Tehran şəhərinə mənzərə, arxiv şəkli

İranın Trampın mümkün zərbəsinə cavabı özünü gözlətmədi - Fars körfəzi sahilində...

100
(Yenilənib 15:50 08.01.2021)
Kompleksə elektron müdafiəni aşmağa qadir "yüzlərlə kilometr" mənzilli yüksək dağıdıcı gücə malik raketlər yerləşdirilib.

BAKI, 8 yanvar — Sputnik. İslam İnqilabı Keşikçiləri Korpusu (İİKK - İran silahlı qüvvələrinin bir bölməsi) Fars Körfəzi sahilində yeraltı raket bazasını nümayiş etdirib. Sputnik Azərbaycan RİA Novosti-yə istinadla xəbər verir ki, bu barədə Sepah News portalı məlumat yayıb. Məlumata əsasən, mərasimdə İİKK -nin baş komandanı Hüseyin Səlami, eləcə də "strateji" bazanın mənsub olduğu hərbi dəniz qüvvələrinin komandiri Alireza Tənqsiri iştirak edib.

H. Səlaminin sözlərinə görə, kompleksə elektron müdafiəni aşmağa qadir "yüzlərlə kilometr" mənzilli yüksək dağıdıcı gücə malik raketlər yerləşdirilib.

Məlumat ABŞ və İran arasında artan gərginlik və mətbuatda  Donald Trampın hakimiyyət müddətinin bitməsinə qədər (20 yanvar tarixinədək) İrana zərbə endirə biləcəyi barədə yayılan xəbərlərin fonunda birmənalı qarşılanmayıb.

Bir qədər bundan əvvəl ABŞ-ın müdafiə naziri Kris Miller bildirmişdi ki, "Nimits" təyyarədaşıyan gəmisini bölgədən geri çəkməyi planlaşdırsalar da, İranın təhdidlərindən sonra bu fikirdən daşınıblar.

Qeyd edək ki, general Qasım Süleymaniyə qarşı törədilmiş sui-qəsdin ildönümü ərəfəsində İranda Amerika əleyhinə çağırışlar güclənib və tez-tez ABŞ-a qarşı hücum olacağı barədə təhdidlər səsləndirilir. Belə ki, "Tasnim" agentliyinin verdiyi məlumata görə, İranın ali dini liderinin müşaviri general-mayor Yəhya Rəhim Səfəvi bu ölkənin hərbçilərinin Amerikanın hərbi  gəmilərini batırmağa qadir olduğunu söyləyərək, ABŞ-ı səhv hərəkətlərdən çəkinməyə çağırıb.

100
Bankada dollarlar, arxiv şəkli

Financial Times: "Dolları taxtdan salacaqlar"

12
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

12
Teqlər:
"The Financial Times", Avropa Komissiyası, Avropa Şurası, dollar
Mayk Pompeo, arxiv şəkli

Pompeodan dünyanı çalxalayacaq bəyanat

38
(Yenilənib 22:17 16.01.2021)
Pompeo qeyd edib ki, hələ 2019-cu ilin yayında Uhanın virusologiya institutunda bir neçə əməkdaş koronavirusa bənzəyən xəstəliyə yoluxub

BAKI, 16 yanvar - Sputnik. ABŞ-ın Dövlət katibi Mayk Pompeo koronavirusun Çinin dövlət laboratoriyalarında hazırlandığını təsdiq edən sənəd yayıb.

Sputnik Azərbaycan bildirir ki, bu barədə Dövlət Departamentinin saytındakı yazılı bəyanatda deyilir. 

"Bu həftə Çinə gələn ÜST-ün istintaq qrupunun həyati vacib fəaliyyətinə kömək etmək üçün Amerika Birləşmiş Ştatlarının hökuməti bu gün Çinin dövlət laboratoriyalarının 2019-cu ildəki fəaliyyəti barədə yeni informasiyanı paylaşır", - bəyanatda deyilir.

Pompeo qeyd edib ki, hələ 2019-cu ilin payızında Uhanın virusologiya institutunda bir neçə əməkdaş koronavirusa bənzəyən xəstəliyə yoluxub. 

Dövlət katibi həmçinin bildirib ki, yarasaların RaTG13 koronavirusu SARS-CoV-19 ilə 96% identikdir.

Xatırladaq ki, pandemiya başlayandan dünyada 94 milyon insan koronavirusa yoluxub, 2 milyondan çox insan COVID-19 xəstəliyindən dünasını dəyişib.

38
Teqlər:
Mayk Pompeo, ABŞ, laboratoriya, Çin, Uhan, Koronavirus, epidemiya, COVID-19
Mövzu:
Yeni tip koronavirus pandemiyası
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət