Dubay şəhəri, arxiv şəkli

Dubay koronavirus vaksininə görə alyans yaradır

10
"Əminəm ki, bizim imkanlarımız hesabına böyük həcmdə vaksin partiyalarını almağa, saxlamağa və 48 saat ərzində dünyanın istənilən nöqtəsinə çatdırmağa nail olacağıq" - alyansa üzv şirkətin rəsmisi

BAKI, 31 yanvar - Sputnik. Dumay Əmirliyi COVAX proqramı çərçivəsində inkişaf etməkdə olan ölkələrə iki milyard doza koronavirus əleyhinə vaksinin çatdırılması üçün logistika alyansı yaradır. 

Sputnik Azərbaycan bildirir ki, bu barədə hökumətin yaydığı press-relizdə deyilir. 

"Ölkənin baş naziri, vitse-prezidenti, Dubay hakimi Muhəmməd ben Rəşid Əl-Məktumun göstərişi ilə ÜST-ün 2021-ci ildə COVAX proqramı üzrə COVID-19 əleyhinə vaksinin ədalətli paylanmasına yönəlmiş cəhdlərini dəstəkləmək məqsədilə Dubay əmirliyi yeni dünyəvi təşəbbüsə başlayır. Vaksinin daşınması, saxlanması və dünya üzrə operativ paylanması üçün Emirates aviaşirkəti, Dubai Ports World liman operatoru, Dubay hava limanları və Dubayın beynəlxalq humanitar şəhərciyi bu təşəbbüsə qoşulacaq", - məlumatda deyilir.

Bildirilir ki, xüsusi diqqət əhalisi pandemiyadan daha çox əziyyət çəkən və tibbi preparatların daşınması və paylanmasında çətinlikləri olan inkişaf etməkdə olan ölkələrə ayrılacaq. 

Emirates hava yollarının icraçı direktoru Əhməd ben Səid Əl-Məktumun sözlərinə görə, alyansın hər bir iştirakçısı müəyyən logistika imkanlarına malikdir ki, bu da Dubayın inkişaf etmiş infrastrukturu ilə birlikdə vaksinin paylanması probleminin kompleks həllinə bir hab kimi şərait yaradacaq. 

"Əminəm ki, bizim imkanlarımız hesabına böyük həcmdə vaksin partiyalarını almağa, saxlamağa və 48 saat ərzində dünyanın istənilən nöqtəsinə çatdırmağa nail olacağıq". 

10
Teqlər:
Alyans, vaksin, Koronavirus, epidemiya, COVID-19, Dubay
Mövzu:
Yeni tip koronavirus pandemiyası (630)
Azərbaycan Respublikasının Baş Naziri Əli Əsədov, arxiv şəkli

Əli Əsədov Fuad Oktaya başsağlığı verdi

3
Telefon danışığı əsnasında fevralın 19-da Ankarada keçirilmiş Azərbaycan-Türkiyə Hökumətlərarası Əməkdaşlıq Komissiyasının 9-cu iclasının yekunlarına dair imzalanmış Protokolun və Fəaliyyət Planlarının icrası ilə bağlı məsələlər müzakirə olunub.

BAKI, 5 mart — Sputnik. Martın 5-də Azərbaycan Respublikasının Baş naziri Əli Əsədov ilə Türkiyə Respublikasının Vitse-prezidenti Fuat Oktay arasında telefon danışığı olub.

Nazirlər Kabinetindən (NK) Sputnik Azərbaycan-a verilən məlumata görə, Baş nazir Əli Əsədov Fuat Oktaya Türkiyə Silahlı Qüvvələrinə məxsus helikopterin qəzaya uğraması nəticəsində türk əsgərlərinin şəhid olması ilə əlaqədar başsağlığı verib.

Telefon danışığı əsnasında fevralın 19-da Ankarada keçirilmiş Azərbaycan-Türkiyə Hökumətlərarası Əməkdaşlıq Komissiyasının 9-cu iclasının yekunlarına dair imzalanmış Protokolun və Fəaliyyət Planlarının icrası ilə bağlı məsələlər müzakirə olunub.

Həmçinin Azərbaycanla Türkiyə arasında müxtəlif sahələrdə əlaqələrin inkişaf perspektivləri barədə fikir mübadiləsi aparılıb.

3
Teqlər:
Türkiyə Respublikasının Vitse-prezidenti Fuat Oktay, Əli Əsədov, Baş nazir, Türkiyə, Azərbaycan
Palmali Holdingin rəhbəri Mübariz Mənsimov, arxiv şəkli

Mübariz Mənsimov barədə məhkəmə qərar verdi

59
(Yenilənib 14:58 05.03.2021)
İstanbul Baş Prokurorluğunun qərarı ilə "Palmali" Şirkətlər Qrupunun rəhbəri Mübariz Mənsimov ötən ilin mart ayında həbs edilmiş və onun yaşadığı evlərdə axtarış aparılmışdı

BAKI, 05 mart - Sputnik. Azərbaycanlı iş adamı, Türkiyədə FETÖ ilə əlaqədə ittiham edilərək həbs olunan və İstanbul 27-ci Ağır Cəza Məhkəməsində haqqında cinayət işi açılan Mübariz Mənsimov ev dustaqlığına buraxılıb.

