Co Bayden

Co Bayden: "Ailəmin heç bir üzvü hökumətin qərarlarına qarışa bilməz"

14
(Yenilənib 00:22 04.02.2021)
ABŞ prezidenti Co Bayden (Joe Biden) administrasiyasının etik normalara tam riayət edəcəyini, heç bir ailə üzvünün hökumətin və ya xarici siyasət idarəsinin qərarlarına qarışmayacağını söyləyib.

BAKI, 4 fevral - Sputnik. Ağ Evdə “People” jurnalına verdiyi müsahibədə ABŞ Prezidenti Co Bayden oğlu Hanter Baydenin Ukrayna və Çində reallaşdırdığı yatırımlar haqqında suallara cavab verib.

O, qeyd edib ki, "Obama-Bayden hakimiyyəti necə olubsa, Bayden-Harris hakimiyyəti də elə olacaq". Administrasiya etik normalara tam riayət edəcək. Ailəsindən heç kəs hər hansı bir dövlət işinə və yaxud xarici siyasətə müdaxilə etməyəcək.

Baydenə potensial vergi fırıldaqlarına görə istintaq altında olan oğlu və nümayəndəsi olduğu Floridadakı bir hüquq firmasının reklamında Baydenin adından istifadə etməkdə günahlandırılan qardaşı Frank haqqında da suallar verilib.

Amerikanın “Politico” nəşrinin xəbərinə görə, reklam məsələsində qardaşına xəbərdarlıq edən Bayden “Tanrı xatirinə, nə olar, hərəkətlərinə fikir ver" deyib.

Bayden oğlu və qardaşı barədə iddialar mediada yayılandan sonra ailə üzvlərinin siyasətə və hökumətin qərarlarına təsir etməyəcəklərini xüsusilə vurğulayıb.

Hanter Baydenin xarici əlaqələri artıq uzun müddətdir müzakirə mövzusudur.

Hanterin xarici əlaqələri, xüsusilə də Ukrayna ilə olan münasibətləri hələ ötən ilin sentyabr ayında yayımlanan bir televiziya proqramında ABŞ-ın o vaxtkı prezidenti Donald Trampla Co Bayden arasında müzakirə mövzusu olmuşdu.

14
Teqlər:
"People" jurnalı, Florida, ABŞ, Co Bayden
Berlin kinofestivalının mükafatları, arxiv şəkli

Erməni yalanları Berlin film festivalında ayaq tutacaqmı? - Azərbaycan əks-tədbirlər görür

3
Azərbaycan haqqında yalan informasiya olan hissə çıxarılıb, filmin "Arsax Respublikası" kimi qeyd olunan hissəsi dəyişdirlərək, Ermənistan ilə əvəz olunub.

Şahpəri Abbasova, Sputnik Azərbaycan

BAKI, 3 mart — Sputnik. Erməni yalanlarını təbliğ edən "Arsax Qara bağ" filmi 2021 Berlin Film Festivalında nümayiş olunacaq. Bununla bağlı Mədəniyyət Nazirliyinin Kinematoqrafiya şöbəsindən Sputnik Azərbaycan-a bildirilib ki, Mədəniyyət Nazirliyinin bu barədə məlumatı var və bununla bağlı müəyyən addımlar atılıb: "Həmin film 71-ci Berlin film festivalında festival proqramlarının birində nümayiş etdirilməsi nəzərdə tutulub. Həmin film haqqında festivalın saytında məlumat gedən kimi Mədəniyyət nazirliyi bunun qarşısını almaq məqsədi ilə tədbirlər görməyə başladı. Mədəniyyət naziri Anar Kərimov Almaniyanın Mədəniyyət və Media üzrə müvəkkilinə etiraz məktubunu göndərdi. Bundan əlavə, Berlin film festivalının direktoruna da etiraz məktubu göndərilib. Bununla yanaşı, Almaniya Federativ respublikasının ölkəmizdəki səfiri ilə nazirlikdə görüş keçirildi. Görüş zamanı cənab nazir Anar Kərimov səfirə bu məsələ ilə bağlı öz etirazını bildirdi".

Kinematoqrafiya şöbəsindən verilən xəbərə görə, filmin məlumat hissəsində böhtan və qərəz xarakterli məlumatlar yer almışdı: "Hətta filmin istehsal edildiyi ölkə kimi qondarma "Arsax Respublikası" kimi qeyd olunmuşdu. Hazırda Azərbaycan haqqında yalan informasiya olan hissə çıxarılıb, filmin "Arsax Respublikası" kimi qeyd olunan hissəsi dəyişdirlərək, Ermənistan ilə əvəz olunub. Amma film hələlik qalıb. Nazirlik öz işini davam etdirəcək. Biz nəticəni gözləyirik. Festivaldan çıxarılma məsələsi belədir ki, filmin proqramdan çıxarılması mələsi qəliz məsələdir. Bilirsiniz ki, festivallar Avropada müstəqil qurumlardır. Hər halda biz öz etirazımızı bildirmişik".

3
Nikol Paşinyan, arxiv şəkli

Paşinyan Qasparyanın həbs olunmasını əmr etdi

7
(Yenilənib 15:58 03.03.2021)
Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib.

 

BAKI, 3 mart — Sputnik. Ermənistan Baş naziri Nikol Paşinyan Silahlı Qüvvələrin Baş Qərargah rəisi Onik Qasparyanın həbs edilməsi barədə qərar qəbul edib. Sputnik Azərbaycan xəbər verir ki, bu barədə "Armlur" nəşri öz mənbələrinə istinadən xəbər verir.

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, Baş nazir Nikol Paşinyana göndərib.

7