İtaliyada epidemioloji vəziyyət

Britaniya virusu Romaya da çatdı

143
Bir neçə gün əvvəl Böyük Britaniyadan Romanın "Fyumiçino" aeroportuna gələn təyyarədən düşən pasiyent və onun partnyoru ailələri və yaxın dost çevrəsi ilə birlikdə təcrid olunublar

BAKI, 20 dekabr - Sputnik. Koronavirusun yeni, çox yoluxucu mutasiyası İtaliyaya Böyük Britaniyadan gəlmiş şəxsdə aşkarlanıb.

Sputnik Azərbaycan bildirir ki, bu barədə İtaliyanın Səhiyyə Nazirliyi xəbər yayıb.

Son günlər Böyük Britaniyanı "çalxalayan" SARS-CoV-2 virusunun genomu Romadakı Çelio hərbi hospitalının mütəxəssisləri tərəfindən aşkar olunub.

"Bir neçə gün əvvəl Böyük Britaniyadan Romanın "Fyumiçino" aeroportuna gələn təyyarədən düşən pasiyent və onun partnyoru ailələri və yaxın dost çevrəsi ilə birlikdə təcrid olunublar. Onlar Səhiyyə Nazirliyinin təyin elədiyi bütün prosedurlara riayət ediblər", - məlumatda deyilir.

Dekabrın 14-də Böyük Britaniyanın Səhiyyə naziri Mett Henkok bildirmişdi ki, britaniyalı alimlər koronavirusun məlum ştammlardan daha tez yayılan növünü aşkarlayıblar. Ölkənin Baş naziri Boris Conson isə deyib ki, ilkin məlumatlara görə, yeni mutasiyanın yoluxuculuğu 70% daha çoxdur.

Bu səbəbdən dekabrın 20-dən ölkənin cənub-şərqində, eləcə də Londonda dördüncü səviyyə məhdudlaşdırma tətbiq edilib. Bu tədbirə görə, ilkin tələbat malları satanlardan başqa digər bütün mağazalar, trenajor zalları, bərbərxanalar və digər müəssissələr bağlanır. İnsanlara evlərindən çıxamamaq tövsiyə olunur.

Yeni mutasiya səbəbindən bir çox Avropa ölkələri Böyük Britaniya ilə avia və dəmiryolu əlaqəsini kəsməyə məcbur olublar.

143
Teqlər:
hərbi hospital, İtaliya, Böyük Britaniya, mutasiya, Koronavirus, epidemiya, COVID-19
Mövzu:
Yeni tip koronavirus pandemiyası (586)
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

15
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

15
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

15
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

15