ABŞ Prezidenti Donald Tramp, arxiv şəkli

Tramp: "Biz bu seçkidə qalib gəldik"

37
Tramp çıxışı zamanı qeyd edib ki, bir qrup şəxs amerikalıları öz iradələrini ifadə etmək hüququndan məhrum etmək istəyir.

Eldar Tanrıverdiyev, Sputnik Azərbaycan

BAKI, 4 noyabr — Sputnik. Biz bu seçkidə qalib gəldik. Sputnik Azərbaycan xəbər verir ki, bu sözləri Birləşmiş Ştatların Prezidenti Donald Tramp jurnalistlər qarşısında çıxışı zamanı bildirib.

O, eyni zamanda verdikləri dəstəyə görə amerikalılara təşəkkür edib: "Nəticələr fenomenaldır. Biz qalib gəlirik. Biz gözləmədiyimiz ştatlarda qalib gəlmişik".

Tramp çıxışı zamanı qeyd edib ki, bir qrup şəxs amerikalıları öz iradələrini ifadə etmək hüququndan məhrum etmək istəyir.

O vurğulayıb ki, seçkinin nəticələri ilə bağlı məsələnin həlli üçün Ali Məhkəməyə də getməyə hazırdır.

Qeyd edək ki, ötən gün ABŞ-da prezident seçkisi keçirilib. Seçkinin ilkin nəticələri açıqlanmağa başlayıb. Bu ana olan məlumata görə, hazırkı prezident, Respublikaçılar Partiyasından prezidentliyə namizəd Donald Tramp Seçicilər Kollegiyasının 213, onun Demokratlar partiyasından olan rəqibi Co Bayden isə 225 səsini alıb.

37
Teqlər:
çıxış, Donald Tramp, prezident seçkisi, ABŞ
Əlaqədar
Seçici səslərinin sayına görə Donald Tramp irəlidədir
Tramp: "Qələbəmi oğurlamaq istəyirlər"
Politoloq: “Yeni prezident ABŞ xarici siyasətinə kardinal dəyişiklik etməyəcək”
Co Bayden, arxiv şəkli

Pentaqon hakimiyyətin Baydenə ötürülməsi prosesində iştirakını təsdiqlədi

1
Bundan əvvəl ABŞ Federal Hökuməti Ümumi Xidmətlər İdarəsi faktiki olaraq Baydenin seçkidə qazandığı qələbəni tanıyıb və prezident səlahiyyətlərinin ötürülməsi prosesinə başlamağa hazır olduğunu bildirib.

BAKI, 24 noyabr — Sputnik. ABŞ Müdafiə Nazirliyi hakimiyyətin Co Baydenə verilməsi proseduruna başlanılması barədə məlumat aldığını açıqlayıb. Sputnik Azərbaycan-ın RİA Novosti-yə istinadla verdiyi məlumata görə, Pentaqon bu barədə açıqlama yayıb.

Bundan əvvəl ABŞ Federal Hökuməti Ümumi Xidmətlər İdarəsi (GSA) faktiki olaraq Baydenin seçkidə qazandığı qələbəni tanıyıb və prezident səlahiyyətlərinin ötürülməsi prosesinə başlamağa hazır olduğunu bildirib.

Pentaqondan o da qeyd olunub ki, departament artıq GSA və Baydenin nümayəndələri ilə əlaqə yaradıb.

"Nazirlik, prezident səlahiyyətlərinin ötürülməsi ilə bağlı qanuna uyğun olaraq, Ümumi Xidmətlər İdarəsinin rəhbərinin Bayden və Harrisin keçici qərargahına müəyyən resurslar və xidmətlər təqdim etdiyinə dair məlumat alıb. Biz də dərhal dəstək planımızı həyata keçirməyə başlayacağıq (Bayden qərargahına –red.)", – deyə Pentaqonun açıqlamasında bildirilir.

Qeyd edək ki, ABŞ-da prezident seçkisi noyabrın 3-də baş tutsa da, hələlik rəsmi nəticə elan olunmayıb. ABŞ KİV-lərinin yaydığı məlumata görə, demokratların namizədi Bayden qələbə qazanmaq üçün kifayət qədər səs toplaya bilib. Bir sıra dünya liderləri artıq onu təbrik ediblər.

Seçkinin nəticəsi ilə razılaşmayan hazırkı prezident Donald Tramp isə rəqibini "səsləri oğurlamaqda" ittiham edib.

ABŞ-ın növbəti prezidentinin andiçmə mərasiminin 2021-ci ilin yanvar ayının 20-də baş tutması gözlənilir.

1
Teqlər:
prezident seçkiləri, Pentaqon, Donald Tramp, Co Bayden
Ancelina Coli, arxiv şəkli

Ancelina Coli fotoqrafın həyatından film çəkəcək

5
Filmdə fotoqraf Don Makklinin həyatından bəhs olunacaq. Ancelina Don Makklin kimi fotoqrafın həyatını lentə alacağı üçün xoşbəxt olduğunu bildirib.

 

BAKI, 23 noyabr — Sputnik. Hollivud ulduzu Ancelina Coli yeni layihəsi ilə gündəmə gəlib. Sputnik Azərbaycan xəbər verir ki, məşhur aktrisa rejissor fəaliyyətinə davam edəcək. Ancelina 4 il aradan sonra yenidən film çəkəcək. Aktrisanın budəfəki ekran işi "Unreasonable Behaviour" adlanır.

Filmdə fotoqraf Don Makklinin həyatından bəhs olunacaq. Ancelina Don Makklin kimi fotoqrafın həyatını lentə alacağı üçün xoşbəxt olduğunu bildirib.

Qeyd edək ki, Coli ilk dəfə rejissor kimi özünü 2011-ci ildə sınayıb. "Unreasonable Behaviour" isə aktrisanın beşinci ekran işi olacaq.

5
Teqlər:
rejissor, film, Ancelina Coli