Berlin şəhərinə mənzərə, arxiv şəkli

Bundan sonra Almaniyada "Əhməd" fırtınası əsəcək

56
(Yenilənib 22:39 07.01.2021)
Maraqlısı odur ki, almanlar təbiət hadisələrinə xarici ad verməklə ölkədə irqi ayrı-seçkiliyi aradan qaldırmaq niyyətindədirlər.

BAKI, 7 yanvar — Sputnik. Artıq Almaniyada baş verən meteoroloji hadisələrə xarici adlar veriləcək. Sputnik Azərbaycan TRT Haber-ə istinadla xəbər verir ki, almanlar 2021-ci ildə qar yağmasına səbəb olan güclü küləyə "Əhməd" adını veriblər.

Maraqlısı odur ki, almanlar təbiət hadisələrinə xarici ad verməklə ölkədə irqi ayrı-seçkiliyi aradan qaldırmaq niyyətindədirlər. Bu missiyanı üzərinə götürən "Yeni alman mediaçıları" dərnəyi bu il Almaniyada baş verəcək mühüm təbiət hadisələrinin adlandırılması üzrə müəllif huquqlarını satın alıb.

Nəticədə Almaniya Meteorologiya Bürosundan satın alınan 14 atmosfer hadisəsinə ölkədə geniş yayılmış "Əhməd", "Camal", "Goran", "Dimitrios" kimi xarici adlar verilib.

Qeyd edək ki, Almaniya Meteorologiya Bürosundan təbiət hadisələrinə ad vemək üçün müəllif hüququ əldə etmək təxminən 230-330 avroya başa gəlir.

56

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Erməni əsgərlərinin dəbilqələri, arxiv şəkli

Ermənistan müharibədə ölən hərbçilərinin siyahısını yeniləyib - sayları durmadan artır

34
Ermənistanın Səhiyyə naziri Anait Avanesyan bildirib ki, hər gün 30 meyitin ekspertizasını həyata keçirilər.

BAKI, 21 yanvar - Sputnik. Ermənistanın Səhiyyə Nazirliyi İkinci Qarabağ müharibəsində həlak olmuş 3450 əsgərinin meyitini ekspertizadan keçirib.

Sputnik Ermənistan-ın məlumatına görə, bu barədə səhiyyə naziri Anait Avanesyan bildirib.

Hökumətin iclasından sonra jurnalistlərə açıqlama verən nazir qeyd edib ki, hər gün 30 meyitin şəxsiyyəti müəyyənləşdirilir.

O, hələ də şəxsiyyətləri müəyyənləşdirilməyən meyitlərin olduğunu etiraf edib. Nazir jurnalistlərin nə qədər meyitin şəxsiyyətinin müəyyənləşdirilməməsi barədə sualına cavab verməyib. Lakin bildirib ki, meyitlərin tanınması prosesi sürətlənib.

Ötən gün Ermənistanın baş nazirinin müavini Tiqran Avinyan Qarabağ müharibəsində 3 439 hərbi qulluqçunun həlak olduğunu açıqlayıb.

34