ABŞ Prezidenti Donald Tramp, arxiv şəkli

Trampdan ağır ittiham - FTB ilə Ədliyyə Nazirliyinin əli var

28
Trampın sözlərinə görə, Respublikaçılar partiyasının üzvləri saxtakarlıqlar barədə kifayət qədər məlumat toplayıblar, ancaq hakimlər həmin məlumatların üzə çıxarılması üçün onlara imkan yaratmırlar

BAKI, 29 noyabr - Sputnik. ABŞ-ın fəaliyyətdə olan Prezidenti Donald Tramp bəyan edib ki, ABŞ Ədliyyə Nazirliyinin və Federal Təhqiqat Bürosunun əməkdaşlarının prezident seçkisindəki saxtakarlıq faktlarında əli ola bilər.

Sputnik Azərbaycan bildirir ki, bu barədə Fox News yazır.

O, bunu "kütləvi dələduzluq" adlandırıb.

"FTB ilə Ədliyyə Nazirliyi nə iş görürdülər? Bilmirəm, bəlkə də onların da əli var. <...> Bu seçki saxtalaşdırıldı, amma KİV bu barədə yazmaq istəmir", - Tramp deyib.

Ağ Evin sahibi əlavə edib ki, adını çəkdiyi qurumlar seçkidə pozuntuların olmasına rəğmən heç bir addım atmayıblar. Onun sözlərinə görə, Respublikaçılar partiyasının üzvləri saxtakarlıqlar barədə kifayət qədər məlumat toplayıblar, ancaq hakimlər həmin məlumatların üzə çıxarılması üçün onlara imkan yaratmırlar.

Noyabrın 3-də ABŞ-da prezident seçkisi keçirilib. Əsas namizədlər hazırkı Prezident, respublikaçı Donald Tramp və keçmiş dövlət katibi, Demokratlar partiyasından irəli sürülmüş Co Bayden idi.

Noyabrın 7-də ABŞ-ın aparıcı KİV-ləri - ABC News, FOX News, CNN, AP və NBC - Co Baydenin prezident seçkisində qalib gəldiyini yazdılar. O zaman rəsmi nəticə hələ elan edilməmişdi. 

Dünyanın bir çox ölkələrinin dövlət başçıları, o cümlədən Səudiyyə Ərəbistanı kralı, Türkiyə və Sloveniya prezidentləri, BMT-nin baş katibi artıq Baydenə təbrik məktubu göndəriblər.

 

28
Teqlər:
ittiham, Ədliyyə Nazirliyi, FTB, saxtakarlıq, parlament seçkisi, ABŞ, Donald Tramp

"Lotu Quli"nin məzarı üstündə atışma olub, 1 nəfər ölüb

9
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

9
 Rusiyada epdimioloji vəziyyət

Vaksini tapıblar, amma xeyri yoxdur: bir gündə 586 nəfər öldü

12
(Yenilənib 16:03 19.01.2021)
Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

 

BAKI, 19 yanvar — Sputnik. Son bir sutka ərzində Rusiyada 21734 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 586 nəfər ölüb.

Ümumilikdə, Rusiyada bu xəstəliyə yoluxanların sayı 3612800-ə çatıb. Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 95.5 milyonu keçib, 1,04 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

12
Mövzu:
Yeni tip koronavirus pandemiyası
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

0
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

0