ABŞ kapitolu, arxiv şəkli

Respublikaçılar amerikalılara pul paylamaqdan imtina etdilər

12
Birbaşa ödəmələr illik gəliri 75 min dollardan aşağı olan şəxslər üçün nəzərdə tutulub, eləcə də daha çox əziyyət çəkən şirkətlərə subsidiyalar veriləcək

BAKI, 31 dekabr - Sputnik. Milli iqtisadiyyatın stimullaşdırılması çərçivəsində vətəndaşlara adambaşına iki min dollar ödənilməsi üzrə ABŞ senatında aparılan səsverməyə respublikaçılar yenə veto qoyublar. 

Sputnik Azərbaycan-ın məlumatına görə, belə bir bəyanatla respublikaçıların lideri Mitç Makkonnel çıxış edib.

"Nümayəndələr palatasının spikeri Nensi Pelosinin kasıblara kömək etmək üçün varlılara sosializm təşkil eləməsi bizə lazım deyil", - Makkonnel deyib.

Onun sözlərinə görə, "orta təbəqənin yuxarı layına" mənsub amerikalılar öz iş yerlərini saxlayıblar və ödənişlərə ehtiyacları yoxdur. Ancaq kasıb vətəndaşlar xeyli əziyyət çəkirlər, eyni zamanda ildə 75 min dollardan az pul qazanan hər kəsə (vergi ödəyicilərinin təxminən dörddə üçü) eyni məbləğin ödənməsi planlaşdırılır. 

Dekabrın 29-da ABŞ Konqresinin Nümayəndələr palatası amerikalılara adambaşı 2 min dollar paylanması ideyasını təqdir edib, əksəriyyət milli iqtisadiyyatın stimullaşdırılması çərçivəsində vətəndaşlara birbaşa ödəmələrin lehinə səs verib. 

Dekabrın 28-də ABŞ-ın fəaliyyətdə olan Donald Tramp Amerika iqtisadiyyatına kömək paketi barədə qanun layihəsini imzalamışdı. Ödəmələrin məbləği 600-dən 2000 dollaradək, uşaqlara ödəmələr isə 300-dən 600 dollaradək qaldırılıb. 

Birbaşa ödəmələr illik gəliri 75 min dollardan aşağı olan şəxslər üçün nəzərdə tutulub, eləcə də daha çox əziyyət çəkən şirkətlərə subsidiyalar veriləcək. 

12
Teqlər:
ödəmə, səsvermə, blok, Respublikaçılar Partiyası, Senat, Konqres, ABŞ
Günəşli hava, arxiv şəkli

Ötən il istilik rekordu təzələnib

2
(Yenilənib 00:21 16.01.2021)
Bir müddət əvvəl isə Avropa Birliyinin İqlim Monitorinqi Xidmətinin mütəxəssisləri müşahidə dövrü ərzində ötən ilin ən isti il olduğunu qeyd etmişdilər.

BAKI, 16 yanvar — Sputnik. NASA və ABŞ Milli Okean və Atmosfer Administrasiyasının hesabatına görə, keçən il dörd il öncə qeydə alınan temperatur rekordu təkrarlanıb.

Sputnik Azərbaycan xarici mətbuata istinadla xəbər verir ki, məlumata görə, 2020-ci ildə orta qlobal istilik 1951-1980-ci illər üçün əsas götürülmüş orta temperaturdan 1,02 dərəcə yüksək olub. Bu səbəbdən də Arktikanın buzları sürətlə əriyir.

NASA-nın "Goddard Space Research" İnstitutunun (GISS) rəhbəri Qevin Şmidt bildirib ki, yaxın gələcəkdə temperatur qeydləri yenilənməyə davam edəcək. Bununla da Yer üzündə qlobal istiləşmə təsdiqlənir.

Bir müddət əvvəl isə Avropa Birliyinin İqlim Monitorinqi Xidmətinin mütəxəssisləri müşahidə dövrü ərzində ötən ilin ən isti il olduğunu qeyd etmişdilər. Belə ki, ötən il orta istilik sənayedən əvvəlki səviyyədən 1.25 dərəcə yüksək olub.

2
Aida Mahmudovanın PASTPRESENTFUTURE sərgisi

Azərbaycanlı rəssamın ABŞ-da ikinci fərdi sərgisi açılıb

9
(Yenilənib 21:11 15.01.2021)
Fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

BAKI, 15 yanvar — Sputnik. Tanınmış azərbaycanlı rəssam Aida Mahmudovanın Amerika Birləşmiş Ştatlarında ikinci fərdi sərgisi açılıb.

Sputnik Azərbaycan xəbər verir ki, fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

"Sapar Contemporary" inkubatoru varlığın fraqmentar təbiətini zamanla və landşaftda təhrif olunmuş xatirələr vasitəsilə tədqiq edən yeni "Aida Mahmudova: PASTPRESENTFUTURE" seriyasını təqdim edib. Qalereyanın Mərkəzi Asiya və Qafqazda fəaliyyət göstərən nüfuzlu qadın rəssamlara dəstək istiqamətində fasiləsiz səyləri çərçivəsində təşkil edilən "PASTPRESENTFUTURE" rəssamın Amerika Birləşmiş Ştatlarında ikinci fərdi sərgisidir.

