Hava limanında yüklərin yoxlanışı, arxiv şəkli

Kıralın dalağı karqoda itdi

18
(Yenilənib 00:17 02.02.2021)
Vəkil Musap Nayman bildirib ki, dalağın yolda itməsi ilə yanaşı, adi karqo ilə göndərilməsi də cinayət məsuliyyəti üçün əsas verir.

BAKI, 2 fevral — Sputnik. Türkiyənin Yalova şəhərindəki özəl xəstəxanalardan birində dalaq böyüməsi diaqnozu qoyulan Ahmet Kıral adlı şəxsin dalağı əməliyyat edilərək götürülüb. Əməliyyat zamanı dalaq bütünlüklə çıxarılaraq patoloji tədqiqat üçün karqo ilə İstanbula göndərilib. Sputnik Azərbaycan Türkiyənin NTV kanalına istinadla xəbər verir ki, vətəndaşın dalağı karqoda itib. A.Kıral dalağının İstanbula xüsusi deyil, standart karqo ilə göndərildiyinə görə xəstəxanadan Yalova Şəhər Prokurorluğuna şikayət edib.

O bildirib ki, əməliyyatdan iki gün sonra xəstəxanadan evə buraxılıb. Ona patoloji müayinənin nəticəsinin iki həftədən sonra bildiriləcəyi deyilsə də, müddət tamam olandan sonra xəstəxanadan heç bir xəbər çıxmayıb. Bu vəziyyətdən şübhələnən pasiyentin oğlu Ünal Kıral bir neçə dəfə xəstəxanaya gedərək məlumat almağa çalışıb və nəhayət, atasının dalağının karqoda itdiyini öyrənib. Məlum olub ki, pasiyentin orqanı Səhiyyə Nazirliyinin razılıq əldə etdiyi xüsusi karqo şirkətlərindən biri ilə göndərilməli olduğu halda, standart karqo ilə göndərilib.

A.Kıralın vəkili Musap Nayman isə bildirib ki, dalağın yolda itməsi ilə yanaşı, adi karqo ilə göndərilməsi də cinayət məsuliyyəti üçün əsas verir: "Xəstəxana rəhbərliyi səhiyyə orqanı kimi öz nizamnaməsinə əməl etməyib. Nizamnaməyə əsasən, patoloji tədqiqat üçün göndərilən orqanlar yolda xarab olmaması üçün üçqat şəkildə paketlənərək xüsusi avadanlığın içinə yerləşdirilməlidir. Digər tərəfdən, 2238 saylı qanuna əsasən, orqan nəqli və daşınması Səhiyyə Nazirliyinin qarşılıqlı razılıq əldə etdiyi xüsusi karqo şirkətləri vasitəsilə göndərilməlidir", – deyə vəkil bildirib.

 

18
Teqlər:
Türkiyә, karqo, dalaq
Fransalı deputat Olivye Dasso həyat yoldaşı Aleksandra və qızı Helena ilə, arxiv şəkli

Fransalı deputat pilotla birlikdə helikopter qəzasında həlak olub

6
(Yenilənib 23:30 07.03.2021)
Hadisə nəticəsində Fransa parlamentinin deputatı, 69 yaşlı milyarder Olivye Dasso və pilot həlak olublar.

BAKI, 7 mart - Sputnik. Fransanın şimalında, Normandiya ərazisində helikopter qəzası baş verib. Sputnik Azərbaycan Fransa mediasına istinadla xəbər verir ki, helikopter Tuk kommunası ərazisinə düşüb.

Hadisə nəticəsində Fransa parlamentinin deputatı, milyarder, 69 yaşlı Olivye Dasso həlak olub. Qəza zamanı Respublikaçılar Partiyasının üzvü ilə yanaşı helikopterin pilotu da həlak olub.

Fransa prezidenti Emmanuel Makron Twitter hesabında həlak olanların ailələrinə başsağlığı verib.

Olivye Dassonun atası Serj Dasso məşhur siyasətçi və biznesmen olub. 

6
F-16 qırıcısı, arxiv şəkli

ABŞ qırıcılar üçün yeni lazer toplarını sınaqdan keçirəcək

8
(Yenilənib 22:20 07.03.2021)
Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

BAKI, 7 mart — Sputnik. ABŞ-da yeni lazer topunun maketi hazırlanıb. Həmin toplarla qırıcılar təchiz ediləcəklər. Bu barədə Sputnik Azərbaycan RİA Novosti-yə istinadən xəbər verir.

Shield sisteminin sınaqdan keçirilməsinə yayda başlanılacaq. Yayda topun enerji qurğusu və şüanın idarə edilməsi sistemi hazır olacaq. 2024-cü ildə bütün kompleksin tam yerüstü sınaqları başlayacaq.

Planlaşdırıldığına görə, lazertəyyarəyə yaxınlaşan "yer-hava" və "hava-hava" tipli raketləri vurmalıdır.

Ekspertləri isə hesab edirlər ki, enerji qurğusunun ölçülərinə görə lazerlərin hərbi təyyarələrə inteqrasiyasına on illər lazımdır.

8
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0