Co Bayden, arxiv şəkli

Baydenin köməkçiləri artıq tükəndiklərini etiraf etdilər

17
(Yenilənib 14:27 04.02.2021)
Baydenin köməkçiləri bəyan edirlər: indi əsas fərq ondan ibarətdir ki, onlar Rusiyaya qarşı təzyiqi müttəfiqlərlə koordinasiya etmək üçün daha səylə çalışacaqlar. Söhbət eks-prezident Donald Trampın son dörd il ərzində məhəl qoymadığı müttəfiqlərdən gedir.

BAKI, 4 fevral — Sputnik. ABŞ Prezidenti Co Baydenin köməkçiləri belə hesab edirlər ki, bu ölkənin Rusiyaya qarşı sanksiyalar tətbiq etmək baxımından imkanları "xeyli tükənib" və lazım gələrsə, ölkə rəhbərliyi "təzyiq göstərmək" üçün müttəfiqlərlə işləyə bilər. Bu barədə "New York Times" xəbər yayıb.

Qəzet yazır ki, Baydenin yüksək çinli köməkçiləri Kremlə münasibətdə sanksiyalar baxımından olduqca tükəndiklərini etiraf ediblər.

"Baydenin köməkçiləri bəyan edirlər: indi əsas fərq ondan ibarətdir ki, onlar təzyiqi (Rusiyaya qarşı-red.) müttəfiqlərlə koordinasiya etmək üçün daha səylə çalışacaqlar. Söhbət eks-prezident Donald Trampın son dörd il ərzində məhəl qoymadığı müttəfiqlərdən gedir", – deyə qəzet məqaləsində vurğulanır.

Qeyd olunur ki, Bayden sanksiyaların əvəzinə, xüsusən də, Rusiya məsələsində bəzi başqa yeni imkanları nəzərdən keçirə bilər.

Xatırladaq ki, bundan əvvəl bir qrup ABŞ senatorunun Aleksey Navalnı işi ilə bağlı Rusiya Federasiyasına qarşı sanksiyaların tətbiq edilməsi barədə qanun layihəsini Konqresə təqdim etdiyi bildirilmişdi. Layihə ABŞ rəhbərliyi tərəfindən Rusiyanın bioloji silah istifadəsinə dair beynəlxalq normaları pozub-pozmadığının müəyyənləşdirilməsini nəzərdə tutur. Eləcə də, siyasətçi Boris Nemtsovun öldürülməsi ilə bağlı qərarın qəbul edilməsi də təklif olunur. Administrasiya bəzi məmurların beynəlxalq hüquq normalarını pozduğuna qərar verərsə, qanun layihəsi onlara qarşı sanksiyaların tətbiqini nəzərdə tutur.

Qeyd edək ki, Rusiya Xarici İşlər Nazirliyi Navalnı ilə bağlı vəziyyəti şərh edərək xarici siyasətçilərə beynəlxalq hüquqa hörmət etmələrini və öz ölkələrinin problemləri ilə məşğul olmalarını tövsiyə edib. Xarici işlər naziri Sergey Lavrov bildirib ki, Qərb siyasətçilərinin bu mövzudakı açıqlamaları eynilə bir-birinə bənzəyir. Rusiya Prezidentinin mətbuat katibi Dmitri Peskov isə qeyd edib ki, Kreml Navalnı ilə bağlı xaricdə səsləndirilən bəyanatları dinləmək niyyətində deyil.

Rusiya Xarici İşlər Nazirliyinin sözçüsü Mariya Zaxarova isə Qərb diplomatlarının və xarici işlər nazirlərinin Navalnının məhkəməsi ilə əlaqədar davranışlarını "səhnələşdirilmiş siyasi tədbirlər zənciri" adlandırıb.

17
Lady Qaqa

Ledi Qaqa büsbütün dəyişdi

9
(Yenilənib 22:51 26.02.2021)
35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

BAKI, 26 fevral — Sputnik. Albomları və "A Star Is Born" filmindəki aktrisalıq qabiliyyəti ilə müzakirələrə səbəb olan Ledi Qaqa xarici görünüşündə dəyişiklik edib.

Sputnik Azərbaycan xarici mətbuata istinadən bildirir ki, 35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

Hazırda film çəkillişlərində iştirak edən Ledi geyim tərzini və saç rəngini dəyişib. O, bunu rol aldığı ekran işi üçün edib.

Qeyd edək ki, Qaqa "Gucci" adlı ekran əsərində çəkilir.

9
Oskar mükafatı

Srebrenitsa soyqırımından bəhs edən film "Oscar"a namizəddir - VİDEO

6
"Hara gedirsən, Aida?" filmi nüfuzlu "Venesiya" və "Toronto" film Festivalı da daxil olmaqla, bir çox film festivallarında mükafat qazanıb

BAKI, 26 fevral — Sputnik. Bosniyalı rejissor Jasmila Jbanicin Türkiyənin TRT yayımçısı və TRT ilə əməkdaşlığı ilə lentə alınan, Srebrenitsa soyqırımından bəhs edən "Hara gedirsən, Aida?" ("Quo Vadis, Aida?") adlı filmi "Ən yaxşı xarici film" nominasiyasında "Oscar" mükafatına namizəd olub.

Sputnik Azərbaycan "TRT Russian"-a istinadən xəbər verir ki, filmdəki hadisələr Srebrenitsa şəhərindəki BMT bazasında, qadınlar və uşaqlar da daxil olmaqla minlərlə Bosniyalının Serbiya ordusu tərəfindən öldürüldüyü yerlərdə lentə alınıb. Sarayevoda anadan olan Jbanic, Bosniya müharibəsinin izlərini, o günlərin şahidlərinin dilindən təsvir edib. "Hara gedirsən, Aida?" filmi nüfuzlu "Venesiya" və "Toronto" film Festivalı da daxil olmaqla, bir çox film festivallarında mükafat qazanıb.

Qeyd edək ki, Srebrenitsa soyqırımı 1995-ci ilin iyulunda, keçmiş Yuqoslaviyada baş verib. Bu soyqırımı zamanı Serb ordusu ən azı 8300 bosniyalı müsəlmanı Srebrenitsa şəhərində qətlə yetirib.

6
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0