SRIWIJAYA AIR aviaşirkətinin təyyarəsi, arxiv şəkli

İndoneziyada təyyarə qəzaya uğrayıb: göyərtəsində 62 nəfər vardı

15
Aviaşirkətin məlumatına görə, təyyarənin göyərtəsində heyət və sərnişinlərlə birlikdə 62 nəfər olub. İlkin məlumatlara görə, həm təyyarənin, həm də sərnişinlərin qalıqları aşkarlanıb

BAKI, 9 yanvar - Sputnik. İndoneziyada, Cakartadan havaya qalxan Sriwijaya Air aviaşirkətinin sərnişin təyyarəsi Laki adası yaxınlığında dənizə düşüb.

Sputnik Azərbaycan RİA Novosti-yə istinadən bildirir ki, İndoneziyanın Hərbi Hava Qüvvələri qəzaya uğramış Boeing 737 təyyarəsinin düşdüyü əraziyə iki vertolyot və bir təyyarə göndərib. Bu barədə Antara agentliyi məlumat yayıb. Məlumata görə, axtarış-xilasetmə əməliyyatını görmə məsafəsinin pis olması çətinləşdirir. 

"Əməkdaşlarımız hadisə yerindədirlər, onlar təyyarənin bir neçə parçasını tapıblar. Bu gün rastlaşdığımız ən böyük maneə - görüntü ilə bağlıdır, çünki gecədir", - xilasetmə qruplarından birinin rəhbəri deyib. 

Çətinliklərə baxmayaraq, xilasetmə işləri davam edir. 

​Antara agentliyi İndoneziyanın Axtarış-xilasetmə İdarəsinin əməliyyat və hazırlıq şöbəsinin rəis müavini Bambanq Surio Adjiyə istinadən bildirir ki, qəzaya uğrayan təyyarə heç bir qəza siqnalı ötürməyib. 

"Biz onun niyə görə belə bir siqnal vermədiyini bilməliyik... Avstraliya da belə bir siqnal almayıb. Ona görə də axtarış-xilasetmə qurumu hələ də radiomayakın niyə qəza siqnalı vermədiyini araşdırmağa çalışır", - Adji deyib.

İndoneziyanın Nəqliyyat naziri Budi Karia Sumadi Sriwijaya Air aviaşirkətinin Boeing 737 təyyarəsinin Cakarta yaxınlığında dənizə düşdüyünü təsdiqləyib. Aviaşirkətin məlumatına görə, təyyarənin göyərtəsində heyət və sərnişinlərlə birlikdə 62 nəfər olub. İlkin məlumatlara görə, həm təyyarənin, həm də sərnişinlərin qalıqları aşkarlanıb.

 

15

"Lotu Quli"nin məzarı üstündə atışma olub, 1 nəfər ölüb

9
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

9
 Rusiyada epdimioloji vəziyyət

Vaksini tapıblar, amma xeyri yoxdur: bir gündə 586 nəfər öldü

12
(Yenilənib 16:03 19.01.2021)
Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

 

BAKI, 19 yanvar — Sputnik. Son bir sutka ərzində Rusiyada 21734 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 586 nəfər ölüb.

Ümumilikdə, Rusiyada bu xəstəliyə yoluxanların sayı 3612800-ə çatıb. Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 95.5 milyonu keçib, 1,04 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

12
Mövzu:
Yeni tip koronavirus pandemiyası
Осколки стекла, архивное фото

Bakının Heydər Əliyev prospektində baş verən qəza tıxaca səbəb olub

0
Hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.

Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

0