İran Xarici işlər naziri Məhəmməd Cavad Zərif, arxiv şəkli

İranın zərif planı Cənub qonşumuz niyə fəallaşıb?

1145
(Yenilənib 21:52 01.02.2021)
İran həm də Qərbin regionda aktivliyinin qarşısını almaq üçün fəallaşmaq siyasətini yeridir. Bunun üçün də regionun digər aparıcı ölkələri olan Rusiya və Türkiyə ilə də anlaşmağa çalışır

Elvin Səlimov, Sputnik Azərbaycan

BAKI, 1 fevral — Sputnik. Ötən həftə İranın xarici işlər naziri Məhəmməd Cavad Zərif və rəhbərlik etdiyi nümayəndə heyəti Azərbaycana səfər edib. Səfər zamanı ikitərəfli münasibətlər və regional əməkdaşlıq məsələləri diqqət mərkəzində olub. 

İran xarici işlər nazirinin regionun digər ölkələrinə səfərləri, keçirdiyi görüşlər və müzakirə edilən məsələlər bu ölkənin regionda gedən proseslərdə aktiv rol oynamağa çalışdığını göstərir. Onu da qeyd edək ki, Türkiyə xarici işlər naziri Mövlud Çavuşoğlu yanvarın 29-da İstanbulda iranlı həmkarı Məhəmməd Cavad Zəriflə birgə keçirdiyi mətbuat konfransında digər liderlərin Azərbaycan Prezidenti İlham Əliyevin təklifini dəstəkləməsi ilə Cənubi Qafqazda 3+3 formatında əməkdaşlıq planlaşdırdıqlarını bildirib.

Bəs İranın regionda artan fəallığının arxasında nə dayanır və bu fəallıq nə vəd edir?

Mövzu ilə bağlı Sputnik Azərbaycan-a danışan Orta Doğu Araşdırmalar Mərkəzinin rəhbəri Sədrəddin Soltan deyib ki, 44 günlük Vətən müharibəsində İranın tutduğu mövqe bu ölkəni Azərbaycanda gözdən saldı:

“Aydın oldu ki, İran hakimiyyəti təmsil etdiyi siyasi ideoloji xəttə deyil, iranmərkəzli fars düşüncə sisteminə xidmət edir. Bu ideoloji xətt isə hər vəchlə Azərbaycanın zəif düşməsinə çalışır. Odur ki, İran hakimiyyəti buraxdığı səhvləri görərək noyabrın 20-dən sonra bölgədə fəallıq göstərməyə başlayıb”.

Onu da nəzərinizə çatdıraq ki, bəzi KİV-lərdə İkinci Qarabağ savaşında İran İslam Respublikasının Norduz sərhəd keçid məntəqəsindən Ermənistana silah və hərbi texnikanın daşınması haqqında xəbərlər yayılmışdı. İranın Azərbaycandakı səfirliyi açıqlama yayaraq bu xəbərlərin yalan və əsassız olduğunu bildirmişdi.

Politoloqun sözlərinə görə, İran hakimiyyətinin Azərbaycanla münasibətlərin tənzimlənməsində fəallığı daha aşkar görünür: “İran Qarabağ ərazisində quruculuq işlərində, mədəni-tarixi abidələrin bərpa prosesində fəal iştirak etmək istəyir. Hələ ki İranın layihələri ilə bağlı Azərbaycan tərəfindən nəzərəçarpan addımlar atılmayıb, amma gələcəkdə İranın 3+3 formatında iştirakı mümkündür”.

“İran Yaxın Şərqdə olduğu kimi, Cənubi Qafqazda da fəallıq göstərmək istəyir. Bu ölkə müsəlman amilindən istifadə edərək bölgədə nüfuzunu artırmağa çalışır. İran həm də Qərbin regionda aktivliyinin qarşısını almaq üçün fəallaşmaq siyasətini yeridir. Bunun üçün də regionun digər aparıcı ölkələri olan Rusiya və Türkiyə ilə də anlaşmağa çalışır”, - deyə politoloq bildirib.

