Pasportda viza, arxiv şəkli

Dünyanın ən güclü pasportuna hansı ölkənin vətəndaşları malikdir?

18
(Yenilənib 22:24 07.01.2021)
Henli İndeksinə görə, 2021-ci ilin ən etibarlı pasportları siyahısına Yaponiya başçılıq edir. Pasport reytinqi hər pasportun pulsuz giriş imkanı verdiyi ölkələrin sayını nəzərə alıb.

BAKI, 7 yanvar — Sputnik. Henli İndeksi 2021-ci il üçün etibarlı pasportların siyahısını dərc edib. Sputnik Azərbaycan xarici mətbuata istinadla xəbər verir ki, pasport reytinqi əslində hər pasportun pulsuz giriş imkanı verdiyi ölkələrin sayını nəzərə alıb.

Belə ki, reytinqə görə, hal-hazırda dünyanın 191 ölkəsinə pulsuz giriş hüququ verən Yaponiya pasportu liderlik edir. Qeyd edilib ki, indeksdə koronavirusla əlaqəli vaxt məhdudiyyəti nəzərə alınmır, əksinə, ölkələr arasında imzalanmış uzunmüddətli viza müqavilələri nəzərə alınır. Siyahıda ikinci yerdə Sinqapur pasportudur. Sinqapur pasportu ilə dünyanın 190 ölkəsinə pulsuz getmək mümkündür. Üçüncü yerdə Almaniya və Cənubi Koreya pasportudur. Bu pasportla 189 ölkəyə pulsuz getmək mümkündür. İtaliya, Finlandiya, İspaniya, Lüksemburq pasportu ilə dünyanın 188 ölkəsinə, Danimarka və Avstriya pasportu ilə 187 ölkəyə pulsuz getmək olar.

Siyahının ilk onluğunda Portuqaliya, Fransa, Yeni Zelandiya, ABŞ, Böyük Britaniya, Avstraliya Misir, Kanada, Çexiya, Belçika və Macarıstan pasportları yer alıb. İsrail isə siyahıda 23-cü yerdədir. İsrail pasportu ilə 161 ölkəyə getmək mümkündür. BƏƏ son illər pasportlarının kotirovkalarında ən böyük sıçrayış edən ölkələrdən biridir. Belə ki, BƏƏ bu il ABŞ və İsrail də daxil olmaqla müxtəlif ölkələrlə viza müqavilələri imzalayıblar. BƏƏ hazırda 173 ölkəyə pulsuz giriş imkanı ilə 16-cı yerdədir. Xatırladaq ki, 2006-cı ildə BƏƏ reytinqdə 62-ci yeri tutmuşdu və vətəndaşlar problemsiz yalnız 35 ölkəyə gedə bilirdilər.

Ən problemli pasportlara sahib olan ölkələr bunlardır: Pakistan - 107-ci yer (32 ölkəyə giriş), Suriya - 108-ci yer (29 ölkəyə giriş), İraq - 109-cu yer (28 ölkəyə giriş).

Siyahıda ən son yeri Əfqanıstan tutub. Əfqanıstan pasportu ilə yalnız 26 ölkəyə getmək olar.

18
Teqlər:
Yeni Zelandiya, Fransa, Sinqapur, Yaponiya, pasport

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Erməni əsgərlərinin dəbilqələri, arxiv şəkli

Ermənistan müharibədə ölən hərbçilərinin siyahısını yeniləyib - sayları durmadan artır

34
Ermənistanın Səhiyyə naziri Anait Avanesyan bildirib ki, hər gün 30 meyitin ekspertizasını həyata keçirilər.

BAKI, 21 yanvar - Sputnik. Ermənistanın Səhiyyə Nazirliyi İkinci Qarabağ müharibəsində həlak olmuş 3450 əsgərinin meyitini ekspertizadan keçirib.

Sputnik Ermənistan-ın məlumatına görə, bu barədə səhiyyə naziri Anait Avanesyan bildirib.

Hökumətin iclasından sonra jurnalistlərə açıqlama verən nazir qeyd edib ki, hər gün 30 meyitin şəxsiyyəti müəyyənləşdirilir.

O, hələ də şəxsiyyətləri müəyyənləşdirilməyən meyitlərin olduğunu etiraf edib. Nazir jurnalistlərin nə qədər meyitin şəxsiyyətinin müəyyənləşdirilməməsi barədə sualına cavab verməyib. Lakin bildirib ki, meyitlərin tanınması prosesi sürətlənib.

Ötən gün Ermənistanın baş nazirinin müavini Tiqran Avinyan Qarabağ müharibəsində 3 439 hərbi qulluqçunun həlak olduğunu açıqlayıb.

34