Nissan avtomobil zavodu, arxiv şəkli

Nissan fabrikini bağladı

34
(Yenilənib 20:30 20.02.2021)
Nissan gələn həftə Oppama və Şatai zavodlarında istehsalı tam, Shonan zavodundakını isə qısa müddətə dayandıracaq.

BAKI, 20 fevral — Sputnik. Yaponiyanın məşhur avtomobil firması olan Nissan Fukuşimada baş verən zəlzələdən sonra istehsalını müvəqqəti olaraq dayandırmağı qərara alıb.

Sputnik Azərbaycan Anadolu Agentliyinə istinadla xəbər verir ki, güclü zəlzələdən sonra avtomobil hissələrinin tədarükünün gecikməsi səbəbindən şirkət ölkədəki bəzi müəssisələrdə istehsalın dayandırılmasına qərar verib.  

Bu səbəbdən də Nissan gələn həftə Oppama və Şatai müəssisələrində istehsalı tam, Şonan zavodundakını isə qısa müddətə dayandıracaq.

Qeyd edək ki, baş verən zəlzələ ilə əlaqədar olaraq "Toyota" da 9 fabrikində 14 seriyanın istehsalının müvəqqəti olaraq dayandırdığını açıqlamışdı.

Xatırladaq ki, fevralın 13-də Fukuşima əyalətində 60 kilometr dərinlikdə 7.3 bal gücündə zəlzələ baş vermiş, nəticədə 160 nəfər yaralanmışdı. Zəlzələ nəticəsində itkin düşənlərin də olduğu, amma itkilərin qeydə alınmadığı bildirilib.

34
Teqlər:
"Nissan"
Fransalı deputat Olivye Dasso həyat yoldaşı Aleksandra və qızı Helena ilə, arxiv şəkli

Fransalı deputat pilotla birlikdə helikopter qəzasında həlak olub

7
(Yenilənib 23:30 07.03.2021)
Hadisə nəticəsində Fransa parlamentinin deputatı, 69 yaşlı milyarder Olivye Dasso və pilot həlak olublar.

BAKI, 7 mart - Sputnik. Fransanın şimalında, Normandiya ərazisində helikopter qəzası baş verib. Sputnik Azərbaycan Fransa mediasına istinadla xəbər verir ki, helikopter Tuk kommunası ərazisinə düşüb.

Hadisə nəticəsində Fransa parlamentinin deputatı, milyarder, 69 yaşlı Olivye Dasso həlak olub. Qəza zamanı Respublikaçılar Partiyasının üzvü ilə yanaşı helikopterin pilotu da həlak olub.

Fransa prezidenti Emmanuel Makron Twitter hesabında həlak olanların ailələrinə başsağlığı verib.

Olivye Dassonun atası Serj Dasso məşhur siyasətçi və biznesmen olub. 

7
F-16 qırıcısı, arxiv şəkli

ABŞ qırıcılar üçün yeni lazer toplarını sınaqdan keçirəcək

8
(Yenilənib 22:20 07.03.2021)
Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

BAKI, 7 mart — Sputnik. ABŞ-da yeni lazer topunun maketi hazırlanıb. Həmin toplarla qırıcılar təchiz ediləcəklər. Bu barədə Sputnik Azərbaycan RİA Novosti-yə istinadən xəbər verir.

Shield sisteminin sınaqdan keçirilməsinə yayda başlanılacaq. Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

Planlaşdırıldığına görə, lazertəyyarəyə yaxınlaşan "yer-hava" və "hava-hava" tipli raketləri vurmalıdır.

Ekspertləri isə hesab edirlər ki, enerji qurğusunun ölçülərinə görə lazerlərin hərbi təyyarələrə inteqrasiyasına on illər lazımdır.

8
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0