Madriddə partlayış, arxiv şəkli

Madriddə partlayış olub, ölənlər yaralılar var - VİDEO

15
(Yenilənib 20:14 20.01.2021)
Hadisə yerinə gələn şəhər meri Xose Luis Martines Almeyda kilsənin yaxınlığında yerləşən hündürmərtəbəli binada qaz sızmasından partlayış olduğunu təsdiq edib

BAKI, 20 yanvar - Sputnik. İspaniya paytaxtında bu gün axşam saatlarında baş verən güclü partlayış nəticəsində iki nəfər ölüb, xeyli yaralı var. 

​Sputnik Azərbaycan TeleMadrid telekanalına istinadən bildirir ki, partlayış Madridin Toledo küçəsində olub. Hadisə yerinə gələn şəhər meri Xose Luis Martines Almeyda kilsənin yaxınlığında yerləşən hündürmərtəbəli binada qaz sızmasından partlayış olduğunu təsdiq edib.

​Binanın üst mərtəbələri dağılıb, qalan hissəsinin də uçmaq təhlükəsi var. Partlayışın səsi bir neçə kilometr aralıdan eşidilib. Əraziyə yanğınsöndürənlər, xilasedicilər və həkimlər gəliblər. Yaralılara yardım göstərilməsi üçün partlayış olan binadan bir qədər aralı səhra hospitalı qurulub. Bir neçə xəsarət alan şəxs xəstəxanalara çatdırılıb. Əhalini polis təxliyə edir.

 

 

 

15
Rusiya prezidenti Vladimir Putin və Ermənistanın baş nazirinin səlahiyyətlərini icra edən Nikol Paşinyan

Kreml Putinlə Paşinyanın telefon danışığının detallarını açıqladı

14
(Yenilənib 16:13 26.02.2021)
"Əgər bizim yayımladığımız mətnə diqqətlə baxsaydınız, ehtimal ki, orada Rusiya prezidentinin problemin qanun çərçivəsində həllinə tərəfdar olduğunu göstərən sözlərini oxumaq fürsəti tapardınız", - Peskov.

BAKI, 26 fevral — Sputnik. "Rusiya Prezidenti Vladimir Putin Ermənistanın Baş naziri Nikol Paşinyanla dünənki söhbətində bu ölkədə vəziyyətin qanun çərçivəsində həll olunmasının tərəfdarı olduğunu bildirib", – bunu Kremlin mətbuat katibi Dmitri Peskov deyib.

"Əgər bizim yayımladığımız mətnə diqqətlə baxsaydınız, ehtimal ki, orada Rusiya prezidentinin problemin qanun çərçivəsində həllinə tərəfdar olduğunu göstərən sözlərini oxumaq fürsəti tapardınız. Bu, çox vacibdir. Biz bu barədə kifayət qədər informativ xülasə verdik", - Peskov jurnalistlərin Rusiya və Ermənistanın Putin və Paşinyan arasında dünən baş tutmuş telefon danışığına dair yaydıqları rəsmi məlumatlarda fikir ayrılığının olması barədə sualını cavablandırarkən belə deyib.

Qeyd edək ki, Ermənistan hökumətinin veb saytında "Prezident Putin Ermənistanın qanuni hakimiyyətini dəstəklədiyini bildirdi" şəklində məlumat yer alsa da, Kremlin açıqladığı mətndə dəstəklə bağlı heç bir qeydə rast gəlinməmiş, yalnız Putinin Ermənistanda asayişi və sakitliyi qorumağa, vəziyyəti qanun çərçivəsində tənzimləməyə çağırdığı ilə bağlı sözləri öz əksini tapmışdı.

Xatırladaq ki, dünən Ermənistanda baş vermiş dövlət çevrilişinə cəhddən sonra Ermənistanın Baş naziri Nikol Paşinyan Rusiya prezidenti Vladimir Putinə zəng vurub.

 

14
Teqlər:
Vladimir Putinin köməkçisi Dmitri Peskov, Dmitri Peskov, Ermənistanın baş naziri Nikol Paşinyan, baş nazir Nikol Paşinyan, Nikol Paşinyan, Vladimir Putin, Putin
Aeroportda, arxiv şəkli

Avropaya gedənlərdən vaksin sertifikatı tələb olunacaq

13
(Yenilənib 01:29 26.02.2021)
Koronavirusdan peyvənd olunmayanlar üçün bir neçə aydan sonra Avropa ölkələrinə səfər etmək qəliz məsələyə çevrilə bilər. Çünki bunun üçün xüsusi pasport tələb olunacaq

BAKI, 26 fevral - Sputnik. Avropa İttifaqı ölkələrinin liderləri peyvənd olunma haqda elektron sertifikatların tətbiqi barədə razılığa gəliblər.

Sputnik Azərbaycan-ın məlumatına görə, bu barədə Almaniya Kansleri Angela Merkel koronavirus üzrə iclasdan sonra deyib. 

O bildirib ki, peyvənd olunmanı təsdiq edən sənəd üçüncü ölkələrdən olan vətəndaşların Aİ-yə gəlməsində əsas sənədlərdən biri ola bilər. 

"Texniki məsələləri işləyib hazırlamaq üçün Avropa Komissiyasına təxminən üç ay gərək olacaq", - Merkel əlavə edib. 

Kansler izah edib ki, əvvəlcə belə sertifikatları üzv ölkələr işləyib hazırlayacaq, Avrokomissiya isə onları uyğunlaşdıracaq və beləliklə o, ittifaqın bütün ölkələrində istifadəyə yararlı olacaq.

Sammitin yekunlarına dair birgə bəyannamədə Avropa ölkə və hökumətlərinin rəhbərləri qeyd ediblər ki, vaksinlərin təsdiqlənməsi ilıə istehsalının sürətləndirilməsi barədə də razılığa gəliblər.

13
Teqlər:
Angela Merkel, sertifikat, vaksinasiya, COVID-19, epidemiya, Koronavirus, Avropa İttifaqı, Avropa
Mövzu:
Yeni tip koronavirus pandemiyası
Şəhidlərin xatirəsi bir dəqiqəlik sükut, arxiv şəkli

Sürücülərin diqqətinə: Saat 17.00-da DYP-dən işarə gözləyin

0
Bakı Şəhər Dövlət Yol Polisi İdarəsinin şöbə rəisi, polis polkovniki Vaqif Əsədovun sözlərinə görə, bu gün saat 17.00-da bütün yollarda nəqliyyatın hərəkəti dayandırılacaq.

BAKI, 26 fevral — Sputnik. Xocalı soyqırımının 29-cu ildönümü ilə bağlı respublikanın bütün ərazisində 1 dəqiqəlik sükut elan olunacaq.

Sputnik Azərbaycan-ın məlumatına görə, bu barədə Avtosfer-ə Bakı Şəhər Dövlət Yol Polisi İdarəsinin şöbə rəisi, polis polkovniki Vaqif Əsədov deyib.

Onun sözlərinə görə, saat 17.00-da bütün yollarda nəqliyyatın hərəkəti dayandırılacaq. Sürücülərin diqqəti yol polislərində olsun ki, sayğı duruşu işarəsində onlar da Xocalı soyqırımı qurbanlarını bir dəqiqəlik sükutla yad etsinlər.

0