Durbinlə müşahidə aparan əsgər

ABŞ ordusunun "ən qəliz" təyyarəsini necə endirirlər - VİDEO

16
(Yenilənib 01:34 17.02.2021)
Əldə olan məlumatlara görə, U-2-ni fərqləndirən cəhətlərdən biri velosiped tipli şassiləri və qanadlarının altında əlavə dayaqların olmasıdır.

BAKI, 17 fevral - Sputnik. ABŞ Hərbi Hava Qüvvələrinin U-2 kəşfiyyat təyyarəsinin ekstremal endirilməsi anlarının videosu yayılıb.

Sputnik Azərbaycan bildirir ki, videoçarxı Instagram sosial şəbəkəsində keçmiş təyyarəçi-instruktor Ross Frankemon paylaşıb. 

The Drive nəşri yazır ki, U-2 idarəetməsinə görə dünyanın ən qəliz təyyarələrindən biridir. Bu, özünü xüsusilə təyyarə endirilərkən büruzə edir. Yəni U-2 pilotunun həm fiziki, həm psixi durumu əla vəziyyətdə olmalıdır. 

Посмотреть эту публикацию в Instagram

Публикация от Ross Franquemont (@extremeross)

Yanvar ayında ABŞ HHQ nazirinin tədarük üzrə köməkçi vəzifəsini icra edən Uill Roper bildirmişdi ki, dünyada alqoritm müharibəsi dövrü başlayıb. Mütəxəssis qeyd etmişdi ki, hazırda amerikalı hərbçilər öz təyyarələrində, xüsusilə də U-2 hava kəşfiyyatçısında ikinci pilot qismində süni intellekt sistemindən istifadə edirlər. Bu sistem isə vaxtilə şahmat oyunu üçün hazırlanıbmış.

2020-ci ilin iyununda Popular Mechanics jurnalı ABŞ HHQ-nin U-2 kəşfiyyat təyyarəsini "uçan şəbəkə marşrutizatoruna" çevirmək planından bəhs etmişdi. 

Əldə olan məlumatlara görə, U-2-ni fərqləndirən cəhətlərdən biri velosiped tipli şassiləri və qanadlarının altında əlavə dayaqların olmasıdır. Eniş zamanı təyyarə eyni zamanda həm ön, həm arxa dayaqlar üzərinə "oturur", sürət tam azalana kimi istiqamət sükanları ilə balansı saxlamağa çalışır, bundan sonra ucluğu xizəyi xatırladan qanadların konsoluna söykənir.

16
Teqlər:
video, HHQ, ABŞ, kəşfiyyat, təyyarə
Fransalı deputat Olivye Dasso həyat yoldaşı Aleksandra və qızı Helena ilə, arxiv şəkli

Fransalı deputat pilotla birlikdə helikopter qəzasında həlak olub

7
(Yenilənib 23:30 07.03.2021)
Hadisə nəticəsində Fransa parlamentinin deputatı, 69 yaşlı milyarder Olivye Dasso və pilot həlak olublar.

BAKI, 7 mart - Sputnik. Fransanın şimalında, Normandiya ərazisində helikopter qəzası baş verib. Sputnik Azərbaycan Fransa mediasına istinadla xəbər verir ki, helikopter Tuk kommunası ərazisinə düşüb.

Hadisə nəticəsində Fransa parlamentinin deputatı, milyarder, 69 yaşlı Olivye Dasso həlak olub. Qəza zamanı Respublikaçılar Partiyasının üzvü ilə yanaşı helikopterin pilotu da həlak olub.

Fransa prezidenti Emmanuel Makron Twitter hesabında həlak olanların ailələrinə başsağlığı verib.

Olivye Dassonun atası Serj Dasso məşhur siyasətçi və biznesmen olub. 

7
F-16 qırıcısı, arxiv şəkli

ABŞ qırıcılar üçün yeni lazer toplarını sınaqdan keçirəcək

8
(Yenilənib 22:20 07.03.2021)
Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

BAKI, 7 mart — Sputnik. ABŞ-da yeni lazer topunun maketi hazırlanıb. Həmin toplarla qırıcılar təchiz ediləcəklər. Bu barədə Sputnik Azərbaycan RİA Novosti-yə istinadən xəbər verir.

Shield sisteminin sınaqdan keçirilməsinə yayda başlanılacaq. Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

Planlaşdırıldığına görə, lazertəyyarəyə yaxınlaşan "yer-hava" və "hava-hava" tipli raketləri vurmalıdır.

Ekspertləri isə hesab edirlər ki, enerji qurğusunun ölçülərinə görə lazerlərin hərbi təyyarələrə inteqrasiyasına on illər lazımdır.

8
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0