Belarus Prezidenti Aleksandr Lukaşenko, arxiv şəkli

Aleksandr Lukaşenko: "Biz ələbaxan ölkə deyilik"

22
(Yenilənib 23:12 11.02.2021)
Ukrayna lideri Qərbi NATO-nu Şərqə dorğu genişlətməmək barədə vədini yaddan çıxartmaqda ittiham etdi.

BAKI, 11 fevral — Sputnik. Belarus Prezidenti Aleksandr Lukaşenko Minskdə keçirilən VI Ümumbelarus Xalq Məclisində çıxış edərək bildirib ki, Qərb NATO-nu Şərqə dorğu genişlətməmək barədə vədini yaddan çıxarıb. Bu barədə RİA Novosti xəbər yayıb.

"Biz bərabərlik, qarşılıqlı hörmət, daxili işlərimizə qarışmamaq prinsipləri əsasında bütün ölkələr və birliklərlə əlaqə qurmağa hazırıq", – deyə o vurğulayıb.

"Biz heç bir dövləti düşmən gözündə görmürük, istənilən hərbi münaqişəni qınayırıq və mübahisələrin sülh yolu ilə həllinə tərəfdarıq", – deyə Belarus lideri bildirib.

"Biz heç kimin əlinə baxmırıq, əl açıb subsidiya və kredit dilənən, əvəzində isə öz müstəqil fikrindən və sağlam düşüncədən imtina edən satellit ölkə də deyilik. Ən uzun sərhədimizin və iqtisadi, sosial, mədəni, nəhayət, siyasi baxımdan yüksək qarşılıqlı asılılığımızın olduğu Avropa İttifaqı ilə münasibət bizim üçün çox vacibdir. Bununla belə, strateji müttəfiq və əsas iqtisadi tərəfdaşımız həmişə Rusiya olub, bu belə də qalacaq. Rusiya bizə yad ölkə deyil".

Qeyd edək ki, VI Ümumbelarus Xalq Məclisi cümə axşamı Minskdəki Respublika Sarayında öz işinə başlayıb və iki gün davam edəcək. Tədbirdə 2,7 min nəfər iştirak edir ki, onların da 2,4 mini nümayəndə, 300 nəfəri isə qonaq qismində məclisə qatılıb. Xalq Məclisində Belarusun növbəti beş il üçün sosial-iqtisadi inkişaf proqramı layihəsinin əsas müddəaları müzakirə olunur.

22
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

12
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

12
ABŞ bayrağı, arxiv şəkli

ABŞ daha rejimləri devirməyəcək, xeyri yoxdur...

21
Amerikalılara televiziya ilə müraciətində Entoni Blinken qeyd edib ki, hazırkı hökumət demokratiyanı dəstəkləməkdən imtina etmir.

BAKI, 3 mart - Sputnik. ABŞ bundan belə rejimləri devirərək demokratiyanı güclə yeritməkdən əl çəkəcək. Çünki bunun artıq heç bir nəticəsi yoxdur. 

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib.

Amerikalılara televiziya ilə müraciətində o qeyd edib ki, hazırkı hökumət demokratiyanı dəstəkləməkdən imtina etmir.

"Ancaq biz onu bahalı hərbi əməliyyatlar və ya avtoritar rejimləri güclə yıxmaq yolu ilə təşviq etməyəcəyik. Keçmişdə bu cür taktikanı sınadıq, niyyətimizin nə qədər xoş olmasına rəğmən, bu taktika işləmədi", - dövlət katibi deyib.

Onun sözlərinə görə, Vaşinqton bunu "başqa cür" edəcək, islahat və demokratiya cəhdlərində nümunə olmaqla.

Xatırladaq ki, Münhen konfransında ABŞ prezidenti Co Bayden "Amerikanın dünya arenasına qayıtdığını" bəyan etmişdi. Onun xarici siyasətində əsas yeri isə Avropa ilə əməkdaşlıq tutacaq.

21
Teqlər:
demokrat, dünya, ABŞ