Sputnik Azərbaycan bildirir ki, bu barədə "Palmali" şirkətlər qrupunun rəsmisi Fidan Quliyeva Facebook səhifəsində yazıb. 

Qeyd edək ki, martın 3-də İstanbul Baş Prokurorluğu Mübariz Mənsimovun təxliyəsini istəyib. Baş Prokurorluğun tələbnaməsində qeyd olunur: "Məhkəmə prosesinin gəldiyi mərhələ: müttəhimə cinayətə görə nəzərdə tutulan/veriləcək cəzanın miqdarı, şübhəlinin həbsdə saxlanılma müddəti, həbs qətimkan tədbiri, tədbirdən gözlənilən fayda məhkəmə nəzarəti ilə əldə edilə bilər və evini tərk etməmək şərtilə məhkəmə nəzarətinin həyata keçirilməsinə qərar verilməsi tələb olunur".

Bu il yanvarın 13-də Mübariz Mənsimovun növbəti məhkəmə iclası keçirilmiş və bu günə - martın 5-dək təxirə salınmışdı. 

İstanbul Baş Prokurorluğunun qərarı ilə "Palmali" Şirkətlər Qrupunun rəhbəri Mübariz Mənsimov ötən ilin mart ayında həbs edilib və onun yaşadığı evlərdə axtarış aparılıb. Türkiyə mətbuatının xəbərinə görə, onu Fətullah Gülənlə bağlı aparılan istintaq çərçivəsində saxlayıblar.

59

İlham Əliyev: "Heç vaxt bizi tam qane etməyən razılaşma ilə barışmayacağıq"

0
"Heç vaxt Azərbaycan imkan verməyəcək ki, tarixi, əzəli Azərbaycan torpaqlarında ikinci erməni dövləti yaradılsın"

BAKI, 5 mart — Sputnik. Yeni Azərbaycan Partiyasının VI qurultayından ötən üç il ölkəmiz üçün, bölgəmiz üçün həlledici illər olub. Üç il ərzində ölkə həyatında bir çox önəmli hadisələr baş verib və təbii ki, onların arasında ən mühümü ərazi bütövlüyümüzün bərpa edilməsi, Vətən müharibəsində parlaq qələbənin qazanılmasıdır. Azərbaycan öz ərazi bütövlüyünü bərpa etdi, işğalçıları əzəli torpaqlarımızdan qovdu və beləliklə, tarixi ədaləti bərpa etdi.

Sputnik Azərbaycan xəbər verir ki, bu fikirləri Prezident İlham Əliyev Yeni Azərbaycan Partiyasının VII qurultayındakı çıxışında söyləyib.

İlham Əliyev bildirib: "Bizim şanlı qələbəmiz qürur mənbəyimizdir və bu gün bizim qələbəmiz dünyanın aparıcı ölkələrinin aparıcı ali məktəblərində öyrənilir. Azərbaycan xalqı birlik, həmrəylik göstərdi. Azərbaycan Ordusu rəşadət, qəhrəmanlıq, peşəkarlıq göstərdi. Bütün xalqımız bir yumruq kimi birləşərək düşmənə sarsıdıcı zərbələr vurub, öz tarixi torpaqlarını işğalçılardan azad edib. Biz bu tarixi missiyanı yerinə yetirdik".

Prezident İlham Əliyev qeyd edib ki, son 17 il ərzində münaqişə ilə bağlı bütün çıxışlarında Azərbaycan xalqının bu işğalla heç vaxt barışmayacağını deyib: "Heç vaxt Azərbaycan imkan verməyəcək ki, tarixi, əzəli Azərbaycan torpaqlarında ikinci erməni dövləti yaradılsın. Heç vaxt bizi tam qane etməyən razılaşma ilə barışmayacağıq və müxtəlif çıxışlarda, müsahibələrdə müharibədən əvvəl deyirdim ki, bizə yarımçıq hansısa sülh müqaviləsi lazım deyil. Biz ərazi bütövlüyümüzü tam bərpa etməliyik. Biz tarixi ədaləti tam bərpa etməliyik. Çünki yarımçıq razılaşma bizim xalqımızın maraqlarına cavab vermirdi. Tarixi ədalətə cavab vermirdi və yarımçıq razılaşma istər-istəməz gələcəkdə müharibə risklərini artıra bilərdi. Bizə isə tam, mütləq qələbə lazım idi və biz bu mütləq qələbəni qazandıq, düşməni darmadağın etdik, düşmən ordusunu məhv etdik və istədiyimizə nail olduq".

0
Teqlər:
qurultay, Prezident İlham Əliyev