Soyuq fevralda qızğın debatlar: NATO iki ölkənin dünyanın düzənini dəyişməsini istəmir
BAKI, 19 fevral - Sputnik. Avropa və ABŞ mövcud dünya düzənini müdafiə etməlidirlər, çünki Çin ilə Rusiya "qaydaları öz xeyirlərinə təzədən yazmağa" cəhd edirlər.
Sputnik Azərbaycan-ın məlumatına görə, bunu NATO baş katibi Yens Stoltenberq Münhen təhlükəsizlik konfransının onlayn tədbirində deyib.
Onun sözlərinə görə, Çinin inkişafı tərəfdaşların kollektiv təhlükəsizliyinə, onların çiçəklənməsinə və həyat tərzinə müəyyən təsirlər edə bilər. "Ona görə də NATO ən yaxın partnyorları - Avstraliya və Yaponiya ilə əməkdaşlığı dərinləşdirməlidir", - Stoltenberq vurğulayıb.
Stoltenberq NATO müdafiə nazirləri ilə videokonfransdan sonra bildirmişdi ki, qurumun 2010-cu ildə təsdiqlənmiş strateji konsepsiyası yenilənməlidir, çünki şərait dəyişib: konsepsiya Çinin güclənməsini və Rusiya ilə münasibətlərin pisləşməsini nəzərə almamışdı.
Teqlər:
Türkiyə minaya davamlı yeni zirehli maşınını göstərdi - VİDEO
BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib.
Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur.
Otokar’s new mine resistant ambush protected vehicle COBRA II MRAP
— Otokar (@OtokarAS) March 3, 2021
COBRA II MRAP provides superior protection against ballistic, mine and IED threats while maintaining high cross-country mobility in battlefield conditions with its independent suspension system. pic.twitter.com/swyGDNDElJ
Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir.
Zirehli maşında 11 sərnişin yerləşir, tələbə görə, üç və ya beş qapılı ola bilər.
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur.
ABŞ daha rejimləri devirməyəcək, xeyri yoxdur...
BAKI, 3 mart - Sputnik. ABŞ bundan belə rejimləri devirərək demokratiyanı güclə yeritməkdən əl çəkəcək. Çünki bunun artıq heç bir nəticəsi yoxdur.
Sputnik Azərbaycan-ın məlumatına görə, bunu ABŞ dövlət katibi Entoni Blinken deyib.
Amerikalılara televiziya ilə müraciətində o qeyd edib ki, hazırkı hökumət demokratiyanı dəstəkləməkdən imtina etmir.
"Ancaq biz onu bahalı hərbi əməliyyatlar və ya avtoritar rejimləri güclə yıxmaq yolu ilə təşviq etməyəcəyik. Keçmişdə bu cür taktikanı sınadıq, niyyətimizin nə qədər xoş olmasına rəğmən, bu taktika işləmədi", - dövlət katibi deyib.
Onun sözlərinə görə, Vaşinqton bunu "başqa cür" edəcək, islahat və demokratiya cəhdlərində nümunə olmaqla.
Xatırladaq ki, Münhen konfransında ABŞ prezidenti Co Bayden "Amerikanın dünya arenasına qayıtdığını" bəyan etmişdi. Onun xarici siyasətində əsas yeri isə Avropa ilə əməkdaşlıq tutacaq.
Teqlər: