BAKI, 22 dekabr — Sputnik. Ermənistanda bu dəfə sürücülər arasında yeni bir qiyam baş verə bilər. Bu barədə Sputnik Ermənistan "Johovurd" nəşrinə istindən xəbər verir.

Nəşr qeyd edir ki, son bir neçə gün ərzində ölkədə yanacağın – benzin, sıxılmış təbii qaz və adi qazın qiyməti durmadan artır.

Belə ki, son günlərdə "adi" benzin 350 dramdan (1,24 AZN) 370 drama (1,31 AZN), sıxılmış təbii qazın qiyməti 180 dramdan (0,64 AZN) 190 drama (0,67 AZN), təbii qaz isə bir kiloqram üçün hazırda 320-330 dramdır (1,13 – 1,17 AZN). Bu arada bu Ermənistanda qazın qiymətinin qalxmasına dair ikinci haldır. Belə ki, iyulda qiymət 310 drama (1,10 AZN) qalxmışdı.

Məqalədə qeyd olunur ki, kompressorlar stansiyasının işçiləri qiymət artımını dramın dollara devalvasiyası ilə əlaqələndirir.

Son zamanlar dolların drama olan kursu təxminən 10% artıb, bu hal isə Ermənistanda yanacağın qiymətinə təsir edir.

BAKI, 16 yanvar - Sputnik. Parisdə bu ilin ilk "Azadlıq marşı" keçirilir. Aksiya iştirakçılarının tələbi dəyişməzdir - onlar parlamentin nəzərdən keçirdiyi "Qlobal təhılükəsizlik haqda" qanuna qarşıdırlar. 

Sputnik Fransa xəbər verir ki, sulu qar və koronavirus epidemiyası səbəbindən məhdudlaşmaların sərtləşdirilməsi etirazçılara küçələrə çıxmağa əngəl törətməyib. 

​Etirazları "yeniləməyə" Milli Jurnalistlər Birliyi çağırıb. İnsanlar yerli vaxtla 14:00-da Bastiliya meydanına doğru hərəkət ediblər. Xeyli sayda polis təhlükəsizliyi qorumaq üçün cəlb edilib. 

Hələlik aksiyanın dinc keçdiyi bildirilir. 

​Ötən il noyabrın 24-də Milli Şura "Qlobal təhlükəsizlik haqda" qanun layihəsini birinci oxunuşda qəbul edib. Onun 24-cü maddəsi polisin, jandarmın vəzifələrini icra edən zaman "onların fiziki və ya psixi toxunulmazlığına açıq-aşkar xələl gətirmək məqsədilə" "üzünün şəklinin, yaxud digər identifikasiya elementinin" yayılmasına görə 45 min avro cərimə və həbs cəzasını nəzərdə tutur. 

​Bu maddə jurnalistlərin həmkarlar ittifaqının narazılığna səbəb olub, onlar hesab edirlər ki, bu, söz azadlığına ciddi ziyan vuracaq, vətəndaşlar və KİV isə manifestasiyalar zamanı hüquq-mühafizə orqanlarının əməkdaşlarının işini asudə işıqlandıra bilməyəcəklər. Milli Şura tənqid olunan maddəni yenidən yazmağa qərar versə də həmkarlar ittifaqları yenidən etirazlara səsləyiblər. Parlamentin yuxarı palatası isə qətnaməyə yanvarda baxacaq.