ABŞ polis əməkdaşı, arxiv şəkli

Floydun öldüyü yerdə. ABŞ polisi əməlini təkrarladı - VİDEO

21
(Yenilənib 15:50 31.12.2020)
​Nəşr yazır ki, çərşənbə günü axşam hadisə yerinə 100-dək etirazçı gəlib. Onlar polislərə qartopu və söyüşlər yağdırıblar. 

BAKI, 31 dekabr - Sputnik. Mayın sonlarında afroamerikalı Corc Floydun öldürülməsi ilə kütləvi etiraz və iğtişaşların başladığı Minneapolisdə yenə qətl olub - polis gülləsi alan kişi həlak olub.

Sputnik Azərbaycan bildirir ki, bu barədə yerli Star Tribune qəzeti yazıb.

Bildirilir ki, polislər çərşənbə günü axşam avtomobili yoxlamaq üçün sürücünü daandırmağa çalışdıqlarını, sürücünün isə onlara atəş açdığını deyiblər. Polislərdən birinin açdığı cavab atəşindən sürücü həlak olub, avtomobildəki qadın isə xəsarət almayıb. 

​Nəşr yazır ki, çərşənbə günü axşam hadisə yerinə 100-dək etirazçı gəlib. Onlar polislərə qartopu və söyüşlər yağdırıblar. 

Yerli polis rəisi Medaria Arradondo mümkün qədər tez bir zamanda polisin üzərində olan kameradakı görüntüləri ictimailəşdirməyə söz verib, yerli sakinləri sakitləşməyə və polislərə araşdırma aparmağa şərait yaratmağa səsləyib.

"Bir polis rəhbəri olaraq şəhərimizin uğradığı travmanı dərk edirəm, sülhün qorunması üçün biz əlimizdən gələni etməyə hazırıq... Şəhərimizin başına çox iş gəldi. Bizim zabitlərimizin təhlükəsizliyini, cəmiyyətimizin təhlükəsizliyini qorumalıyıq, hətta sizə deyirəm ki, bu cinayət yerini də qorumalıyıq", - Arradondo söyləyib. 

​Polis həlak olanın şəxsiyyətini açıqlamayıb. Həmçinin onun afroamerikalı olub-olmaması da bəlli deyil. Atışmada neçə polisin iştirak etdiyi də açıqlanmır. 

Qeyd edək ki, mayın sonlarında ABŞ-ın Minnesota ştatının Minneapolis şəhərində yerli sakin Corc Floyd saxta əskinasla alver etdiyi şübhəsi ilə həbs olunarkən ona qarşı polis zor tətbiq edib. Zabitin dizi altında sıxılan Floyd bir neçə dəfə boğulduğunu, nəfəs aldığını desə də, polislər ona məhəl qoymayıblar. Nəhayətdə xəstəxanaya çatdırılan afroamerikalı orada dünyasını dəyişib. Onun qətlindən sonra ABŞ-ın onlarla şəhərində, eləcə də dünyanın müxtəlif bölgələrində polis zorakılığı və irqçiliyə qarşı nümayişlər, iğtişaşlar başlanıb. 

21
Teqlər:
Black Lives Matter, etiraz, polis, qətl, Minneapolis, ABŞ

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Erməni əsgərlərinin dəbilqələri, arxiv şəkli

Ermənistan müharibədə ölən hərbçilərinin siyahısını yeniləyib - sayları durmadan artır

34
Ermənistanın Səhiyyə naziri Anait Avanesyan bildirib ki, hər gün 30 meyitin ekspertizasını həyata keçirilər.

BAKI, 21 yanvar - Sputnik. Ermənistanın Səhiyyə Nazirliyi İkinci Qarabağ müharibəsində həlak olmuş 3450 əsgərinin meyitini ekspertizadan keçirib.

Sputnik Ermənistan-ın məlumatına görə, bu barədə səhiyyə naziri Anait Avanesyan bildirib.

Hökumətin iclasından sonra jurnalistlərə açıqlama verən nazir qeyd edib ki, hər gün 30 meyitin şəxsiyyəti müəyyənləşdirilir.

O, hələ də şəxsiyyətləri müəyyənləşdirilməyən meyitlərin olduğunu etiraf edib. Nazir jurnalistlərin nə qədər meyitin şəxsiyyətinin müəyyənləşdirilməməsi barədə sualına cavab verməyib. Lakin bildirib ki, meyitlərin tanınması prosesi sürətlənib.

Ötən gün Ermənistanın baş nazirinin müavini Tiqran Avinyan Qarabağ müharibəsində 3 439 hərbi qulluqçunun həlak olduğunu açıqlayıb.

34