Erməni əsgərlərin dəbilqələri, arxiv şəkli

Ermənistan Qarabağda 44 günlük müharibədə itirdiyi hərbçilərinin sayını açıqladı

335
(Yenilənib 22:18 02.01.2021)
Ən son məlumatlara görə, Qarabağda sentyabr ayında başlayan hərbi əməliyyatlar zamanı Ermənistan tərəfi 3330 nəfər hərbçisini itirib.

BAKI, 2 yanvar - Sputnik. Ermənistan Qarabağda son hərbi əməliyyatlar zamanı 3330 nəfərin öldüyünü açıqlayıb. 

Sputnik Ermənistan-ın verdiyi məlumata görə, bu barədə ölkənin Səhiyyə Nazirliyi açıqlama yayıb.

"Ən son məlumatlara görə, Qarabağda sentyabr ayında başlayan hərbi əməliyyatlar zamanı Ermənistan tərəfi 3330 nəfər itki verib", - deyə Səhiyyə Nazirliyinin məlumatında bildirilir. 

Ermənistan Səhiyyə Nazirliyinin mətbuat katibi Alina Nikoqosyan etiraf edib ki, sentyabrın 27-dən noyabrın 9-dək erməni tərəfi 3330 nəfər itki verib. 

"1 yanvar tarixinə 3330 cəsədin (Qarabağda öldürülənlər - red.) məhkəmə-tibbi ekspertizası aparılıb. Müharibənin başlanğıcından bəri ölənlərin şəxsiyyətinin müəyyən edilməsi üçün cəsədlər və qalıqlardan 1441 nümunə götürülüb, 871 nümunə araşdırma mərhələsindədir", - deyə Nikoqosyan Facebook səhifəsində yazıb.

Onun sözlərinə görə, son 10 gündə 436 cəsəd ayırd edilib ki, onun da 66-sı son 10 gündə tanınıb.

"Məhkəmə-tibbi ekspertiza üzrə elmi-praktiki mərkəzin mütəxəssisləri ölənlərin cəsədlərinin araşdırılması və şəxsiyyətinin müəyyənləşdirilməsini davam etdirir", - Nikoqosyan bildirib.

Qeyd edək ki, Azərbaycan Müdafiə Nazirliyi 2020-ci il dekabrın 28-də İkinci Qarabağ Müharibəsində həlak olmuş hərbi qulluqçuların siyahısını yeniləyib.

Nazirliyin açıqladığı siyahıda dekabrın 28-dək dəfn edilmiş 2823 nəfərin foto şəkilləri, adları, soyadları, hərbi rütbəsi və doğum tarixi haqqında yenilənmiş məlumat təqdim olunur.
Hazırda itkin düşmüş hesab olunan 40-a yaxın hərbi qulluqçunun tapılması və şəxsiyyəti müəyyən olunmayan 60-dan artıq şəxsin identifikasiyası üzrə işlər davam etdirilir.

Bundan əvvəl Nazirlik 2802 şəxsin adlarını açıqlamışdı və İkinci Qarabağ Müharibəsində Azərbaycanın ümumilikdə, 2783 hərbi qulluqçusunun həlak olduğunu qeyd etmişdi.

335
Teqlər:
Ermənistan, Qarabağ
Skamyada yatan adam, arxiv şəkli

Kiminin əvvəli, kiminin axırı - Məşhur model küçələrdə yaşayır

4
(Yenilənib 10:26 16.01.2021)
Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır

BAKI, 16 yanvar — Sputnik. Bir vaxtların məşhur modeli Loni Uillison hazırda küçədə yaşayır.

Sputnik Azərbaycan xarici mediaya istinadən xəbər verir ki, Kaliforniya ştatında yaşayan model ötən gün zibil qutularını qarışdırarkən jurnalistlərin obyektivlərinə tuş gəlib.

​Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır.

 

4
Co Bayden, arxiv şəkli

Məşhur müğənnilər Co Baydenin andiçmə mərasimində çıxış edəcəklər

4
(Yenilənib 09:38 16.01.2021)
Qeyd edək ki, ABŞ-ın yeni seçilmiş prezidenti Cozef Baydenin andiçmə mərasimi yanvarın 20-də Kapitolinin qarşısında baş tutacaq

BAKI, 16 yanvar — Sputnik. Dünyaca məşhur müğənnilər Cennifer Lopez və Ledi Qaqa ABŞ-ın yeni seçilmiş prezidenti Co Baydenin andiçmə mərasimində çıxış edəcəklər. Bu barədə Sputnik Azərbaycan xarici mətbuata istinadən xəbər verir.

"Bu insanlar böyük xalqımızın bütün müxtəlifliyini təmsil edirlər", - deyə andiçmə komitəsinin nümayəndəsi Toni Allena bildirib.

Qeyd edək ki, ABŞ-ın yeni seçilmiş prezidenti Cozef Baydenin andiçmə mərasimi yanvarın 20-də Kapitolinin qarşısında baş tutacaq.

4
Bakı karantinin yumşaldılmasından sonra

Kafe-restoran həsrətliləri üçün son tarix

0
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar