Məşhur reper həbs edildi: Qətldə günahlandırılır
(Yenilənib 23:31 03.02.2021)
O, 2014-cü ildə "Watch Me (Whip / Nae Nae)" adlı ilk sinqlının çıxmasından sonra məşhurlaşmışdı. Mahnının videosu YouTube-da 1,7 milyarddan çox baxış toplayıb.BAKI, 4 fevral — Sputnik. Amerikalı rep ifaçısı Silento (əsl adı Riki El Houk) Corciya ştatında saxlanılıb. O, yaxın qohumu Frederik Ruksun qətlində şübhəli bilinir.
Sputnik Azərbaycan xəbər verir ki, bu barədə Corciyanın Dekalb rayon polis mərkəzindən bildirilib.
Məlumata görə, 34 yaşlı Ruks yanvarın 21-də Corciyanın Pantersvil şəhərində qan içində tapılıb. O, üzünə və ayağına açılan atəş nəticəsində yerindəcə ölüb.
Today, Ricky Hawk, 23, was arrested for the murder of his cousin Frederick Rooks, 34. On January 21, the DeKalb County Police Department investigated Rooks' death after he was found shot on Deep Shoals Circle. Hawk is in the DeKalb County Jail charged with Murder. #WeAreDKPD pic.twitter.com/AfaA8CtXgx
— DeKalb County Police Department (@DeKalbCountyPD) February 1, 2021
Hadisə şahidləri polis çağırıblar, müşahidə kameraları bir neçə maşının cinayət yerindən uzaqlaşmasını qeydə alıb.
Polisin 23 yaşlı reperin izinə necə düşdüyü barədə məlumat verilməyib.
Qeyd edək ki, Silento 2014-cü ildə "Watch Me (Whip / Nae Nae)" adlı ilk sinqlının çıxmasından sonra məşhurlaşmışdı. Mahnının videosu "YouTube"da 1,7 milyarddan çox baxış toplayıb.
Türkiyə minaya davamlı yeni zirehli maşınını göstərdi - VİDEO
BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib.
Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur.
Otokar’s new mine resistant ambush protected vehicle COBRA II MRAP
— Otokar (@OtokarAS) March 3, 2021
COBRA II MRAP provides superior protection against ballistic, mine and IED threats while maintaining high cross-country mobility in battlefield conditions with its independent suspension system. pic.twitter.com/swyGDNDElJ
Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir.
Zirehli maşında 11 sərnişin yerləşir, tələbə görə, üç və ya beş qapılı ola bilər.
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur.
ABŞ daha rejimləri devirməyəcək, xeyri yoxdur...
BAKI, 3 mart - Sputnik. ABŞ bundan belə rejimləri devirərək demokratiyanı güclə yeritməkdən əl çəkəcək. Çünki bunun artıq heç bir nəticəsi yoxdur.
Sputnik Azərbaycan-ın məlumatına görə, bunu ABŞ dövlət katibi Entoni Blinken deyib.
Amerikalılara televiziya ilə müraciətində o qeyd edib ki, hazırkı hökumət demokratiyanı dəstəkləməkdən imtina etmir.
"Ancaq biz onu bahalı hərbi əməliyyatlar və ya avtoritar rejimləri güclə yıxmaq yolu ilə təşviq etməyəcəyik. Keçmişdə bu cür taktikanı sınadıq, niyyətimizin nə qədər xoş olmasına rəğmən, bu taktika işləmədi", - dövlət katibi deyib.
Onun sözlərinə görə, Vaşinqton bunu "başqa cür" edəcək, islahat və demokratiya cəhdlərində nümunə olmaqla.
Xatırladaq ki, Münhen konfransında ABŞ prezidenti Co Bayden "Amerikanın dünya arenasına qayıtdığını" bəyan etmişdi. Onun xarici siyasətində əsas yeri isə Avropa ilə əməkdaşlıq tutacaq.
Teqlər: