İbrahim Tatlısəs

Türk musiqisinin "İmperator"u müflis oldu - müəllif hüquqlarını əlindən alıblar

52
İbrahim Tatlısəsin 10 illik ayrılıqdan sonra ekranlara qayıdışı bu gecə baş verəcək. Belə ki, "İbo Show" proqramının ilk buraxılışı bu axşam saat 21.00-da Star TV-də yayımlanacaq

 

BAKI, 14 noyabr — Sputnik. 10 ildən sonra tamaşaçıları ilə yenidən "İbo Show"" proqramında görüşən, türk musiqisinin "İmperator"u adlandırılan İbrahim Tatlısəs ötən gün mətbuat konfransı keçirib.

Sputnik Azərbaycan Türkiyə mətbuatına istinadən xəbər verir ki, mətbuat konfransında İbrahim Tatlısəs yenidən musiqiyə qayıtmasının əsl səbəbkarı kimi Ebru Gündeşin adını çəkib. Onun sözlərinə görə, Ebru Gündeş də ağır xəstəliyə qalib gəlib, yenidən səhnəyə qayıtmışdı. İndi isə həmin yolla özünün getdiyini bildirən İbrahim Tatlısəs: "75 yaşıma qədər mahnı oxuya bilərəm" deyib.

"İmperator"un mətbuat nümayəndələrinə verdiyi sonrakı açıqlama gözlənilməz olub. Belə ki, mal-mülkləri və bank hesablarına əl qoyulduğunu söyləyən İbrahim Tatlısəs: "Əsas məsələ odur ki, müəllif hüquqlarımı da əlimdən alıblar. Haqqsız yerə mənə qarşı belə hərəkət ediblər. Eyib deyilən bir şey var. Borcun alınması üzrə icra qoyan insan ölüb getsə, onda nə olacaq?" deyən sənətkar, səbrlə hadisələrin sonunu gözləyəcəyini də açıqlayıb.

Qeyd edək ki, İbrahim Tatlısəsin 10 illik ayrılıqdan sonra ekranlara qayıdışı bu gecə baş verəcək. Belə ki, "İbo Show" proqramının ilk buraxılışı bu axşam saat 21.00-da Star TV-də yayımlanacaq.

52
 Barak Obama, arxiv şəkli

Obamanı canlandıracaq şəxs məlum oldu

3
(Yenilənib 15:29 30.11.2020)
B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər"

BAKI, 30 noyabr — Sputnik. ABŞ-ın 44-cü prezidenti olan Barak Obamanın həyatını əks etdirən bioqrafik film ekranlaşdırılacaq.

Sputnik Azərbaycan xəbər verir ki, keçmiş prezident onun həyat yolundan bəhs ediləcək filmdə, baş qəhrəmanı-yəni özünün obrazını yaradacaq sənətçinin adını açıqlayıb.

Barak Obamanın sözlərinə görə, onun obrazını kanadalı rep ifaçısı Dreyk (Obri Dreyk Qrem) ifa edəcək.

B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər".

Keçmiş prezidentin bəyəndiyi repçi Dreyk isə 2010-cu ildən Barak Obamanın surətini ekranda yaratmaq istədiyini açıqlayıb: "Çox istəyirəm ki, tezliklə belə bir film çəkilsin və mən Obama rolunu ifa edim. Onu nə zaman ekranda görsəm, kanalı dəyişmirəm, diqqətlə Obamanı dinləyir, səs tonuna fikir verirəm".

Qeyd edək ki, Dreyk 2001-ci ildə "Degrassi: The Next Generation" serialında 7 sezon boyunca "Jimmy Brooks" obrazını ifa edib.

3
Hadisə yerində

İranlı nüvə alimin ölümündə yeni detallar

9
Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var.

BAKI, 30 noyabr — Sputnik. İranın nüvə alimi Möhsün Fəxrizadənin qətlində istifadə olunan silah İsraildə istehsal olunub. Sputnik Azərbaycan xəbər verir ki, bu barədə İranın "Press TV" telekanalı mənbəyə istinadən xəbər verir.

"Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var".

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

9
Teqlər:
İsrail, İran, Məhəmməd Cavad Zərif, Həsən Ruhani, Tehran, iranlı, alim, qətl

Azərbaycanda minaların partlaması nəticəsində 535 mülki şəxs ölüb

0
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

0