Donald Tramp, arxiv şəkli

Trampa "ən sağlam prezident" arayışı verən həkim öldü

21
(Yenilənib 00:20 15.01.2021)
Həkim Trampın qələbə qazandıqdan sonra onu prezidentin rəsmi həkimi təyin edəcəyini gözləyirdi, ancaq bu baş vermədi

BAKI, 14 yanvar - Sputnik. Donald Trampın şəxsi həkimi Harold Bornsteyn 73 yaşında vəfat edib.

Sputnik Azərbaycan bildirir ki, bu barədə New York Times yazır. Ancaq nekroloqda həkimin ölüm səbəbi qeyd olunmayıb.

​Xatırladaq ki, Bornsteyn 2015-ci ildə, Trampın seçki qərargahının onun imzasıyla olan arayışı dərc etməsindən sonra məşhurlaşmışdı. Arayışda deyilirdi ki, Trampın qan analizi "sadəcə möhtəşəmdir", özü "çox güclüdür", ümumiyyətlə, "mister Tramp ABŞ tarixində ən sağlam prezident olacaq". 

Qastroendokrinoloq olan Bornsteyn 1980-ci ildən Trampın can həkimi olub, ondan əvvəl isə prezidentin həkimi onun atası olub. 

Həkim Trampın qələbə qazandıqdan sonra onu prezidentin rəsmi həkimi təyin edəcəyini gözləyirdi, ancaq bu baş vermədi. 2017-ci ildə Bornsteynin jurnalistlərə Trampın saçuzadan həblər atdığını deməsindən sonra prezident onun xidmətlərindən imtina etdi.  

2018-ci ildə isə həkim yenidən jurnalistlərlə görüşəndə dedi ki, o məşhur arayışın mətnini ona Tramp özü diktə edibmiş. Buna qədər isə Bornsteyn iddiaları təkzib edir, arayışı özünün tərtib etdiyini söyləyirdi.

21
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0