib.

29
Teqlər:
video, həbs, Konstitusiya, aksiya, yanacaq, etiraz, Gürcüstan
Afrikada koronavirus

ÜST koronavirus haqda: Vəziyyət ərəbcədir azalır, amma yayılır

12
(Yenilənib 16:03 24.02.2021)
Dünyada koronavirusa yoluxma hallarının sayında altı həftədir ki, azalma qeydə alınır: Ötən həftə 2,4 milyon yoluxma halı qeydə alınıb ki, bu da əvvəlki həftədən 11% azdır.

BAKI, 24 fevral — Sputnik. Dünyada koronavirusa yoluxanların sayı, həmçinin ondan ölənlərin sayı azalmağa davam edir, lakin koronavirus mutasiyasının aşkarlandığı ölkələrin sayı artır. Sputnik Azərbaycan xəbər verir ki, bu barədə məlumat Ümumdünya Səhiyyə Təşkilatının (ÜST) saytında yerləşdirilib.

"Dünyada koronavirusa yoluxma hallarının sayında altı həftədir ki, azalma qeydə alınır: Ötən həftə 2,4 milyon yoluxma halı qeydə alınıb ki, bu da əvvəlki həftədən 11% azdır. Yeni ölüm faktlarında da azalma qeydə alınır. Belə ki, ötən həftə təxminən 66 min yeni ölüm faktı qeydə alınıb ki, bu da ondan əvvəlki həftə ilə müqayisədə 20% çoxdur", - deyə ÜST-ün məlumatında bildirilir.

Bu arada ÜST bildirir ki, koronavirusun yeni ştamları yayılmağa davam edir. Son məlumatlara görə, "Britaniya" ştammı artıq 101 ölkədə, "Cənubi Afrika" ştammı 51, "Braziliya" ştammı isə 29 ölkədə qeydə alınıb.

Xatırladaq ki, koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 112,1 milyonu keçib, 2,48 milyondan çox insan isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

12
Teqlər:
ÜST, pandemiya, Koronavirus, epidemiya, COVID-19
Mövzu:
Yeni tip koronavirus pandemiyası
Tblisi

Gürcüstana getmək istəyən azərbaycanlılara şad xəbər

26
(Yenilənib 16:02 24.02.2021)
Gürcüstanın Baş naziri İrakli Qaribaşvili qeyd edib ki, ölkəsi Azərbaycan, Ermənistan, Rusiya, Ukrayna vətəndaşlarının Gürcüstana girişinin asanlaşdırılması ilə bağlı qərar verib

BAKI, 24 fevral — Sputnik. Azərbaycan vətəndaşları martın 1-dən etibarən koronavirus infeksiyası ilə bağlı mənfi PZR testi olduğu təqdirdə hava yolu ilə Gürcüstana səfər edə biləcəklər. Sputnik Azərbaycan xəbər verir ki, bu barədə Gürcüstanın Koordinasiya Şurasının iclası zamanı qərar verilib.

Gürcüstanın Baş naziri İrakli Qaribaşvili qeyd edib ki, ölkəsi Azərbaycan, Ermənistan, Rusiya, Ukrayna vətəndaşlarının Gürcüstana girişinin asanlaşdırılması ilə bağlı qərar verib.

"Quru sərhədlərimizdə bu günə olan rejim qüvvədə qalacaq", - deyə Qaribaşvili qeyd edib.

Bundan əlavə, Gürcüstan hökuməti ölkədə komendant saatından başqa bütün məhdudiyyətlərin aradan qaldırılması ilə bağlı qərar qəbul edib. Belə ki, fevralın 25-dən ölkədə şəhərlərarası nəqliyyat işləyəcək, martın 8-dən isə iaşə müəssisələri qapılarını açacaq.

Qeyd edək ki, Gürcüstanda komendant saatı 21:00-da başlayır və 05:00-da bitir.

26
Teqlər:
test, karantin, Koronavirus, uçuş, səfər, Azərbaycan, Gürcüstan
Görüş, arxiv şəkli

Mikayıl Cabbarovdan yeni tvit

0
(Yenilənib 20:48 24.02.2021)
Nazir bildirib ki, iclasda ölkədə Dayanıqlı İnkişaf Məqsədlərinə nail olunması istiqamətində görülmüş işlər müzakirə edilib.

 

BAKI, 24 fevral — Sputnik. Azərbaycanın Baş nazirinin müavini Əli Əhmədovun sədrliyi ilə Dayanıqlı İnkişaf üzrə Milli Əlaqələndirmə Şurasının 11-ci iclası keçirilib.

Sputnik Azərbaycan xəbər verir ki, bu barədə Azərbaycanın iqtisadiyyat naziri Mikayıl Cabbarov "Twitter" hesabında yazıb.

Nazir bildirib ki, iclasda ölkədə Dayanıqlı İnkişaf Məqsədlərinə nail olunması istiqamətində görülmüş işlər müzakirə edilib.

0