Marsa mənzərə, arxiv şəkli

Marsda milyonluq şəhərlər - indi hamı bundan danışır

48
2020-ci ildə Yerdən start götürən Amerikanın ən yeni Perseverance roveri cümə axşamı, fevralın 18-də "qırmızı planet"in səthinə enib. Bu hadisədən sonra dünya Marsın fəthindən danışır

BAKI, 21 fevral - Sputnik. Bu onilliyin sonunadək insanlar daimi olaraq Marsda yaşaya biləcəklər, 2100-cü ilədək isə orada artıq milyonlarla insanın yaşadığı şəhərlər olacaq. 

Sputnik Azərbaycan bildirir ki, bunu RİA Novosti-yə "Mars cəmiyyəti"nin sədri, mühəndis və Mars araşdırmaları üzrə entuziast Robert Zubrin deyib. 

2020-ci ildə Yerdən start götürən Amerikanın ən yeni Perseverance roveri cümə axşamı, fevralın 18-də "qırmızı planet"in səthinə enib. Onun köməyilə NASA Marsın quruluşu, geologiyası haqda məlumat almaq niyyətindədir. Perseverance-ın elmi alətlərinin sırasında ən vaciblərindən biri Mars atmosferindən oksigen alan aparatdır. Onun yaradıcıları ümid edirlər ki, gələcəkdə bu texnologiya Marsa pilotlu missiyalar üçün gərəkli olan raket yanacağının əldə edilməsində də mühüm rol oynayacaq.  

Perseverance – NASA-nın Marsa göndərdiyi beşinci roverdir. Hazırda onunla birlikdə "Qırmızı planet"də Curiosity marsoxodu da işləyir. İnsanların Marsa ayaq basması hələ ki elmi fantastika həddindədir, planet çox sirlər gizləyir. Ancaq alimlər ümidlidirlər ki, məhz roverin missiyası Marsa insanların daşınmasını reallığa çevirəcək. Məsələn, qonşu planetdə insanların baza quracaqları tarix kimi Zubrin 2030-cu ili göstərir. 

SpaceX şirkətinin sahibi, biznesmen İlon Mask Marsa pilotlu missiyaların 2026-cı ildə başlayacağını desə də, mühəndis Zubrinin fikrincə, bu tarixə dəyişiklik etməli olacaqlar. 

"Güman ki, bu proses 2030-cu ilədək uzanacaq. Ola bilər, 2026 və ya 2028-ci ildə o, Marsa Starship gəmiləri ilə yük və robot missiyaları göndərərək bazanın avtomatik tikintisinə başlasın. Oraya insanları göndərməzdən öncə bizə güc qurğuları, Marsın oksigen və suyundan yanacaq hazırlayan sistemlər gərəkdir", - 1998-ci ildə "Mars cəmiyyəti"ni quran Zubrin deyir. 

Mars planeti
© Mohammed bin Rashid Space Center/UAE Space Agency, via AP

Maskın 2050-ci ildə Marsa bir milyon insan göndərmək planını isə mühəndis "ambisiyalı" hesab edir: "Ancaq həmin vaxt biz oraya min nəfər göndərə bilərik, onlar Marsda daha böyük insan kütləsinin yaşamasını təmin etmək üçün kənd təsərrüfatı və sənaye imkanları qura bilərlər. Marsa nə qədər çox adam uçub, orada nəsil artırsa, o planetdə bir o qədər çox möhkəmlənə, 2070-ci ildə böyük şəhərə, hətta 2100-cü ildə milyonluq şəhərə çevrilə bilərik". 

Marsın fəthinin insan itkisi olmadan aparılmasına gəlincə, ekspert deyib: "Həmişə araşdırmalarda risk olur, ancaq indiyədək heç bir vacib kəşf cəsarət olmadan gerçəkləşməyib".

48
Teqlər:
şəhər, insanlar, kosmos, Mars
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

86
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

86
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO
Asteroid

Yer kürəsi təhlükədə - beş asteroid birdən yaxınlaşır

201
(Yenilənib 00:52 06.03.2021)
Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

BAKI, 5 mart - Sputnik. Bu gecə Yer kürəsinə sərnişin təyyarəsi ölçüsündə asteroid yaxınlaşacaq. Sputnik Azərbaycan Report-a istinadla xəbər verir ki, bu barədə NASA JPL Elmi Tədqiqat Mərkəzi bildirib.

Saytdakı hesablamalara əsasən 2021 CF8 asteroidinin Yerdən ən yaxın məsafəsi 4,4 milyon kilometr təşkil edəcək. Göy cisiminin diametri 52 metrə bərabərdir.

Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

Növbəti 3 gündə Yer kürəsinin yaxınlığından növbəti həmçinin daha üç asteroid keçəcək. Onlardan ən böyüyü 2021 EB-dir. Onun diametri 43 metrə malikdir və planetimizdən 2,7 milyon kilometr məsafədə keçəcək.

201

Rusiya məktəblərində inqilabi addım: Uşaqlara qarşı rəqəmsal cinayətlərin qarşısı alınacaq

0
(Yenilənib 00:13 06.03.2021)
Rusiyanın Təhsil naziri: "Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq",

BAKI, 6 mart - Sputnik. İlin sonuna qədər Rusiya məktəbləri yalnız təsdiqlənmiş kontentə giriş üçün nəzərdə tutulan Wi-Fi şəbəkəsinə qoşulacaq. Sputnik Azərbaycan RİA Novosti-yə istinadla xəbər verir ki, bunu Rusiyanın Təhsil Naziri Sergey Kravtsov "Rossiya24" telekanalının efirində Nailə Əsgər-Zadəyə verdiyi müsahibəsində deyib. 

"Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq", - deyə nazir bildirib. 

Kravtsov ilin sonuna qədər bütün şəhər məktəblərinin saniyədə ən az 100 meqabit, kənd məktəblərinin saniyədə 50 meqabit sürətlə internetə qoşulacağını vurğulayıb.

Bu həftənin əvvəlində Vladimir Putin Daxili İşlər Nazirliyinin kollegiya iclasında interneti izləməyin və uşaqları orada qanunsuz hərəkətlərə cəlb edənlərin müəyyənləşdirilməsinin vacibliyindən danışıb.
Daha sonra "Biz Birlikdəyik" aksiyasının iştirakçıları ilə görüşdə prezident internet vasitəsilə uşaqlar arasında uşaq pornoqrafiyasının və narkotik maddələrin təbliğ olunduğunu qeyd edib.

O, həmçinin vurğulayıb ki, internet belə şəxslər üçün yetkinlik yaşına çatmayanlardan istifadə edərək qazanc əldə etmək mənbəyidir. Bundan sonra İstintaq Komitəsinin rəhbəri Aleksand Bastrıkin tabeliyində olanlara "internetə sızmağı" və rəqəmsal cinayətlərlə daha aktiv işləməyi tapşırıb.

0