Yaxın Şərq üzrə ekspert Vüqar Zifəroğlu isə bildirir ki, İran Qarabağdakı müharibədən sonra bölgədəki mövcud vəziyyəti aydınlaşdırıb, özü üçün sərfəli şərtlərin yaranmasına çalışır:

“Vətən müharibəsi Cənubi Qafqazda yeni reallıqları ortaya qoydu. Bu reallıqlar bölgə ölkələri üçün iqtisadi perspektivlər vəd edir. Bu baxımdan İran regionda sürətlə cərəyan edən proseslərdən kənarda qalmaq istəmir və müəyyən qədər öz iştirakına da nail olmağa çalışır.

İran çalışır ki, Azərbaycan Prezidenti İlham Əliyev tərəfindən irəli sürülən altılı əməkdaşlıq formatı işlək mexanizmə çevrilsin və yeni reallıqlardan dividend əldə etmək mümkün olsun”. 

1145
Teqlər:
Cənubi Qafqaz, Məhəmməd Cavad Zərif, Qarabağ, Azərbaycan, İran
Lady Qaqa

Ledi Qaqa büsbütün dəyişdi

7
(Yenilənib 22:51 26.02.2021)
35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

BAKI, 26 fevral — Sputnik. Albomları və "A Star Is Born" filmindəki aktrisalıq qabiliyyəti ilə müzakirələrə səbəb olan Ledi Qaqa xarici görünüşündə dəyişiklik edib.

Sputnik Azərbaycan xarici mətbuata istinadən bildirir ki, 35 yaşlı Qaqa Roma şəhərində yeni stildə görüntülənib. Tanınmamaq üçün maska və qara gün eynəyindən istifadə edən ifaçının bu cəhdi boşa çıxıb.

Hazırda film çəkillişlərində iştirak edən Ledi geyim tərzini və saç rəngini dəyişib. O, bunu rol aldığı ekran işi üçün edib.

Qeyd edək ki, Qaqa "Gucci" adlı ekran əsərində çəkilir.

7
Oskar mükafatı

Srebrenitsa soyqırımından bəhs edən film "Oscar"a namizəddir - VİDEO

6
"Hara gedirsən, Aida?" filmi nüfuzlu "Venesiya" və "Toronto" film Festivalı da daxil olmaqla, bir çox film festivallarında mükafat qazanıb

BAKI, 26 fevral — Sputnik. Bosniyalı rejissor Jasmila Jbanicin Türkiyənin TRT yayımçısı və TRT ilə əməkdaşlığı ilə lentə alınan, Srebrenitsa soyqırımından bəhs edən "Hara gedirsən, Aida?" ("Quo Vadis, Aida?") adlı filmi "Ən yaxşı xarici film" nominasiyasında "Oscar" mükafatına namizəd olub.

Sputnik Azərbaycan "TRT Russian"-a istinadən xəbər verir ki, filmdəki hadisələr Srebrenitsa şəhərindəki BMT bazasında, qadınlar və uşaqlar da daxil olmaqla minlərlə Bosniyalının Serbiya ordusu tərəfindən öldürüldüyü yerlərdə lentə alınıb. Sarayevoda anadan olan Jbanic, Bosniya müharibəsinin izlərini, o günlərin şahidlərinin dilindən təsvir edib. "Hara gedirsən, Aida?" filmi nüfuzlu "Venesiya" və "Toronto" film Festivalı da daxil olmaqla, bir çox film festivallarında mükafat qazanıb.

Qeyd edək ki, Srebrenitsa soyqırımı 1995-ci ilin iyulunda, keçmiş Yuqoslaviyada baş verib. Bu soyqırımı zamanı Serb ordusu ən azı 8300 bosniyalı müsəlmanı Srebrenitsa şəhərində qətlə yetirib.

6
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0