Co və Jill Baydenlər, arxiv şəkli

"Axır ki, bir centlmenə rast gəldim" ABŞ-ın yeni birinci xanımı kimdir?

36
(Yenilənib 20:43 08.01.2021)
"Co Baydenin birinci arvadı və qızı avtomobil qəzasında öləndən sonra onun iki azyaşlı oğlunu böyüdən Jill Bayden həm də Amerikanın "elmlər doktoru" adını almış ilk birinci xanımı olacaq.

BAKI, 8 yanvar — Sputnik. Qalmaqallı Melaniya Trampdan sonra nəzərlər ABŞ-ın yeni birinci xanımı Jill Baydenə yönəlib. Sputnik Azərbaycan Türkiyənin NTV kanalına istinadla xəbər verir ki, 69 yaşlı Jill Bayden Amerikanın "elmlər doktoru" adını daşıyan ilk birinci xanımı olacaq. "Northern Virginia" dövlət universitetində ingilis dilindən dərs deyən Jill Bayden həm də Ağ Evdən kənarda çalışacaq ilk birinci xanım kimi tarixə düşəcək.

3 iyun 1951-ci ildə Nyu-Cersidə anadan olan Jill Treysi Ceykobs Sicilya əsilli ailədə dünyaya göz açıb. 1969-cu ildə Bill Stevenson adlı şəxslə ailə qurub. Bir müddət yerli agentliklərdə modelliklə məşğul olub. 1975-ci ildə birinci ərindən boşanıb və elə həmin il senator Co Baydenlə tanış olub.

Prezident seçkisindən əvvəl "Vogue" jurnalına müsahibə verən Jill Bayden "Müəllimliyi çox sevirəm. İşim həyatımda və karyeramda çox mühüm yer tutur. Başqa sözlə, prezident xanımı missiyasının öhdəsindən gələcəyimə inanıram və buna hazıram", – deyə bildirmişdi.

Amerikalılar 36 illik müəllimlik təcrübəsinə malik Jill Baydenə yalnız buna görə rəğbət göstərmirlər. O, həm də vaxtilə ABŞ-ın yeni prezidentinə ailə faciəsindən sonra ayağa qalxmaqda kömək edib. Belə ki, onlar tanış olduqları vaxt Co Bayden birinci arvadını və qızını avtomobil qəzasında itirmiş və iki azyaşlı oğluna baxmaq məcburiyyətində qalmışdı. Co Bayden həmin günləri belə xatırlayır: "Bizi o ayağa qaldırdı. Həmin vaxt mən 26 yaşındaydım, bundan sonra yolumuza necə davam edəcəyimizi bilmirdim. Ancaq o, sevgi və anlayışla bizi ayağa qaldırdı".

Cütlüyü Co Baydenin qardaşı tanış edib. Onlar ilk görüşlərində birlikdə "Kişi və qadın" filmini seyr ediblər. Jill evə qayıdandan sonra anasına deyib: "Axır ki, bir centlmenə rast gəldim!"

Co Bayden Jillə nə az, nə çox, düz 5 dəfə evlənmə təklif edib. Jill Bayden bunun səbəbini belə izah edir: "Cozefin oğlanları artıq bir dəfə analarını itirmişdilər. Onların ikinci dəfə bu faciəni yaşamalarını istəmirdim. Ona görə də cavabımdan tam əmin olmalı idim".

Cütlük 1977-ci ildə evlənib və 1981-ci ildə bu izdivacdan Eşli adlı qızları dünyaya gəlib.

 

36
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0