Fransa prezidenti Emmanuel Makron, arxiv şəkli

Makronla NATO-nun "ulduzu barışmır", yenə sataşdı

12
(Yenilənib 10:20 21.02.2021)
Fransa Prezidenti ilk dəfə deyil ki, NATO-nu tənqid edir. 2019-cu ilin martında o, bəyan eləmişdi ki, bu qurum "beyin ölümü" keçirib.

BAKI, 21 fevral - Sputnik. Fransa Prezidenti Emmaniel Makron NATO-nu tənqid edib, onun fikrincə, bu təşkilat artıq aktual deyil. 

Sputnik Azərbaycan bildirir ki, Makron Şimali Atlantika Alyansının Varşava müqaviləsinə qarşı mübarizə aparmaq məqsədilə yaradıldığını, o müqavilənin isə daha mövcud olmadığını xatırladıb.  

"Bəzən biz artıq mövcud olmayan, amma Avropanı parçalamağa davam edən ideologiya və ya təşkilatlara, geosiyasi məntiqə qarşı mübarizəni davam etdiririk", - fransa lideri Financial Times qəzetinə müsahibəsində deyib. 

BMT Təhlükəsizlik Şurasının işi də Makronun xoşuna gəlmir. Onun fikrincə, təşkilat iri regional münaqişələrin həlli vasitəsi kimi "işləməyi dayandırıb". Məsələn, "yenidən dirildilmiş" Şura ABŞ ilə Çin arasında artan gərginliyi yumşalda bilərdi, amma Makron Çinin əməkdaşlıq etməyə razılıq verəcəyindən də əmin deyil.  

Xatırladaq ki, Fransa Prezidenti ilk dəfə deyil ki, NATO-nu tənqid edir. 2019-cu ilin martında o, bəyan eləmişdi ki, bu qurum "beyin ölümü" keçirib.

12
Teqlər:
NATO, Emmanuel Makron
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

12
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

12
ABŞ bayrağı, arxiv şəkli

ABŞ daha rejimləri devirməyəcək, xeyri yoxdur...

21
Amerikalılara televiziya ilə müraciətində Entoni Blinken qeyd edib ki, hazırkı hökumət demokratiyanı dəstəkləməkdən imtina etmir.

BAKI, 3 mart - Sputnik. ABŞ bundan belə rejimləri devirərək demokratiyanı güclə yeritməkdən əl çəkəcək. Çünki bunun artıq heç bir nəticəsi yoxdur. 

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib.

Amerikalılara televiziya ilə müraciətində o qeyd edib ki, hazırkı hökumət demokratiyanı dəstəkləməkdən imtina etmir.

"Ancaq biz onu bahalı hərbi əməliyyatlar və ya avtoritar rejimləri güclə yıxmaq yolu ilə təşviq etməyəcəyik. Keçmişdə bu cür taktikanı sınadıq, niyyətimizin nə qədər xoş olmasına rəğmən, bu taktika işləmədi", - dövlət katibi deyib.

Onun sözlərinə görə, Vaşinqton bunu "başqa cür" edəcək, islahat və demokratiya cəhdlərində nümunə olmaqla.

Xatırladaq ki, Münhen konfransında ABŞ prezidenti Co Bayden "Amerikanın dünya arenasına qayıtdığını" bəyan etmişdi. Onun xarici siyasətində əsas yeri isə Avropa ilə əməkdaşlıq tutacaq.

21
Teqlər:
demokrat, dünya, ABŞ