Eldar Tanrıverdiyev, Sputnik Azərbaycan
BAKI, 4 noyabr — Sputnik. Birləşmiş Ştatlar prezidenti Donald Tramp bəyan edib ki, onun qələbəsini oğurlamaq istəyirlər, lakin o bunun edilməsinə imkan verməyəcək. Sputnik Azərbaycan xəbər verir ki, bunu ABŞ Prezidenti öz rəsmi "Twitter" hesabında bildirib.
"Biz irəliləyirik, lakin onlar seçkiləri oğurlamaq istəyirlər. Biz heç vaxt onlara bunu etməyə imkan verməcəyik", - deyə Tramp yazıb.
We are up BIG, but they are trying to STEAL the Election. We will never let them do it. Votes cannot be cast after the Polls are closed!
— Donald J. Trump (@realDonaldTrump) November 4, 2020
O, həmçinin bildirib ki, seçki məntəqələri bağlandıqdan sonra səs vermək olmaz.
Qeyd edək ki, ötən gün ABŞ-da prezident seçkisi keçirilib. Seçkinin ilkin nəticələri açıqlanmağa başlayıb. Bu ana olan məlumata görə, hazırkı prezident, Respublikaçılar Partiyasından prezidentliyə namizəd Donald Tramp Seçicilər Kollegiyasının 212, onun Demokratlar partiyasından olan rəqibi Co Bayden isə 223 səs alıb.