Yerli sakinlər və rəsmilər İzmirdə zəlzələdən sonra sağ qalanları axtarırlar

Türkiyədə bir gündə iki zəlzələ: ölən xəsarət alanların sayı artdı - YENİLƏNİB

522
(Yenilənib 02:46 31.10.2020)
Bu gün yerli vaxtla saat 14:51-də Türkiyənin İzmir şəhərində 6,6 bal gücündə zəlzələ baş verib. Yeraltı təkanlar Egey dənizi bölgəsi ilə yanaşı, İstanbul və Mərmərə bölgəsində də hiss olunub

BAKI, 31 oktyabr - Sputnik. İzmirdə baş verən zəlzələdə dünyasını dəyişənlərin sayı 20-yə yüksəldi. Xəsarət alanların sayı artıq 786-dır.

Sputnik Azərbaycan NTV telekanalına istinadən bildirir ki, dağılan 4 binanın ərazisində xilasetmə işləri başa çatıb, daha 13-də isə hələ də davam edir. Bildirilir ki, birinci zəlzələdən sonra ən böyük maqnitudası 5,1 olan 244-dən çox təkan (afterşok) qeydə alınıb.

 

--------------

31.10.2020

00:29

İzmirdəki zəlzələdə həlak olanların sayı 17-yə, xəsarət alanların sayı 709-a çatdı.

Sputnik Azərbaycan NTV telekanalına istinadən bildirir ki, dağılan 17 binanın ərazisində xilasetmə işləri davam edir. Bildirilir ki, birinci zəlzələdən sonra ən böyük maqnitudası 5,1 olan 170-dən çox təkan (afterşok) qeydə alınıb.

 

-------------

30.10.2020

23:21

İzmirdəki zəlzələdə xəsarət alanların sayı 607-yə çatdı.

Sputnik Azərbaycan NTV telekanalına istinadən bildirir ki, dağılan 17 binanın ərazisində xilasetmə işləri davam edir. Bildirilir ki, birinci zəlzələdən sonra ən böyük maqnitudası 5,1 olan 140-dan çox təkan (afterşok) qeydə alınıb.

 

--------

22:22

İzmirdəki zəlzələdə xəsarət alanların sayı 522-yə yüksəldi.

Sputnik Azərbaycan NTV telekanalına istinadən bildirir ki, Seferihisarda zəlzələdən sonra küçələri 1 m qalınlıqda su basıb. Suyun səviyyəsinin 10 dəfə qalxıb-endiyi bildirilir.

 

-------

21:20

Türkiyənin İzmir şəhərində zəlzələ nəticəsində həlak olan və yaralananların sayı artıb.

Sputnik Azərbaycan NTV telekanalına istinadən bildirir ki, 12 nəfər həlak olub, 419 nəfər xəsarət alıb. 17 binanın dağıntıları arasında xilasetmə işləri aparılır.

Bildirilir ki, birinci zəlzələdən sonra ən böyük maqnitudası 5,1 olan yüzlərlə təkan (afterşok) qeydə alınıb.

-------

20:41

Türkiyə sahillərində gün ərzində ikinci zəlzələ baş verib. Sputnik Azərbaycan Anadolu agentliyinə istinadən bildirir ki, ölkənin cənub-qərbindəki Aydın vilayətinin Quşadası rayonundan 20 km aralıda, Egey sahillərində 5.1 maqnitudalı təkan olub. Dağıntı və tələfat haqda hələlik məlumat yoxdur.

Bu gün İzmirdə baş verən zəlzələdə isə 6 nəfər həlak olub, 300-dən çox insan xəsarət alıb.

 

--------

19:09

Türkiyənin İzmir şəhərində baş verən zəlzələdə xəsarət alanların sayı 202-yə çatıb.

Sputnik Azərbaycan NTV telekanalına istinadən bildirir ki, zərər görən və dağılan 12 binada xilasetmə işləri davam edir. Məlumata görə, 6 nəfər həlak olub, onlardan biri boğularaq ölüb. İzmir valisi 70 nəfərin dağıntılar altından sağ qurtarıldığını açıqlayıb.

-------

18:46

Türkiyənin İzmir şəhərində baş verən zəlzələdə xəsarət alanların sayı 152-yə çatdı.

Sputnik Azərbaycan NTV telekanalına istinadən bildirir ki, zərər görən və dağılan 12 binada xilasetmə işləri davam edir. Məlumata görə, 4 nəfər həlak olub, onlardan biri boğularaq ölüb.

------

18:01

Türkiyənin İzmir şəhərində baş verən zəlzələdə ilkin məlumatlara  görə, 4 nəfər həlak olub.

Sputnik Azərbaycan Türkiyənin NTV kanalına istinadən bildirir ki, 120 nəfərin müxtəlif dərəcəli xəsarət aldığı bildirilir.

