Doha şəhəri, arxiv şəkli

Qətər ICESCO "Doha 2021 - İslam Mədəniyyəti Paytaxtı" tədbirlərini müzakirə ediblər

9
(Yenilənib 11:40 05.11.2020)
Qətər Mədəniyyət Nazirliyi "Doha 2021 – İslam Mədəniyyəti Paytaxtı" tədbirlərinin açılışını yanvarın 14-də, Beynəlxalq Kitab Sərgisi zamanı təşkil etməyi nəzərdə tutur.

BAKI, 5 noyabr — Sputnik. Məlum olduğu kimi, İslam Əməkdaşlıq Təşkilatı Mədəniyyət nazirlərinin 2009-cu il oktyabrın 15-də Bakıda keçirilmiş VI konfransında Qətərin paytaxtı Dohanın 2021-ci ildə İslam Mədəniyyəti Paytaxtı elan edilməsi barədə qərar qəbul edilmişdi.

Sputnik Azərbaycan xəbər verir ki, on bir ildən sonra – 2020-ci il noyabrın 1-də Qətərdə bu əlamətdar mədəniyyət hadisəsinə hazırlıq işləri barədə məlumat yayılıb. Bu münasibətlə Qətər Mədəniyyət Nazirliyi və İslam Dünyası Təhsil, Elm və Mədəniyyət Təşkilatı (ICESCO) arasında videokonfrans formatında müzakirə keçirilib.

Qətər və ICESCO-nun səlahiyyətli nümayəndələri İslam Mədəniyyəti Paytaxtı çərçivəsində keçiriləcək tədbirlər proqramı ətrafında fikir mübadiləsi aparıblar. Qeyd olunub ki, Dohada beynəlxalq sərgi, konfrans, simpoziumların, habelə mədəniyyət həftələrinin təşkili planlaşdırılır. COVID-19 pandemiyası ilə əlaqədar bir sıra tədbirlərin virtual təşkili də istisna edilmir.

Qətər Mədəniyyət Nazirliyi "Doha 2021 – İslam Mədəniyyəti Paytaxtı" tədbirlərinin açılışını yanvarın 14-də, Beynəlxalq Kitab Sərgisi zamanı təşkil etməyi nəzərdə tutur.

9
Rusiya Prezidenti Vladimir Putin, arxiv şəkli

Putin: "Ən böyük qazancımız qan tökülməsini dayandırmaq oldu"

0
(Yenilənib 17:15 24.11.2020)
Rusiya prezidenti ölkəsinin Dağlıq Qarabağdakı vəziyyətin normallaşmasında vasitəçilik üçün xeyli səy göstərdiyini bildirib.

BAKI, 24 noyabr — Sputnik. Rusiya Dağlıq Qarabağdakı vəziyyətin normallaşmasında vasitəçilik üçün xeyli səy göstərib. Sputnik Azərbaycan-ın RİA Novosti-yə istinadən yaydığı məlumata görə, bunu Rusiya Prezidenti Vladimir Putin deyib.

"Biz Dağlıq Qarabağda dostlarımız Azərbaycan və Ermənistanın minlərlə vətəndaşının həlak olmasına səbəb olan hərbi əməliyyatların dayandırılması üçün böyük səy göstərdik. Eyni zamanda, ATƏT-in Minsk Qrupunda, xüsusən həmsədrlər - Rusiya, ABŞ və Fransa arasında əldə olunan əsas razılaşmaları izlədik. Ən böyük qazancımız qan tökülməsini dayandırmaq, Rusiya, Azərbaycan prezidentləri və Ermənistan baş nazirinin üçtərəfli razılaşması ilə atəşkəsi bərqərar etmək oldu", – deyə o bildirib.

0
Teqlər:
Vladimir Putin, Rusiya, Ermənistan, müharibə, Qarabağ, Dağlıq Qarabağ, Azərbaycan
Mövzu:
Azərbaycan və Ermənistan arasında müharibə
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

12
(Yenilənib 16:26 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Fəridin səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

12
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə