İran atom elektrostasiyası

Yaxın vaxtlarda İran uranı zənginləşdirmə səviyyəsini 20 faizə çatdıracaq

20
(Yenilənib 19:17 03.01.2021)
Əli Əkbər Salehi: “İranın Vyanadakı təmsilçisinə Beynəlxalq Atom Enerjisi Agentliyinə (MAQATE) çatdırılması üçün bir məktub göndərilib. MAQATE müfəttişlərdən gəlib möhürlənmiş hissələri açmalarını istədik”

BAKI, 3 yanvar – Sputnik. “Çox yaxında İran uranı zənginləşdirmə səviyyəsini 20 faizə çatdıracaq”.

Sputnik Azərbaycan “Mehr” xəbər agentliyinə istinadla xəbər verir ki, bunu İranın Atom enerjisi üzrə Agentliyinin baş direktoru Əli Əkbər Salehi deyib.

Əli Əkbər Salehi bildirib ki, İranın Vyanadakı təmsilçisinə Beynəlxalq Atom Enerjisi Agentliyinə (MAQATE) çatdırılması üçün bir məktub göndərilib: “MAQATE müfəttişlərdən gəlib möhürlənmiş hissələri açmalarını istədik. Yaxın gələcəkdə Agentliyin nəzarəti altında uran qaz kapsulunu dəyişdirmək məcburiyyətindəyik”.

"Biz dövlətin xidmətçiləriyik, əmri komandir verməlidir. İşə çox sürətli başlaya bilərik"-deyə o qeyd edib.

Qeyd edək ki, “Sanksiyalara qarşı strateji mübarizə haqqında” qanun layihəsi dekabr ayında İran parlamenti tərəfindən təsdiqlənib. Bu qanun, İranın Atom enerjisi üzrə Agentliyini uranı ən az 20% zənginləşdirməyə başlamağa və aşağı səviyyəli zənginləşdirilmiş uran ehtiyatlarını artırmağa məcbur edir.

Nüvə razılaşması İrana uranı ən çox 3.67% nisbətində zənginləşdirməyə imkan verirdi.

Xatırladaq ki, İran nüvə proqramı ilə bağlı Əhatəli Razılaşma Müqaviləsində üzərinə götürdüyü öhdəliklərin bir qisminin icrasını dayandırıb.

Bu razılaşma müqaviləsi 2015-ci il iyulun 15-də imzalanıb. 2018-ci il mayın 8-də ABŞ İranın nüvə proqramı üzrə müqavilədən çıxıb. Bununla bağlı qərarı prezident Donald Tramp imzalayıb. Rəsmi Tehran bəyan etmişdi ki, ABŞ həmin müqavilədən çıxarsa, İran da razılaşma ilə bağlı öhdəlikəri yerinə yetriməkdən imtina edəcək.

20

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Erməni əsgərlərinin dəbilqələri, arxiv şəkli

Ermənistan müharibədə ölən hərbçilərinin siyahısını yeniləyib - sayları durmadan artır

33
Ermənistanın Səhiyyə naziri Anait Avanesyan bildirib ki, hər gün 30 meyitin ekspertizasını həyata keçirilər.

BAKI, 21 yanvar - Sputnik. Ermənistanın Səhiyyə Nazirliyi İkinci Qarabağ müharibəsində həlak olmuş 3450 əsgərinin meyitini ekspertizadan keçirib.

Sputnik Ermənistan-ın məlumatına görə, bu barədə səhiyyə naziri Anait Avanesyan bildirib.

Hökumətin iclasından sonra jurnalistlərə açıqlama verən nazir qeyd edib ki, hər gün 30 meyitin şəxsiyyəti müəyyənləşdirilir.

O, hələ də şəxsiyyətləri müəyyənləşdirilməyən meyitlərin olduğunu etiraf edib. Nazir jurnalistlərin nə qədər meyitin şəxsiyyətinin müəyyənləşdirilməməsi barədə sualına cavab verməyib. Lakin bildirib ki, meyitlərin tanınması prosesi sürətlənib.

Ötən gün Ermənistanın baş nazirinin müavini Tiqran Avinyan Qarabağ müharibəsində 3 439 hərbi qulluqçunun həlak olduğunu açıqlayıb.

33