Məlumatı Türkiyənin Fövqəladə Hallar Nazirliyi (AFAD) yayıb.

Qeyd edək ki, bu gün yerli vaxtla saat 14:51-də Türkiyənin İzmir şəhərində 6,6 bal gücündə zəlzələ baş verib. Yeraltı təkanlar Egey dənizi bölgəsi ilə yanaşı, İstanbul və Mərmərə bölgəsində də hiss olunub.

Türkiyə Fövqəladə Hallar Nazirliyinin (AFAD) məlumatına görə, zəlzələnin episentri İzmirin Seferihisar rayonudur. Beş binanın tamamilə dağıldığı, xeyli evin zərər gördüyü bildirilir. İnsanlar panikaya düşərək küçələrə çıxıblar.

522
Teqlər:
ölənlər və yaralılar, zəlzələ, İzmir, Türkiyə
Əlaqədar
İlham Əliyev Ərdoğana zəng vurdu: Qardaş ölkəyə hər cür yardım göstərməyə hazırıq
Ceyhun Bayramov İzmirdəki zəlzələ barədə: "Keçmiş olsun, dualarımız sizinlə!"
Azərbaycan İzmirdəki zəlzələ ilə bağlı Türkiyəyə kömək təklif edib
Ərdoğan: "Dövlətimizin bütün imkanları ilə zəlzələdən əziyyət çəkənlərin yanındayıq"
Türkiyədə güclü zəlzələ oldu
COVID-19 virusundan ölən şəxsin meyiti morqa yerləşdirilir, arxiv şəkli

Ermənistanda bir gündə 38 nəfər koronavirusdan öldü

6
(Yenilənib 17:55 25.11.2020)
Ermənistanda son gündə daha 38 nəfər ölüb. Ümumilikdə bu virusdan ölənlərin sayı 2040-a çatıb. Xəstəlikdən sağalanların sayı 100913 nəfər olub.

BAKI, 25 noyabr — Sputnik. Ermənistanda koronavirusa yoluxanların sayı 129085-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 1563 nəfər artıb.

Ermənistanda son gündə daha 38 nəfər ölüb. Ümumilikdə bu virusdan ölənlərin sayı 2040-a çatıb. Xəstəlikdən sağalanların sayı 100913 nəfər olub. Hazırda bu ölkədə 25619 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Teqlər:
yoluxma, Koronavirus, COVID-19, Ermənistan
Nikol Paşinyan, arxiv şəkli

Əvvəl siyasətçilər, sonra hərbçilər, indi alimlər - Hər kəs onun istefasını istəyir

22
(Yenilənib 16:34 25.11.2020)
Ermənistan Milli Elmlər Akademiyası ölkə rəhbərliyinin elmə qarşı passiv münasibətini də tənqid edib.

BAKI, 25 noyabr — Sputnik. Ermənistan Milli Elmlər Akademiyasının (EMEA) Prezidiumu Ermənistan Baş naziri Nikol Paşinyan və onun hökumətinin istefaya göndərilməsini tələb edir. Sputnik Ermənistan xəbər verir ki, bu barədə məlumat EMEA-nın rəsmi saytında bildirilir.

EMEA, həmçinin Qarabağla bağlı üçtərəfli bəyanatı erməni xalqı üçün alçaldıcı hesab edir.

Bundan əlavə, bəyanatda qeyd olunur ki, EMEA ölkə rəhbərliyinin elmə qarşı passiv münasibətini də tənqid edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Belə ki, noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

22
Teqlər:
Üçtərəfli bəyanat, elm, alimlər, Ermənistanın baş naziri Nikol Paşinyan, istefa
Xəritə, arxiv şəkli

Tsakurinin Hünərli, Quşçubabanın isə Baharlı adlandırılması təsdiqlənib

0
(Yenilənib 19:06 25.11.2020)
Prezident "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

BAKI, 25 noyabr — Sputnik. Prezident İlham Əliyev "Azərbaycan Respublikasının Xocalı rayonunun Quşçubaba kəndinin Baharlı kəndi adlandırılması haqqında" qanunu təsdiq edib.

Sputnik Azərbaycan-ın məlumatına görə, qanuna əsasən, Azərbaycan Respublikasının Xocalı rayonunun Qarabulaq kənd inzibati ərazi dairəsi tərkibindəki Quşçubaba kəndi Baharlı kəndi adlandırılıb.

Prezident İlham Əliyev həmçinin "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

Qanuna əsasən, Azərbaycan Respublikasının Xocavənd rayonunun Çiraquz kənd inzibati ərazi dairəsi tərkibindəki Tsakuri kəndi Hünərli kəndi adlandırılıb.

0
Teqlər:
təsdiq, qanun, Xocavənd, Xocalı