Donald və Melaniya Tramp, arxiv şəkli

Tramp daha bir təşkilatı tərk edir, amma görünür, qalmaqalsız ötüşməyəcək

17
"Mənim birliyə üzvlükdən çıxarılmağım barədə nizam-intizam komitəsinin dinləmə keçirməsi səbəbindən sizə yazıram. Nə fərqi var ki!" - Tramp yazıb

BAKI, 4 fevral - Sputnik. ABŞ-ın sabiq prezidenti Donald Tramp Kinoaktyorlar Gildiyasını (SAG-AFTRA) öz xahişilə tərk edir. 

Sputnik Azərbaycan bildirir ki, bu barədə Fox News telekanalı məlumat yayıb.

Kanal Trampın gildiyanın prezidenti aktrisa Qabriel Karterisə göndərdiyi məktubu əldə edib. 

"Mənim birliyə üzvlükdən çıxarılmağım barədə nizam-intizam komitəsinin dinləmə keçirməsi səbəbindən sizə yazıram. Nə fərqi var ki!" - Tramp yazıb. 

Tramp həmçinin qeyd edib ki, Karterisin "işlərilə tanış deyil", amma özünün "Evdə tək-2", "Nümunəvi erkək", "Uoll strit: pullar mürgüləmir" kimi filmlərdə və teleşoulardakı işlərindən çox razıdır. Sabiq prezidentin fikrincə, təşkilat öz üzvləri üçün çox az iş görüb, Tramp üçünsə heç nə etməyib, ancaq "tıəhlükəli anti-Amerika siyasəti və ideyalarını təşviqatı üçün üzvlük haqqı toplayıb". 

Bir qədər öncə ABŞ Kinoaktyorlar Gildiyası Trampın təşkilatın Konstitusiyasını pozması barədə intizam dinləməsi keçirməsi barədə qərar verib. Bunu Gildiya üzvlərinin əksəriyyəti dəstəkləyib. Gildiya bu qərarında məlum Kapitoliyə hücumu da nəzərə alıb. 

Xatırladaq ki, Tramp 1989-cu ildən Kinoktyorlar Gildiyasının üzvü idi.

17
Teqlər:
Donald Tramp
Tisian Veçellionun əsəri, arxiv şəkli

Tisianın itmiş hesab olunan əsərlərindən biri təsadüf nəticəsində tapılıb

0
Bərpaçı ehtimal edir ki, Tisianın üzünü kətana oğlu və tələbəsi Horasio Veçellio əlavə edib. Kətanı ultrabənövşəyi şüalarla işıqlandıran Mur sənətkarın imzasını da görüb: TITIANVS.

BAKI, 3 mart — Sputnik. İtalyan rəssam, XVI əsr Venesiya rəssamlıq məktəbinin ən görkəmli nümayəndələrindən biri Tisian Veçellionun itmiş hesab olunan əsərlərindən biri tapılıb. Rəsmi britaniyalı restavrator və sənətşünas Ronald Mur İngiltərədə əyalət kilsələrinin birində aşkarlayıb.

Sputnik Azərbaycan xarici mediaya istinadən xəbər verir ki, intibah dövrünə aid rəsm Ledburi şəhərində "Müqəddəs Mixail və bütün mələkləri" məbədində təsadüfən diqqətini çəkib. Əsər yüz ildən artıq idi ki, orada heç kim tərəfindən tanınmadan asılı halda qalıbmış.

Ronald Mur Leonardo da Vinçinin "Son Şam yeməyi" freskasının 19-cu əsrə aid nüsxəsini bərpa etmək üçün oraya gedibmiş. O, kilsənin gözdən uzaq küncündə üzəri eyni mövzuda işlənmiş kətan tapıb. Əsərə baxdıqda onun çox-çox əvvəl çəkildiyi aydın olub.

Rəsmdən bir neçə qat solğun lak silindikdən sonra Mur Tisianın "imzasını" - həvarilərdən birinin obrazında sənətkarın öz portretini tapıb. Bərpaçı ehtimal edir ki, Tisianın üzünü kətana oğlu və tələbəsi Horasio Veçellio əlavə edib. Kətanı ultrabənövşəyi şüalarla işıqlandıran Mur sənətkarın imzasını da görüb: TITIANVS.

 

0
Palmali Holdingin rəhbəri Mübariz Mənsimov

Mübariz Mənsimov azadlığa buraxılır? - Haqqında yeni tələb var

11
(Yenilənib 21:08 03.03.2021)
Bu il yanvarın 13-də Mübariz Mənsimovun növbəti məhkəmə iclası keçirilmiş və bu il martın 5-dək təxirə salınmışdı

BAKI, 3 mart — Sputnik. Azərbaycanlı iş adamı, Türkiyədə FETÖ ilə əlaqədə ittiham edilərək həbs olunan və İstanbul 27-ci Ağır Cəza Məhkəməsində haqqında cinayət işi açılan Mübariz Mənsimov azadlığa çıxa (ev dustaqlığına buraxıla) bilər.

Sputnik Azərbaycan Habertürk-ə istinadən bildirir ki, İstanbul Baş Prokurorluğu Mübariz Mənsimovun təxliyəsini istəyib. Baş Prokurorluğun tələbnaməsində qeyd olunur: "Məhkəmə prosesinin gəldiyi mərhələ: müttəhimə cinayətə görə nəzərdə tutulan/veriləcək cəzanın miqdarı, şübhəlinin həbsdə saxlanılma müddəti, həbs qətimkan tədbiri, tədbirdən gözlənilən fayda məhkəmə nəzarəti ilə əldə edilə bilər və evini tərk etməmək şərtilə məhkəmə nəzarətinin həyata keçirilməsinə qərar verilməsi tələb olunur".

Qeyd edək ki, bu il yanvarın 13-də Mübariz Mənsimovun növbəti məhkəmə iclası keçirilmiş və bu il martın 5-dək təxirə salınmışdı. 

İstanbul Baş Prokurorluğunun qərarı ilə "Palmali" Şirkətlər Qrupunun rəhbəri Mübariz Mənsimov ötən ilin mart ayında həbs edilib və onun yaşadığı evlərdə axtarış aparılıb. Türkiyə mətbuatının xəbərinə görə, onu Fətullah Gülənlə bağlı aparılan istintaq çərçivəsində saxlayıblar.

11
Teqlər:
Baş Prokurorluq, İstanbul, məhkəmə, azərbaycanlı iş adamı Mübariz Mənsimov