Rəssam yeni əsərində yaradıcılıq prosesinin sırf emosional və instinktiv tərəfini önə çəkmək üçün xarici məhdudiyyətlərdən (ideoloji, siyasi və ya dini) kənarda mövcud olan əsərlər yaratmaq məqsədilə keçmişi, bu günü və gələcəyi vəhdət halında birləşdirir. Nəticədə birbaşa olaraq rəssamla rəsm texnikası arasındakı əlaqədən ilhamlanan və məfhumları çılpaq şəkildə göstərən güclü əsərlər yaradılır.

Ot və quru bitkilərdən istifadə edilərək və rəssamın impressionist toxunuşları nəticəsində ərsəyə gələn "Roots" (2020) kimi əsərlər rəssamın vətəni Azərbaycanda rast gəlinən landşaftın canlandırıcı detallarını üzə çıxarır. Yer kürəsinin səthi ilə bağlı reallıqlara baş vuran Aida Mahmudovanın təsvir etdiyi bu proses təbiəti xatirələri oyadan nostalji hissi ilə doldurur. Təbəqələrin yaradılması və ya onların bir-birindən ayrılması, habelə quru bitkilər, keramika, mis də daxil olmaqla müxtəlif materialların qarışdırılması prosesi rəssam üçün fiziki olaraq böyümə və emosional şəfa tapma məqsədilə edilən məşğələyə çevrilir.

Azərbaycanın paytaxtı Bakıda yaşayıb fəaliyyət göstərən Aida Mahmudovanın rəsm əsərləri onun seçdiyi materialların fiziki təbiəti və üstünlük verdiyi dünyəvi palitrası ilə ahəngdar şəkildə uzlaşır. Onun olduqca intuitiv xarakter daşıyan axtarışları xarici sədlərdən yan keçən sevgi, itki, yaddaş və istək kimi universal insan hisslərinin bütün spektri üzrə inkişaf etməyə davam edir. Rəssamın sözlərinə görə, "cəmiyyətin bir hissəsi olaraq, biz varlığın təbiətini, başqaları ilə qarşılıqlı münasibətlərimizi müəyyən dərəcədə məhdudlaşdırırıq və bununla da ibtidai ünsiyyət kanallarını itiririk. Mənim üçün incəsənətin heç bir sərhədi yoxdur - o, ünsiyyətin istənilən forması üçün açıqdır, yaradıcılıq prosesi isə insan tərəfindən yaradılmış və buna görə də olduqca kövrək olan fundamental prinsipləri bu və ya digər dərəcədə məhv edir".

9
Kitabxana

Mədəniyyət işçiləri üçün böyük töhfə

0
(Yenilənib 00:38 16.01.2021)
Piter Stiven Pol Bruk "Karamazov qardaşları", "Dəfn olunmamış ölülər", "Qış nağılı", "Böyük inkvizitor", "Dilənçilər operası", "Yeddi gün, yeddi gecə" kimi məşhur teatr tamaşalarının, bədii və sənədli filmlərin müəllifidir.

BAKI, 16 yanvar — Sputnik. Dövlət Tərcümə Mərkəzi teatrşünaslıq, rejissor və aktyor sənətinin tədrisinə töhfə olaraq İngiltərənin görkəmli teatr və kino rejissoru, nəzəriyyəçisi Piter Stiven Brukun Azərbaycan dilinə tərcümə edilmiş məqalə və müsahibələrinin toplandığı "Boş məkan" kitabını nəşr edib.

Sputnik Azərbaycan xəbər verir ki, "Cansız teatr", "Müqəddəs teatr", "Kobud teatr", "Teatr", "Y.Kaqarlitski" başlıqlı fəsillər üzrə toplanmış əsərlər teatr mühitinin pərdəarxası, aktyorluq və rejissorluq sənətinin görünən və gizli tərəfləri, sənət aləmində baş verən proseslərin izahını dərin təhlil və araşdırmalarla verir.

Əsərlərin tərcümə müəllifi İlqar Əlfioğlu, redaktoru Rəbiqə Nazimqızıdır. Kitab Dövlət Tərcümə Mərkəzinin mətbəəsində çap edilib.

Qeyd edək ki, Piter Stiven Pol Bruk "Karamazov qardaşları", "Dəfn olunmamış ölülər", "Qış nağılı", "Böyük inkvizitor", "Dilənçilər operası", "Yeddi gün, yeddi gecə" kimi məşhur teatr tamaşalarının, bədii və sənədli filmlərin müəllifidir. O, həmçinin 1968-ci ildə Parisdə yaradılmış Beynəlxalq Teatr Araşdırmaları Mərkəzinin təsisçisidir. "Britaniya imperiyası", "Şərəf legionu" ordenlərinə layiq görülüb. "Avropa teatr mükafatı", "Kioto" və "Beynəlxalq İbsen mükafatı" kimi ödüllərlə də təltif edilib. Onun əsərləri Azərbaycanda ilk dəfə nəşr olunur.

0