ABŞ Prezidenti Donald Tramp, arxiv şəkli

Donald Tramp: "Seçki Ali Məhkəmədə yekunlaşa bilər"

21
(Yenilənib 17:33 06.11.2020)
"Hələ çox məhkəmə prosesi olacaq. Çünki əlimizdə çoxlu dəlillər var və bu proses ölkəmizin ən yüksək məhkəməsində başa çata bilər. Bu seçkini bizdən oğurlamış ola bilərlər, buna görə də hələ çox məhkəmə iddiası qaldıracağıq!"

BAKI, 6 noyabr — Sputnik. ABŞ-ın hazırkı Prezidenti Donald Tramp 3 noyabr çərşənbə axşamı günü bu ölkədə keçirilən prezident seçkisi ilə bağlı Ağ Evdə mətbuat konfransı keçirib. Sputnik Azərbaycan-ın Türkiyənin NTV kanalına istinadən verdiyi məlumata görə, konfransda Tramp seçkilərin etibarlılığını təmin etmək üçün çox səy göstərdiklərini bildirib. "Verilən səslər qanuni şəkildə sayılarsa, bu seçkiləri asanlıqla qazanaram! Qanunsuz və gec gələn səsləri də saysanız (Demokratlar) bu seçkini bizdən oğurlaya bilər. Bu məsələ ilə məşğul olacağıq", – deyə Tramp bildirib.

Florida, Ayova, İndiana və Ohayo kimi mühüm ştatlarda seçkiləri onsuz da qazandıqlarını vurğulayan Tramp "Böyük medya, pul və texnoloji şirkətlərinin müdaxiləsinə baxmayaraq biz bu qələbələri əldə etdik", – deyə bildirib.

Senatdakı yerlərin əksəriyyətini qoruduqlarını və Nümayəndələr Palatasındakı yerlərini də itirmədiklərini bildirən Trump, "Nədənsə, axırda birdən-birə səslərimizin sayı möcüzəli şəkildə aşağı düşməyə başladı", – deyib.

Nəticələrin hələ dəqiqləşmədiyini vurğulayan Tramp Arizonada da seçkiləri qazanacaqlarına inandığını bildirib: "Seçkilərin təhlükəsizliyini qoruyacağıq və korrupsiyanın bu qədər əhəmiyyətli seçkinin nəticələrini oğurlamasına icazə verməyəcəyik. Heç kimin susdurulmasına və həqiqi olmayan nəticələrin qəbul edilməsinə yol verməyəcəyik".

İllərdir ölkəsində keçirilən seçkiləri yaxından izlədiyini vurğulayan Tramp, builki seçkidə bir çox qanun pozuntusu aşkar etdiklərini bildirib.

"Bütün qanuni səslər sayılmalıdır. Aydınlıq və şəffaflıq istəyirik. Gizli səsvermə otaqları, müəmmalı şəkildə açıq bülletenlər, seçki günündən sonra verilmiş qanunsuz səsləri qəbul etmirik", - deyə ABŞ lideri qeyd edib.

Trump dürüst seçki istədiklərini və bunun Amerika xalqının mənafeyinə uyğun olacağını bildirib: "Hələ çox məhkəmə prosesi olacaq. Çünki əlimizdə çoxlu dəlillər var və bu proses ölkəmizin ən yüksək məhkəməsində başa çata bilər. Bu seçkini bizdən oğurlamış ola bilərlər, buna görə də hələ çox məhkəmə iddiası qaldıracağıq!"

21
 Barak Obama, arxiv şəkli

Obamanı canlandıracaq şəxs məlum oldu

3
(Yenilənib 15:29 30.11.2020)
B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər"

BAKI, 30 noyabr — Sputnik. ABŞ-ın 44-cü prezidenti olan Barak Obamanın həyatını əks etdirən bioqrafik film ekranlaşdırılacaq.

Sputnik Azərbaycan xəbər verir ki, keçmiş prezident onun həyat yolundan bəhs ediləcək filmdə, baş qəhrəmanı-yəni özünün obrazını yaradacaq sənətçinin adını açıqlayıb.

Barak Obamanın sözlərinə görə, onun obrazını kanadalı rep ifaçısı Dreyk (Obri Dreyk Qrem) ifa edəcək.

B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər".

Keçmiş prezidentin bəyəndiyi repçi Dreyk isə 2010-cu ildən Barak Obamanın surətini ekranda yaratmaq istədiyini açıqlayıb: "Çox istəyirəm ki, tezliklə belə bir film çəkilsin və mən Obama rolunu ifa edim. Onu nə zaman ekranda görsəm, kanalı dəyişmirəm, diqqətlə Obamanı dinləyir, səs tonuna fikir verirəm".

Qeyd edək ki, Dreyk 2001-ci ildə "Degrassi: The Next Generation" serialında 7 sezon boyunca "Jimmy Brooks" obrazını ifa edib.

3
Hadisə yerində

İranlı nüvə alimin ölümündə yeni detallar

10
Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var.

BAKI, 30 noyabr — Sputnik. İranın nüvə alimi Möhsün Fəxrizadənin qətlində istifadə olunan silah İsraildə istehsal olunub. Sputnik Azərbaycan xəbər verir ki, bu barədə İranın "Press TV" telekanalı mənbəyə istinadən xəbər verir.

"Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var".

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

10
Teqlər:
İsrail, İran, Məhəmməd Cavad Zərif, Həsən Ruhani, Tehran, iranlı, alim, qətl
Baş Prokurorluq

Baş Prokurorluq əhaliyə müraciət etdi - səbirli olun

0
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

0
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər