Hande Erçel

Türk aktrisası "Dünyanın ən gözəl qadını" seçildi

30
(Yenilənib 15:32 21.12.2020)
Elçin Sangu 83, Neslihan Atagül 89-cu sıralarda qərarlaşıb. Qeyd edək ki, "Top Beauty World" adlı yarışmanı "Los Anceles Kosmetik Cərrahiyyə Klinikası" 6 ildir davamlı şəkildə keçirir

BAKI, 21 dekabr — Sputnik. "Sen Çal Kapımı" serialının ulduzu Hande Erçel ABŞ-nın "Top Beauty World" adlı yarışmasında "Dünyanın ən gözəl qadını" seçilib.

Sputnik Azərbaycan Türkiyə mətbuatına istinadən xəbər verir ki, siyahıda 100 gözəl qadın arasında birinci yerə layiq görülən aktrisa,"Top Beauty World 2020"nin "Ən Gözəl 100 Qadını" siyahısının qalibi olub.

Siyahıda daha 5 türk aktrisası - Tuba Büyüküstün 29, Fahriye Evcen 45, Demet Özdemir 75, Elçin Sangu 83, Neslihan Atagül 89-cu sıralarda qərarlaşıb. Qeyd edək ki, "Top Beauty World" adlı yarışmanı "Los Anceles Kosmetik Cərrahiyyə Klinikası" 6 ildir davamlı şəkildə keçirir.

30

Məşhur italyan mafiyasının 50 üzvü həbs edilib - sıralarında partiya sədri var

4
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

4
Teqlər:
mafiya, İtaliya
Erməni əsgərlərinin dəbilqələri, arxiv şəkli

Ermənistan müharibədə ölən hərbçilərinin siyahısını yeniləyib - sayları durmadan artır

34
Ermənistanın Səhiyyə naziri Anait Avanesyan bildirib ki, hər gün 30 meyitin ekspertizasını həyata keçirilər.

BAKI, 21 yanvar - Sputnik. Ermənistanın Səhiyyə Nazirliyi İkinci Qarabağ müharibəsində həlak olmuş 3450 əsgərinin meyitini ekspertizadan keçirib.

Sputnik Ermənistan-ın məlumatına görə, bu barədə səhiyyə naziri Anait Avanesyan bildirib.

Hökumətin iclasından sonra jurnalistlərə açıqlama verən nazir qeyd edib ki, hər gün 30 meyitin şəxsiyyəti müəyyənləşdirilir.

O, hələ də şəxsiyyətləri müəyyənləşdirilməyən meyitlərin olduğunu etiraf edib. Nazir jurnalistlərin nə qədər meyitin şəxsiyyətinin müəyyənləşdirilməməsi barədə sualına cavab verməyib. Lakin bildirib ki, meyitlərin tanınması prosesi sürətlənib.

Ötən gün Ermənistanın baş nazirinin müavini Tiqran Avinyan Qarabağ müharibəsində 3 439 hərbi qulluqçunun həlak olduğunu açıqlayıb.

34