Binyamin Netanyahu, arxiv şəkli

Qonşuluğumuzda yeni koalisiya: İranı dayandırmaq üçün razılığa gəldilər

275
(Yenilənib 11:57 14.12.2020)
İsrailin baş naziri İranın bütün dünyada sülhü təhdid etdiyini vurğulayaraq "Dünya sülhü üçün bu böyük təhdidin qarşısını almaq məqsədi ilə hamımız birləşməliyik", - deyib.

BAKI, 14 dekabr — Sputnik. İsrail dövlətində rəsmi səfərdə olan ABŞ-ın milli təhlükəsizlik məsələləri üzrə müşaviri Robert O'Brayen baş nazir Benyamin Netanyahu ilə görüşüb. Sputnik Azərbaycan-ın Anadolu Agentliyinə istinadla yaydığı xəbərə görə, Netanyahu Qərbi Qüdsdəki iqamətgahında O'Brayenlə birgə keçirdiyi mətbuat konfransında İranın dünyada sülhü təhdid etdiyini vurğulayaraq: "Dünya sülhü üçün bu böyük təhdidin qarşısını almaq məqsədi ilə hamımız birləşməliyik", - deyib.

İranın bölgədəki və dünyadakı "terror təşkilatlarını" dəstəklədiyini iddia edən Netanyahu: "Əgər bu gün İran İslam Respublikasının qarşısı alınmasa, sabah Avropa və Amerikanı hədəf ala biləcək nüvə başlıqlı raketlərə sahib olacaq və qlobal bir tirana çevriləcək. Beləliklə, hər kəsi təhlükəyə atacaq", - deyə qeyd edib.

Birləşmiş Ərəb Əmirlikləri (BƏƏ), Bəhreyn, Sudan və Mərakeşin İsrail ilə münaibətlərinin normallaşmasında ABŞ-ın böyük rol oynadığını vurğulayan baş nazir üzünü ABŞ təmsilçisinə tutaraq: "Prezident Donald Tramp Tehranın nazı ilə oynamaq yerinə, ən ağır sanksiyalar tətbiq etmə siyasəti apardı. Bu siyasət Yaxın Şərqdə böyük dəstək qazandı. İsraillilər və ərəblər Trampı İranla bağlanmış ən pis nüvə anlaşmasından çıxarkən təqdir etdilər. İndi İsrail İranı dayandırmaq üçün ABŞ və ərəb ölkələri ilə razılığa gəlib. O'Brayen, məncə, siz də bunu təsdiqləyirsiniz", - deyib.

O'Brayen isə İsrailin ərəb ölkələri ilə razılığa gəlməsinin vacibliyini vurğulayaraq, "Bu razılaşmaların hamısı çox vacib idi, ancaq bunlardan heç biri yəhudi xalqı ilə tarixi əlaqələri olan Mərakeşlə bağlanan müqavilə qədər mühüm deyildi" ifadələrini işlədib.

Qeyd edək ki, ABŞ-ın milli Təhlükəsizlik məsələləri üzrə müşaviri Robert O'Brayenin İsrailə rəsmi səfəri dekabrın 13-də başlamışdı.

 

275
Teqlər:
nüvə silahı, ərəb ölkələri, razılıq, Benyamin Netanyahu, ABŞ, İsrail, İran
Skamyada yatan adam, arxiv şəkli

Kiminin əvvəli, kiminin axırı - Məşhur model küçələrdə yaşayır

0
(Yenilənib 10:26 16.01.2021)
Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır

BAKI, 16 yanvar — Sputnik. Bir vaxtların məşhur modeli Loni Uillison hazırda küçədə yaşayır.

Sputnik Azərbaycan xarici mediaya istinadən xəbər verir ki, Kaliforniya ştatında yaşayan model ötən gün zibil qutularını qarışdırarkən jurnalistlərin obyektivlərinə tuş gəlib.

​Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır.

 

0
Co Bayden, arxiv şəkli

Məşhur müğənnilər Co Baydenin andiçmə mərasimində çıxış edəcəklər

4
(Yenilənib 09:38 16.01.2021)
Qeyd edək ki, ABŞ-ın yeni seçilmiş prezidenti Cozef Baydenin andiçmə mərasimi yanvarın 20-də Kapitolinin qarşısında baş tutacaq

BAKI, 16 yanvar — Sputnik. Dünyaca məşhur müğənnilər Cennifer Lopez və Ledi Qaqa ABŞ-ın yeni seçilmiş prezidenti Co Baydenin andiçmə mərasimində çıxış edəcəklər. Bu barədə Sputnik Azərbaycan xarici mətbuata istinadən xəbər verir.

"Bu insanlar böyük xalqımızın bütün müxtəlifliyini təmsil edirlər", - deyə andiçmə komitəsinin nümayəndəsi Toni Allena bildirib.

Qeyd edək ki, ABŞ-ın yeni seçilmiş prezidenti Cozef Baydenin andiçmə mərasimi yanvarın 20-də Kapitolinin qarşısında baş tutacaq.

4