Bəy və gəlin üçün ayaqqabılar, arxiv şəkli

Nikah haqda qanunun müzakirəsində gözlənilməyən dönüş: bəlkə, Rusiyaya birləşək?

63
(Yenilənib 23:58 10.01.2021)
Siyasi vəziyyətin gərginləşməsinə hakim koalisiyaya daxil olan partiyaların bu yaz nikahın sırf qadın və kişi arasında bağlanılmasına dair referendum keçirmək və bunu ölkə Konstitusiyasında təsbit etmək niyyəti səbəb olub

BAKI, 10 yanvar - Sputnik. Estoniya müxalifəti parlamentdə ölkənin Rusiyanın tərkibinə daxil olmasının müzakirəsini təklif etdikdən sonra Xarici işlər naziri Urmas Reynsalu onları dövləti və hökuməti nüfuzdan salmaqda ittiham edib. 

Sputnik Azərbaycan RİA Novosti-yə istinadən bildirir ki, müxalif İslahat partiyasının deputatları bu təklifi nikahın sırf kişi və qadın arasında bağlanmasının təsbit edilməsi barədə referendum keçirilməsinə dair qanun layihəsinin müzakirələri zamanı irəli sürüblər. 

Yanvarın 13-də nəzərdə tutulan ikinci oxunuş üçün müxalifət partiyaları qanun layihəsinə 9300 düzəliş təklif ediblər. Bunların əksəriyyətinin layihəyə heç bir dəxli yoxdur, bəziləri isə ekzotik xarakter daşıyır. 

İslahatçılar qeyd etmişdilər ki, mümkün qədər çox düzəliş fikirləşib tapmaq lazımdır ki, parlamentin işi ləngisin və referendum haqda qərar qəbul edilməsin.

"Yeni məlumat fonunda mən əminəm ki, İslahat partiyasının Estoniyanın Rusiyaya birləşdirilməsi təklifi təsadüfi deyildi. Bu təklifin ideyası aydın idi: daxili siyasətdə uğur qazanmaq üçün Estoniya Respublikasını, o cümlədən hökuməti beynəlxalq səviyyədə hörmətdən salmaq", - Reynsalu yazıb.

Nazir islahatçıların bir sıra digər təkliflərini də qeyd edərək, onların eston cəmiyyəti üçün həssas olduğunu vurğulayıb. Bunlar arasında nazir Estoniyanın NATO-dan çıxması, Esnoniyanın SSRİ-nin bərpasına təşəbbüs etməsi, Estoniyanın Rusiyanın nüfuz dairəsinə daxil olması, Estoniyada eston dilində təhsil almağın qadağan olunması barədə referendum təkliflərini önə çəkib. 

Düzəliş təkliflərini Baş nazir Yuri Ratas (Mərkəz partiyası), parlamentin spikeri Xenn Pılluaas (Mühafizəkar xalq partiyası - EKRE), Maliyyə naziri Martin Helme (EKRE-nin sədri) də pisləyiblər.

Siyasi vəziyyətin gərginləşməsinə hakim koalisiyaya daxil olan partiyaların bu yaz nikahın sırf qadın və kişi arasında bağlanılmasına dair referendum keçirmək və bunu ölkə Konstitusiyasında təsbit etmək niyyəti səbəb olub. Referendumun keçirilməsini EKRE təklif edib və koalisiyaya daxil olan partiyalar (Mərkəz və Isamaa (Vətən) tərəfindən dəstəklənib. 

Referendumun əleyhinə isə müxalif İslahat və Sosial-demokrat partiyaları çıxırlar. Onlar hesab edirlər ki, Konstitusiyada nikahın yalnız qadın və kişi arasında bağlanmasının təsbit olunması cəmiyyəti bölür və seksual azlıqların hüququnu pozur.

63
Teqlər:
Rusiya, seksual azlıq, qadın, kişi, nikah, müzakirə, referendum, parlament, Estoniya
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0